My day at San Diego Zoo – April 2013

Minutes away from where I stayed in San Diego during my vacation in the states back in April 2013 , is San Diego Zoo ! The Must visit place in Southern California ! It’s an attraction for all ages ! One of the best Zoo’s that I have visited around the world ! today I’m going to show you through my review how  spend a day at San Diego Zoo 😉 by listing some advices that might be useful for you guys to plan your visit one day 🙂

 دقايق من مكان شقتي و سكني في سان دييغو  اثناء اجازتي بامريكا  شهر ابريل  2013 .. بتلقوون احد اكثر الاماكن السياحيه و الي تجذب السواح لسان دييغو بعد سي وورلد .. اهي سان دييغو زوو ” حديقه الحيوان في سان دييغو ” .. من الاماكن الي انصح انه تحطونها بجدولكم اذا كنتوا ناوين تمرون سان دييغو خلال اجازتكم او حتى لو ساكنين في لوس انجلوس و عنكم يهال حده يسوى تودوونهم سان دييغو زوو … ترا من اشهر حدايق الحيوان في امريكا بعد بوش جاردنز في تامبا – فلوريدا … المهم اليووم براويكم بعض الصور الي صورتها  خلال زيارتي لحديقه حيوان سان دييغو و اشلون تقضوون يوم فيها .. و بحط لكم بعض النصايح الحلوه يعني اهيه ملاحظات فادتني للتجهيز للروحه و انشالله تساعدكم في تخطيط ليوم ونيس و ترفيهي في سان دييغو زو

 Before you go: قبل لا تروحوون حديقه الحيواان

1- check the weather conditions, you don;t want the weather to run your outdoor day in the Zoo.

اول شي لازم تجيكوون الجو و احوال الطقس لليوم الي مخططين تروحون فيه .. اختاروا يوم مشمس و حلو عشان تقدرون تستانسوون و هم تشوفون الحيوانات كلها و عروضهم .. انا رحت في شهر ابريل و الجو كان معقوول صيفي بس هوا بارد منعش 

2- wear something comfortabe, clothes and show and don’t forget you hat or cap and sun block ofcourse.

 اهم شي اللبس المريح بالاماكن المفتوحه و الي يبيلها لويه و مشي .. و هم لبس جوتي مريح و لا تنسون القبعه و كريم الحمايه عن الشمس

Once we arrived at San Diego Zoo, we parked our car in Zone A, remember when you go you have to know your zone and the Animal zone that you parked at 😛 ours was the Koala 😀

اول ما وصلنا حديقه الحيوان في سان دييغو وقفنا سيارتنا في باركنق له رقم  و صوره الكوالا .. طبعا في اكثر من منطقه و لازم تحفظون الرقم و هم الحيوان الي حاطينه على اللوحه عشان ما اتضيعوون سيارتكم بالطلعه

So which ticket should you get for San Diego Zoo ?  They have so many kind of ticket and some include offers to experience with animals too ! to see more details on the type of ticket for San Diego Zoo press here . I got a one day addmission pass plus the backstage Pass .. what is the backstage pass ? it’s where you can enjoy  access to some amazing encounters with animals and their trainers . you will be able to touch, help train, and experience many up close opportunities with the animals ! I totally recomend buying this pass when you visit San Diego Zoo ! your Backstage pass will include the following :

