How do you start planning for atrip ? How do you choose your upcoming destination ? well ofcourse the length of the vacation you can take will always minimize your options when it come to choosing a destination . For me it all always starts with a book/ a travel guide or Travel Magazine .Before doing the reading I start flipping pages, looking at photos then I stop at those photos that gets my full attention ! then it all starts getting attached to a destination before planning a trip to reach it and then read about it . So from where I usually buy Travel books and guides ? from Book World by Kinkoniya at Dubai all, UAE ..they have the latest and the newest Travel books ! let me show you some of the photos that I took there …..
اشلون تبدوون تخططون لرحله ؟ او اشلوون اتنقوون الديره الي بنتزرونها ؟ شي اكيد انه في اشياء وايد اتحكم بحريه اختيارنا للرحلات او السفرات احيانا حسب ظروف كل شخص و اهمها مده الاجازه العامل الاساسي بالنسبه لي الي يقرر الوجهه الي انقيها و بعدها التكلفه الماديه لازم تنحسب صح خصوصا للوجهات البعيده عنا مو مال الواحد يوصلها و يقعد مكان واحد حلاته ياخذله جوله و رحلات … المهم موضوعي اليوم بعلمكم من وين اختار وجهاتي … اختياري لوجهات السفر غالبا يبدي يا من مجله عن السفر و الرحلات او دليل مسافر او كتاب عام عن وجهات عديده و طبعا هم احيانا البرامج التلفزيونيه .. بس اكثر شي الكتب .. بس مو اذا قريتها .. اول ما اشتري كتاب يديد اتصفحه قبل لا اقراه اقعد اتفرج على الصور و اقرا العناوين الرئيسيه … و اول ما اشوف صوره تشدني سيده ابدي اقرا عن هالوجهه .. اكيد مو دايما اوصل للوجهات الي بخاطري اسافر لها بس هم واايد وجهات رحلتي لها بدت من صوره و قراءه في كتاب …. من وين اشتري الكتب الحلوه ؟ اكثر شي من دبي و بالتحديد مكتبه كنكونيا .. هبيت فيها في بانكوك بعد بس الصراحه مالت دبي وااايد احلى و فيها تشكليه عجيبه من كتب السفر و روايات المتعلقه بالسفر بعد .. المهم هذي مجموعه من الصور الي خذيتها خلال زيارتي الاخيره في دبي يمكن قبل سنه بس توني اتذكر انه ما حطيت الصور لكم 🙂
مرتبه و منظمه ماشاءالله و لا مره احتجت لمشاعده موظف عشان القى كتاب ابيه بقسم السفر و السياحه
مجابل هالكتب بالنسبه لي تعذييب لوول اول شي اقعد اشوفهم جذي بس اجابل الغلاف .. بعده اسحبلي واحد و انا خايفه من الشي الي اينن بشوفه داخل .. اكيد بلقالي وجهه حلوه او مغامره غريبه
صارلي فتره هابه اقرى عن القبائل المنسيه .. احنا عبالنا مو موجودين بس الغريب انهم موجودين في بعض الغابات بالعالم و صج منعزلين و لحد الحين ما يلبسوون ملابس ! سبحان الله كل هالتطور الي احنا في هم ظالين بعزلتهم ..
الوجهات الي صج ابي ازوورها .. ربي رزقني الي في بالي و اوصلهم و يرزقكم بعد انشالله
و هذا مكان المكتبه بدبي مول .. المره اليايه انشالله بسويلكم موضوع فيه كتبي المفضله 🙂
