I arrived at Kuwait International Airport so early that day, excited for something ..a diffferent trip .. the shortest at a destination but yet one of the most amazing flights I ever experienced and I will always remember ! It was all about The First flight from Kuwait International Airport to Al Maktoum International Airport which was operated by Jazeera Airways,a low-fare airline with its head office on the grounds of Kuwait International Airport that operates scheduled services in the Middle East . It was the first flight with it’s passengers to arrive at Al Maktoum Airport in Dubai . With a kind invitation from Jazeera Airways, I was one of the passengers onboad of flight (J9-180) that was schudaled to depart from Kuwait on the 27th of October 2013 and arrive at Al Maktoum Airport .
وصلت المطار يومها مبجر …. عشان سفره و رحله مختلفه .. لمطار يديد لكن قريب و بديره كلنا نحبها … رحله رغم انها قصيره بس كانت حلوه بكل تفاصيلها ….. كانت اول رحله تقلع من مطار الكويت الدولي الى مطار آل مكتوم الدولي في مدينه دبي بدوله الامارات العربيه المتحده على طيران الجزيره كانت هالرحله رحله الافتتاحيه بمشاركه وفد من ممثلي الطيران المدني و الاعلاميين لحضور افتتاح مطار آل مكتوم وورلد سنترال دبي … و يعتبر طيران الجزيره من اول شركات الطيران الي تسير رحلاتها للمطار الجديد .. … كانت اول رحله توصل لمطار آل مكتوم بركابها للاحتفال بمراسم افتتاحه رسميا لحركه الطيران التجاريه لانه المطار سبق انه تم افتتاح احد مراحله بعام 2010 و يستقبل من حزتها الشحن الجوي … و بدعوه كريمه من طيران الجزيره كنت من ضمن الركاب الواصلين لمطار آل مكتوم بمدينه دبي بأول رحله توصل لمطارهم من العالم بتاريخ 27 اكتوبر 2013
و احنا رايحين للطياره شفت رحلتنا على شاشه رحلات الاقلاع بمطار الكويت الدولي…. طبعا كان يومها اول ظهور لجمله او عباره مطار آل مكتوم الدولي على شاشات المغادرين بمطار الكويت الدولي
The flight by Jazeera Airaways departed at 7:15 AM from Kuwait Internation Airport to Lauch the first flight that arrives to Al Maktoum International Airport … and now let me show you some photos of the flight 😉
رحله طيران الجزيره يومها طارت الساعه 7:15 الصبح متجهه الى مطار آل مكتوم في وورلد سنترال دبي … و الحين ببتدي معاكم و براويكم تفاصيل الرحله … جاهزين ؟
the flight duration was 1:14 min, although it was an early morning flight but it was mostly enjoyed with the company of many blogger friends 🙂
مده الرحله كانت تقريبا ساعه و ربع … بالرغم انها كانت رحله صباحيه مبجره بس الحمدالله الرحله كانت مرتبه و حلوه و خفيفه مع مجموعه من المنظمين و المدونين و الاعلاميين .. و هم كانت فرصه جميله قضيتها بالسوالف مع المدونه انسام
During our flight Mr. Marwan Boodai – Jazeera Airways Chairman – himself greeted passengers and welcomed us on board, Also he had a little chat with us about services and facilities that jazeera airways will be offers to its customers where ticket and hotel booking reservations are made soomthly and reach their expectations
خلال الرحله ..قام السيد مروان بودي – رئيس مجلس اداره مجموعه طيران الجزيره بجوله بالطياره و رحب فينا و تكلم معانا عن راينا بخدمات طيران الجزيره و مدى استخدامنا لها
