هالموضوع مشاركه من احد متابعين المدونه … لاحد سفراته الاخيره الى اسبانيا 🙂
حمد من الكويت : وايد سواح من الخليج كل سنة يروحون اسبانيا لكن قليل منهم يزورون المناطق الاندلسية “قرطبة, غرناطة, اشبيلية وغيرها” كانت رحلتنا لثلاث مناطق الي ذكرتها “… الرحلة كانت اندلسية بحتة…ابتدت الرحله بوصولنا الى مدريد و نمنا فيها ليلة ..عقبها رحنا اول مدينة اندلسية والي اهي قرطبة …الرحلة كانت بالقطار و تقريبا مدتها ساعتين و ثلث من مدريد الى قرطبه
Guest Writer
Hamad from Kuwait: Since I read about the history of Andalusia and Spain, I was very excited to visit these places, so I decided to go in March 2014 because the weather will be fine depending on tourism sites & guests reviews. The plan was to cover the main historical sites in Cordoba, Granada & Seville !! We started our trip in Cordoba. Our flight was to Madrid, so we took a train journey ( 2:20 hours ) to Cordoba. Now let me take you to the details of my trip ….
هذا مدخل اوتيلنا في قرطبه
مدخل الاوتيل كان احد مداخل مدينة قرطبة ايام الحكم الاسلامي فيها – موقعه جدا مناسب بنص السنتر !! كل شي كان قريب يمنا
هذا مكان قعدة داخل الاوتيل يم الرسبشن
الاوتيل عبارة عن بيوت داخل المدينة القديمة مجددينها وطريقة الغرف راح تكون مثل ماهو مبين بالصورة مبنى دورين والغرف كلها تطل على الحوش – ملاحظة مهمة غرف الاوتيل كبييرة وواسعة الحمدلله توفقنا فيه
الشوارع او السكيك داخل المدينة القديمة راح تكون بهالطريقة …سكيك ضيجة وبيوت بيضا انا احب هالديزاين وايد يعجبني غير انه مكان مهم للمصورين والرسامين … الحين ببدي اراويكم صور و تفاصيل جولتنا في اول يوم وصول في مدينة قرطبة الجميلة
اول يوم وصول لاي وجهة راح يكون مجرد استكشاف وشفنا اسهل واسرع طريقة لاستكشاف اهم الاماكن في مدينة قرطبة اهي هالعربانة ام حصان.. و باخذكم معاي في الصور اليايه تشوفون وين رحنا بعربانه الحصان
The previous photos are from our Horse Cart tour in Cordoba, Spain. That tour is a must, you will pas by most of the city’s attractions and go into secret roads in Cordoba’s old city.
عقب الفرارة بالعربانة قلنا نتغدا و عقبها ندخل مسجد قرطبة .. المسجد للاسف تحول الى كنيسة عقب ما اطلعوا المسلمين من الاندلس .. بصراحة رحلة محزنة كل شي اسلامي تحول الى نصراني!! المهم هذه مئذنة المسجد القديم واذا تلاحظون الاجراس عليها
هذا اسمه بالاسباني يعني مسجد قرطبة
mezquita de cordoba
هذا سور المسجد !! مسجد كبيييير جدا وقرطبة عموما كانت عاصمة الخلافة الاسلامية في الاندلس”اسبانيا حاليا” شي عجيييب والله
الوضع في مدينة قرطبة يحسس الواحد انها فعلا كانت للمسلمين طريقة البيوت الشوارع المسجد النخل فعلا حبيتها.. الحين دخلنا الحديقة عشان نقص تذاكر دخول عشان نشوفه من داخل التذكرة وايد رخيصة 2 يورو شي جذي
و الحين صور المسجد من الداخل
هذا محراب المسجد بصراحة فن ولا بالاحلام منو يتخيل انه هالفن موجود من قبل 1000 سنة وليلحين جذي جميل وبهالدقة
الحين اتيي بعض صور تحويل المسجد الى كنيسة 🙁 مع العلم انه السياح بس يصورون الجانب الاسلامي لانه فن اكثر من النصراني
جذي نكون خلصنا رحلة المسجد الجميل عقبها بنروح قصر الملك الي كان بالاساس قصر عبدالرحمن الداخل اول خليفة في الاندلس .. رحلة المسجد عبارة عن رحلة قصيرة عشان جذي يميدك تروحون مكان ثاني !!
احلى مافي القصر حديقته … اما من الداخل مافي شي يذكر شوية لوحات وتماثيل .. وبجذي نكون خلصنا رحلة مدينة قرطبة .. المدينة حدها يومين ثلاثة اهم معالمها المسجد والقصر هذا فيها اكثر من سنتر للتسوق وتشري السوفنيرز وفي عرض حسافة طافنا …..ماكان في عرض يوم كنا هناك
هذا الاعلان مالهم حده ضايق خلقي انه مافي عروض 🙁
for more information & booking visit:
http://www.reservasturismodecordoba.org