انزين بنرووح حديقه الحيوان مالت سان دييغو بس اي تذكره ناخذ ؟ طبعا مثل اي بارك او مكان سياحي بامريكا دايما يكون في اكثر من نوع للتذاكر بعضها تشمل الدخول للمكان مع عروض خاصه لحاملينها .. عشان تشوفون انواع التذاكر الموجوده لسان دييغو زوو ضغطوا على الرابط … المهم انا شنو خذيت ؟ خذيت تذكره دخول مع شي اسمه ” باك ستيج ” شقصه هالباك ستيج ؟ من الاسم يعني معناته بنشوف و بنجرب اشياء مو كل الناس تقدر تشوفها او تجربها …حاملي بطاقه باك ستيج يقدرون يستمتعون بطريقه ثانيه غير التمشي بالزو او حديقه الحيوان و شوفه الحيوانات في قفاصتها او مكانها الخاص .. مع باك ستيج رحنا مكان ما يدربون الحيوانات و قعدنا في مسرح  مكشوف صغير شفنا عرووض عن قرب لبعض الحيوانات و قدرنا نلمسها و نوكلها و نصور معاها مع المربيين الشخصيين للحيوانات الي كل وحده قامت تقول قصتها مع الحيوان المسؤؤله عنه .. شخصيا انصح في تذكره باك ستيج باس .. للي يحبوون الحيوانات و يبون يقربون منهم و يتعلمون معلومات يديده .. المهم تذكره الباك ستيج باس راح تشمل بعض الامتيازات و منها :

–   Taking  photographs with  some of the animal stars by the phptographer or by your camera

التصوير مع بعض الحيوانات المختاره من المدربين .. تقدرون تصوروون بكامراتكم و هم كامراتهم و تالي تشترون السي دي و هم ايي معاه صورتين

– Touch and feed some animals

لمس الحيوانات المختاره و هم توكلون بعضهم

– Providing beverages, including ice tea, soda, or water.

في مساحه المسرح المخصص للعرض بتلاقون ثلاجه بيبسي و ماي للحضور

–  Priority bus loading (1-Day Pass admission or Bus Tour ticket required), and 10% off at the Zoo’s gift stores.

هم بطاقه الباك ستيج باس تعطيكم اوليه لركوب الباص الي داخل الزو للناس الي ما يعبرون يمشوون مسافات كبيره  وهم لا تنسووون فيها خصم لمشترياتكم من محلات التذكارات

To read more about Backstage pass press here  

الي وده يعرف اكثر عن تذكره دخول باك ستيج يضغط على الرابط

 Shall we start the day at San Diego Zoo ? let’s go , first get your map, to know which way to start and make a  fast plan to make your tour at San Diego Zoo

يالله نبدي جولتنا بحديقه الحيوان في سان دييغو ؟ اوكي اول شي و اول ما ندش نااخذ خريطه المكان .. لييش ؟ لانه الحديقه واااايد كبييره و مقسمه اقسام و كل قسم فيه مجموعه من الحيوانت و بعض العروض السريعه .. نصيحتي شوفوا شنو بخاطركم تشوفونه او بخاطر اليهال يشوفون ابدوا بالمكان الي تحسون انه بصير ضغط عليه خلصووه اول اليوم احسن .. مثل مكان الباندا دايما يكوون مزدحم تالي بالنهار

 I just love Flamingo’s !!! امووووت على شي اسمه فلامنقو لا تقولوون لي ريحتهم خايسه لوول .. احبهم و احب اقعد اجابلهم سبحان من خلقهم .. روعه الوقفه و الحركات و المعلومات عنهم

 يا زين الامريكان و يا زين ترتييبهم .. سالفه عالرباين الي يصفوونها عند مدخل الالعاب و العروض في كل مكان سياحي

 بعير سان دييغو زو ذكرني في بباي علاء الدين مال دزني لاند لوول .. و هم اللاما بعد بباي ثاني من انتاج  دزني

 السلاحف الموجووده عندهم انوااع .. و كل نوع حاطينه بمكان في الصغار و الكبار .. انا جابلت هالكبار لانه ما ينشافون وايد  عندنا

شفتوا هالشايب ؟ اهو احد المسؤوليين عن السلاحف .. يا زينه لا سالته و لا شي ياني بنفسه و قعد يقولي عن السلاحف معلومات عامه و هذي جم عمرها و هذا جم عمره  …  احبهم و احب اشوف هالشخصيات الي تحب عملها و تمارسه بشغف .. رغم كبر سنه الا انه يقوم و ايي و يتشتغل و يحاول ينقل المعلومات الي عنده للزوار الي ايون لحديقه الحيوان

اما ذيييله يبيلهم قعده لووول … عجيبييين ما ينمل منهم .. احب اراقب حركاتهم و ترى مو هينين يخزون و يلاحظوون

 الي احبه بامريكا انه الحيوان عنهم يحترمونه و له حياته الخاصه و نقدر نقول انهم يشتطوون له لوول .. يعجبوني حاطين لوحات عليها اسامي الغوريلاز و اطباع كل واحد بعد !