Yes the passengers of the first flight to DWC Dubai ( Al Maktoum Airport ) had arrived 🙂 and those two photos of the plane were the first photos I took after stepping out of the plane 🙂
بمطار الكويت كانوا حاطين هالورقه الي مكتوب عليها ” المسافرون على اول رحله الى مطار آل مكتوم الدولي ” اما اللقطتين لطيارتنا خذيتهم اول ما وصلنا لمطار آل مكتوم في دبي
So that how it looks like when the first plane with it’s passengers lands and arrives at a new airport ! interesting lol
هالصوره صورتها قبل لا انزل من الدري لي الباص الي بودينا قاعه القادمون بالمطار … اول مره انزل من طياره و اشوف جذي .. حلو استقبال و استعداد المطار لوصول اول طياره ركاب ! هالتجربه مع طيران الجزيره صج ما راح انساها 🙂
That’s our Captain 🙂 و هذا كابتنا ما قصر على الرحله القصيره و الحلوه
It was a flight to remember, you can see the co pilot taking some photos too 😀 بما انها الرحله الاولى الي توصل لمطار آل مكتوم الجديد .. الي راح يكون بالمستقبل احد اكبر المطارات بالعالم لما يكتمل مشروع انجازه .. فلازم نوثق حدث وصولنا له و حتى مساعد الكابتن بالصوره قاعد يصور ويانا 🙂 و يوثق الحدث
Arriving at the Airport by bus وصلنا للمطار عن طريق الباص بعد ما خذانا من الطياره
وايد عجبني مبنى المطار .. و هذا الي دايما نتوقعه من الامارات و اهل دبي .. المطار مرتب ماشاءالله و نظيييف و مستحيل احد يضيع فيه الاشارات واضحه و موجوده بكل مكان هذا غير الموظفين الي تلقونهم موجودين دايما لخدمتكم
و آنا اتلفت اتفرج عالمطار و لفتت نظري ابتسامه هالموظفتين في مكتب مرحبا … ماشاءالله كانوا بعاد عنه بس مبتسمين لنا 🙂 يا حلو الناس السمحه و الي تستقبل زوارها بالابتسامه الحلوه
و هذا قسم التاشيرات للمسافرين الي يحتاجونها لدخول دوله الامارات العربيه المتحده
و هم هالمكتب للصرافه موجود في المنطقه الي قبل ختم الجوازات بمطار آل مكتوم الدولي في دبي
ختم الجوازات و بعدها انطلقنا بالمطار 🙂 معلومه حلوه قال لنا اياها كابتنا على طيران الجزيره اثناء رحلتنا ما قصر قدم لنا معلومات حلوه عن هالمطار اليديد حزه ما كان يقول بالمايكروفون المعلومات المعتاده عن الرحله مثل المسافه و الجو و غيرها .. المهم شنهي المعلومه الحلوه ؟ انه في فكره طبقوها اثناء رسم استراتيجيه خطه انجاز المطار .. الفكره تقول انه المسافر لي وصل قاعه القادمون و يمر باجراءات الوصول من ختم الجواز و نقطه التفتيش و بعدها يستلم الامتعه .. يبون يحققون انه كل هالعمليه تتم خلال 10 دقايق .. وايد عجبتني هالفكره و انشالله لي رحتوا على طيران الجزيره لمطار آل مكتوب بتلاحظون انه منطقه القادمون صغيره و كل شي يم بعض 🙂 حتو المطار الحالي واايد مرتب و ملمووم
استقبال جميل و ترحيب بالكلام الطيب من اهل الامارات قبل هالورود الحلوه الي وزعوها علينا … مبروك عليكم مطاركم اليديد و يبارك لكم فيه … انجازاتكم فخر لكم و لنا دايما
في منطقه استلام الامتعه سوق حره صغير قبل الطلعه 🙂
رحلتنا الي وصلت للمطار .. كشخه طيران الجزيره اول رحله للمطار اليديد
منطقه استلام الامتعه .. وسيعه و راهيه و احلى شي السقف عالي ماشاءالله 
جاهزيين للطلعه ؟ لوول ماكو طلعه من المطار بس في شي ثاني 
و اهني انتهت جوله وصولنا لمطار دبي و بعدها بدينا جولتنا هم بالمطار بس بشفناه من جهه المسافرين و بعدها حضرنا حفل الافتتاح الرسمي
بعض مكاتب تاجير السيارات بمطار آل مكتوم الدولي في دبي
بعض المطاعم الموجووده بجهه مدخل المطار للمسافرين و استقبال المسافرين
تكاسي المطار الي ناااطرتكم لوول يالله متى الروحه لدبي ؟
