Flowers everywhere…. here and there … colorful beautiful flowers, awesome view of the Indian Ocean all at The Flowers Fields in Carlsbad, California !
ورد … ورد … ورد كل مكااااان .. الورد جميل … بوكيه الورد بغض النظر عن حجمه يونس … الورده بروحها هم تفرح القلب .. اشلوون اذا الواحد وقف بنص حقووول الورد !! لا و وورد ملون و لمساحاات كبييره و وراه منظر المحيط ! روعه حقول الورد في كارلزباد – كاليفورنيا !
Last year when I was spending my vacation in California in March 2013, I had the chance to visit The Flower Fields in Carlsbad twice ! during my stay in San Diego 🙂 this post will take you on a lovely photo tour in the 50 acres of color in bloom on the hillside. It’s an annual burst of color, which has become part of the area’s local heritage, is also one of nature’s official ways of announcing the arrival of spring :)The flowers are in bloom for approximately six to eight weeks each year – from early March through early May, So if you’re visitng California and planning to stay in San Diego during that period, don’t miss this place !
العام و انا اقضي اجازتي الصيفيه المبجره كالعاده في امريكا خلال شهر مارس 2013 حصلتلي الفرصه اني اروح و ازور حقول الورد مرتين ! لما كنت ساكنه في سان دييغو … هالتقرير ان شاءلله بياخذكم بجوله حلوه بتشوفون فيها بعض الصور الي صورتها خلال هالزيارتين لحقول الورد في كارلزباد .. الي تعتبر جزء من المعالم السياحيه في هالفتره و بدايه موسمها معناته انه دش الربيع بالمنطقه … الورد يتم تقريبا من 6 الى 8 اسابيع بالسنه .. من اول شهر مارس الي اول شهر مايو .. هالمكان انصح فيه للي بزورون ولايه كاليفورنيا و بيسكنون في سان دييغو او حوالينها … تقريبا تبعد منطقه الورد \ كارلز باد عن سان دييغو 30 دقيقه
وقت عمل حقول الورد هالسنه
Date: March 1 – May 11, 2014
Time: 9:00 AM to 6:00 PM
Price: Adult – $12 Seniors 60+ – $11 Children 3-10 – $6
http://www.theflowerfields.com/
طبعا سنه امريكا … اللوحات لحقول الورد تبدي تبين بالطريق السريع ( الهاي وي )
نصيحه للي بروح وخروا عن الويك اند لانه زحمه و المواقف تكون متروسه … اول ما توصلون اشتروا تذاكر الدخول و يعطونكم مجله فيها شرح لحقول الورد
المدخل لحقول الورد
اول ما تدشون الحقول بتشوفون السوق بالهواء الطلق … فيه بعض الشلات الحلوه بس بصراحه ما شريت شي فضلت انه اتمشى و اتفرج
هذا الي تعودنا عليه بامريكا … لازم اللوحات الارشاديه و الي فيها معلومات عن أي مكان نزوره بامريكا .. احب ترتيبهم بالحياه و لو كان بسيط بس دايما يحرصون على اكتساب المعلومات بكل لحظه بحياتهم
و اهم بتلاحظون بساحه المدخل انه تم اعاده استخدام بعض الادوات المنزليه الي نستخدمها بالحدايق بعد ما تنكسر او يخترب فيها شي .. يستخدمونها و يحطون عليها احواض الورد
بعض البضايع الموجوده بالسوق
شوقتني هالطاولات الملونه
الورد بالوانه و احجامه المختلفه … بين هالورد حاطين ممرات عشان الي يحب يدش بين الورد و يصور
ترى شي بسيييييييط بس شوفته تونس و تفرح .. بس حسافه انه خلال زياراتي كان الجو مغيم و ماكو شمس و لا جان الصور طلعت احلى
الورد الناس تشوفه بس 😛
و في ناس تراقب على طول عشان محد يفكر انه يقطع له ورده و لا يخرب
و الشي الي احبه بامريكا اهوه عصيير الليمون ” ليمونيييد ” و مثلج بعد … تكمل ! صج ولهت على امريكا :(((((
There are plenty of family-friendly activities and events at The Flower Fields, one of those activities is the open-air wagon ride around the fields
كل سنه حقول الورد ينظمون عده انشطه و احتفالات مختلفه و هالشي تقدرون تشوفونه بموقعهم الي كتبته لكم فوق … المهم من ضمن الانشطه جوله دار مدار الحقول في ” واقون قديمه ” مثل الي تشوفونها بالصوره
يازتلي السالفه .. و رحت سالت و طلع لازم اشتري تذكره ثانيه لجوله الواقون .. و بعدها حطولي ستامب على ايدي و ركبنا الواقون و لفت فينا و في محطات ثانيه دار مدار الحقول ممكن الواحد ينزل او ممكن احد يصعد عشان يرد عند المحطه الرئيسيه
الفراوله !! يا حلو الفراوله اللذيييذه !!! من الاشياء الي تنباع داخل حقول الورد في كارلزباد اهي الفراوله … لا تطوفونه حتى لو تشترون و تاخذونه معاكم البيت
لازم البلعه العجيبه دام انه الواحد في نطاق الاراضي الامريكيه … كاونتر النفيييش مع الغيم و البراد ما يتطوف
مسرح صغير موجود في احد اقسام الحقل و اهوه عباره عن حديقه فيها هالمسرح للفرق الموسيقيه و العروض الي اتوقع بس تصير بالويك اند
and this is your way out of The Flower Fields, you will get the chance to shop at a garden center….
و الطلعه من الحقول بتكون من هالمكان … محل لادوات الزراعه و الحدايق … روعه الاكسسوارات ديكورات الحدايق الي فيه
تقريبا تحتاجون تقضون ساعتين في حقول الورد .. او اقل اذا ما تبون اتسووقون او تندمجون بالتصوير 🙂