 اما هالمكان ما انصح الي يخافون من الحشرات يدشوونه كلششش .. لانه حتى الزهيويه فيه مو الزهيوي مالنا الي اهني لووووول لا عندهم زهيويه امريكا الي يخرعوون و نشوفهم بالافلام لووول

 بعض الحشرات الموجوده في سان دييغو زو

اما هالمكان  مخلينه حظيره للخرفان و الصخول و يسمحوون للناس اتدش و اكثر شي طبعا اليهال حدهم مكيفين ..  مو مثل يهالنا يا مناحه خايفين او يتحرشون بالحيوانات و يكفخونهم لوول .. لا عيالهم يقربوون و يلمسوون اشوي اشوي و يسالون الف سؤال عن الحيوانات لوول .. عجبني التنظيم و الترتيب للمكان مثلا كاتبين عالباب انه سكروه لمه اتدشوون المحافظه على المكان مسؤوليه الجميع و  هم حاطين مغاسل صغير يم المكان عشان الواحد يغسل ا يده بعد لمس الحيوانات

 و انتوا تمشون بالحديقه بتشوفون هالكراسي .. لوول كراسي مساج  و صدقوني صج راح تحتاجون مساج الريل ماشاءالله حديقه الحيوان مالت سان دييغو واايد  كبييره و انا احب المشي بس طبعا الي معاهم يهال او كبار بالسن ياخذون الباص يوصل لمحطات مناطق و اقسام حديقه الحيوان 

 وهذا مكان الزراف الي بحديقه حيوان سان دييغو .. و في كشك صغير يمه كاتبين عليه  الوقت المحدد للي يحبون يوكلوون الزراف .. طبعا تشترون الاكل من الكشك و توكلونهم

 و هذا الكشك و يمه لوحه  المواعيد

 شوفوا البساطه في طريقه تقديم  و عرض المعلومات …. واايد احب طريقتهم معلومات مختصره و تلفت النظر .. تخلي الواحد مو بس يطلع من المكان مستانس بشوفه الحيوانات  هم يطلع مكتسب معلومات عديده عن الحيوانات   

هذي مثل حديقه صغيره  طرازها آسيوي فيها بط و جسر بالنص و اشجار غريبه

 التماسيح عندهم اشكال و انواع .. بس ماكو على تماسيح فلوريدا و خصوصا ميامي و اورلاندو

 هذا قفص احد انواع الشواذي الي بحديقه الحيوان لاحظوا اشكبره

 تااايغرررر … ذكرني في فيلم بباي ” جنغل بوك ” مووووغلي  لووول

 احس انه حيواناتهم مستانسه .. بصراحه الاماكن المخصصه لهم واايد حلوه و مهتمين فيها بحيث تكوون مشابهه لبيئتهم الطبيعيه بالغابات

 و يستمر المشي بالحديقه و لازم تعرفون انها مستوياات يعني مو كلها على مستوى وااحد

 بس هذا الي زعلان بالحديقه و معطي الناس ظهره لوول

 تضيعووون فيها ؟ لا و الله الواحد ما يضيع كل جم متر تارسين لكم زاويه من هاللوحات الارشاديه  و مع الخريطه الي بيدكم ما تضيعون فيها انشالله .. بس صج سان ديغو زو يبيلها يوم كامل

 من ضمن الاشياء الي ممكن تستمتعون فيها اهي التلفريك المخصص لسان  دييغوزو  و السفاري