كلام من ذهب .. يا زينكم يا اهل دبي ربي يحفظكم 
الاستعدادات لحفل افتتاح المطار بحضور سمو الشيخ محمد بن راشد آل مكتوم … نائب رئيس الدولة ورئيس مجلس الوزراء لدولة الإمارات العربية المتحدة وحاكم دبي و كبار الشخصيات
البنات الحلوين الي كانوا صافين ينطرون وصول الشيخ محمد بن راشد .. و الصوره الثانيه لبناتنا الحلوين و اهمه يقدمون لنا الككاو .. يا حلو دار الكرم و الضيافه
و بعد وصول الشيخ محمد بن راشد آل مكتوم وقع على ذيل مجسم طائره اللوحه التذكاريه و بعدها ابتدى جولته السريعه بالمطار
Then HH Sheikh Mohammed Bin Rashid Al Maktoum unveiled the plaque and signed the tail before he toured the Airport
صاحب السمو الشيخ محمد بن راشد اثناء جولته بمطار آل مكتوم الدولي وورلد سنترال في دبي
HH Sheikh Mohammed Bin Rashid Al Maktoum – Prime Minister and Vice President of the United Arab Emirates (UAE), and constitutional monarch of Dubai – during his tour in Al Maktoum Airport
Afterwards there was a press conference ( photo of and Mr. Marwan Boodai – Jazeera Airways Chairman)
بعدها كان في مؤتمر صحفي للاجابه عن استفسارات و اسئله الصحفيين و الاعلاميين .. و بالصوره السيد مروان بدوي يشارك بالمؤتمر الصحفي 
We knew that we were going to stay for a couple of hours in Dubai, to be the first plane that lands in Al Maktoum Internatonal Airport by Jazeera Airways, attend the opening ceremony of the airport and leave back heading home, it was all planned perfectly set and organized by the amazing Bensirri Public Relations ! Thank you for making it successful trip with amazing comapny !
The Airport was totally empty having only us and the staff 😀 قسم البوابات كان خالي بس فيه احنا ركاب الرحله و اموظفين
هالمطار جزء من مشروع كبير في دبي … يعدونه “مطار المستقبل” و بعد تقريبا 40 كلم عن مطار دبي الدولي. و مثل ما ذكرت المرحلة 1 تم افتتاحها في العام 2010 لعمليات الشحن، و مع انتهاء مراحل المشروع في مركز دبي العالمي – لمطار آل مكتوم الدولي .. المتوقع انه راح يتسع لـ160 مليون مسافر سنوياً مع إمكانية شحن 12 مليون طن
وبكون حزتها هالمطار اضخم و اكبر مطار بالعالم … تستاهل دبي 🙂
كلنا ما نقدر انقاوم التسوق في السوق الحره بدبي … شريت شويه ككاوات 🙂 هم رايحه جم ساعه و هم اشتري للحبايب و الاهل 🙂
و ختمنا الرحله انا و انسام بغداء من ماكدونالدز مطار أل مكتوم اليديد 🙂
موقع المطار في مشروع وورلد سنترال بمدينه جبل علي في دبي .. مثل ما تشوفون بالخريطه موقعه بكون قريب ( 20 – 30 دقيقه ) تقريبا من اماكن وايده مثل مدينه الجميرا – مارينا دبي – مدينه دبي الرياضيه – المنطقه الحره – موتور سيتي بالاضافه للعديد من المنشآت الترفيهيه و راح يبين عدل اهميه موقع المطار مع اكتمال انجاز المشروع انشالله
For those who would love to take a flight on Jazeera Airways to Al Maktoum International Airport for a short vacation in Dubai now you can book for this weekend’s flight ! visit http://jazeeraairways.com/
في وايد ناس يحبون يجربون الرحلات اليديده و يوصلون لمطارات يديده 🙂 انشالله في نهايه هالاسبوع طيران الجزيره راح يبدي بتسيير رحلاته بخطه رحلتين بنهايه كل اسبوع .. تقدرون تحجزون عن طريق زياره موقع طيران الجزيره
و اخيرا بس حبيت اراويكم موقع مطار آل مكتوم الدولي في مشروع دبي وورلد سنتر .. الي لازال بمرحله الانجاز و التطوير .. كل التوفيق لاهل دبي الغالين