 و هذاا الباااندااا …. الي علييييه زحمه .. ليش زحمه ؟ لانه لازم تصفون دور عشان توصلون المكان الي تقدرون  منه تشوفونه  و يكون مبين عدل .. هالصوره صورتها و انا بره لقطته من بعيد لانه بصراحه وصلنا مكان الباندا الظهر و الدور كان طوابير فقلنا ما يسوى الوقفه .. بس عشان عيالكم روحوا مبجر و ابدوا بشوفه الباندا قبل لا الناس تبدي تيي الحديقه

 لاحظوا الاعلان الي معلق على  عاموود الليت .. كوالا بس كوالا كول لوول لابس نظاره و حركات عشان جذي سمووه  ” كوالافورنيا ” لييش ؟ لانه بكون الحيوان اليديد الي بينضاف لحديقه الحيوان  في سان دييغو .. كانوا حزتها يجهزو له المنطقه الخاصه فيه .. الله يلحقنا خير انشالله السنه اليايه  اصوره لكم 🙂

اوكي و الحين مكان الباك ستيج باس … له مكان معين و محطوط مكانهم بالخريطه عشان اتدلونه و تعرفون توصلون له .. الباك ستيج يبدي في وقت معين يقولون لكم عند شباك التذاكر عن الوقت .. و لا اتاخرون و كونوا عند الباب مبجر لانه الموضوع مو بس فيه قعده بمسرح مكشوف  بعد فيه جوله على حظاير بعض الحيوانات

 هذا مكان الباك ستيج .. اييبون حيوانات معينه و يسوون لكم عرض و بعضهم تقدرون تلمسونهم و تصورونهم مثل الي بتشوفونه بالصور اليايه .. المكان صغير و العدد محدوود يعني كل يوم في عدد معين للتذاكر و عادي يخلصون بايام بالويك اند

 يا زين المدربات …. يهبلوووون  كل وحده مجابله الحيوان المسؤؤله عنه و تقول لنا قصته وين لقوه و اشكثر عمره و اشياكل و اطباعه و حركاته لوول .. يا زينهم بس

 من احلى التجاااارب و أ روعها بحياتي و سفراتي رغم بساطتها ! تجربه اني اوكل الفلامنغو ! هالتجربه كانت من ضمن تذكره الباك ستيج باس !!! خياال الشعوور ما ادري ليش اني احبهم و اموات عليهم طوول الوقت و انا اوكلهم كنت طاايره من الفرحه و شاقه الحلج اضحك !! و صورنا المصور مال سان دييغو زو خوووش صور و انا و اهلي نوكل الفلامنغوز

 كلللش ما يخررع و شعووور جدا غرييب و حلوو انه مو بس لمسته !! وكلته بعد بس ها ! سالفه التوكل فيها سعاابيله على ايدي لوووول … احب الحيوانات و احب اقرب يمها و ادري انه مو كل الناس تقدر تحب هالسوالف

و هذي صوره لبطاقتي لباك ستيج باس و هذي المغسله الموجوده عندنا عشان نغسل ايدنا بعد اللويه مع الحيوانات

 و يصير يكتمل يوم كامل بحديقه الحيوانا من غير لا انتسوق و نشري من هالتذكارا ت و نكود منها ؟ طبعا لا !!

و هم ما يكتمل اليوم في مكان سياحي من غير هالسوالف العجييبه … لها طعم غيييير

 و بعد ما راويتكم مجموعه من الصور الي صورتها بحديقه الحيوان في سان دييغو بس ابي انبهكم انه حديقه الحيوان غير عن سفاري بارك بحديقه الحيوان نفسها   .. بمعنى تقدرون تحجزون تذاكر للثنتين بس نصيحتي خلوا كل وحده يوم عشان يمدييكم .. انا السنه رحت سان دييغو زوو بعد ما زرتها  من سنيين … و انشالله ناويه السنه اليايه اروح اقضي يوم في سفاري سان دييغو

Visit San Diego Zoo

Visit San Diego Safari Park