Flying from Nairobi to Masai Mara with Safarilink - East Africa Trip 2014 الطيران من نيروبي الى مساي مارا مع طيران سفاري لينك - رحله افريقيا 2014 -

I have traveled to many destination around the world, but I never came across such a beautiful view from my window seat in a small plane flying over one of th most amazing game reserves in the world ” The Masai Mara ”

سافرت لاماكن و وجهاات وايده بالعالم .. و ركبت طيارااات صغار و كبار بس عمري ما قعدت بكرسي يم الدريشه من قبل و شفت مثل هالمنظر الخيالي …و احنا طايرين فوق اشهر مناطق والمحمياات الطبيعيه للسفاري بالعالم .. مساي مارا في كينيا و الي بتكون اول وجهه سفاري لنا برحلتنا

That was the first domestic flight with SafariLinkt Aviation to our first Safari Destination in Kenya, after spending one night in Nairobi – for details press here .

هالصوره صورتها باول رحله على طيران داخلي لوجهه السفاري الاولى في كينيا بعد ما قضينا ليله اول ما وصلنا في نيروبي .. لتفاصيلها شوفوا الرابط

Flight details :

Departure : Wilson Airport, Nairobi

To : Kichwa Airstrip – Masai Mara

Flight duration : 1 Hours

تفاصيل الرحله

الاقلاع : من مطار ويلسون في نيروبي – كينيا

الى : مهبط طائرات كجوا في المساي مارا

مده الطيران : ساعه

Arriving at SafariLink Aviation Building at Wilson Airport … when you guys see the size of the plane you will understand why they have luggage weight and size requirements 🙂 press here and check how My packing list and luggage for a safari trip

بعد ما انطلقنا من الاوتيل وصلنا مطار ويلسون عشان ناخذ رحله طيران الى المساي مارا .. الغريب بالموضوع انه كل طيران له مبنى بروحه .. يعني ماكو مطار او مبنى لكل شركات الطيران الداخلي … و هذا مبنى شركه سفاري لينك الي حجزنا معاها … لما تشوفون حجم الطيارات مالت الطيران الداخلي راح تعرفون ليش قوانينهم الصارمه بالنسبه لوزن و حجم الجنطه ماله السفر و ليش لازم تكون هاند باق .. الي وده يشوف تجهيز جنطتي للسفاري يضغط على الرابط

خوش مبنى يديد و فيه قهوه .. من اكشخ مباني الطيرانات الي مرت علي اهناك سواء في كينيا او تنوانيا

SafariLink Building or terminal at Wilson Airport

من مميزات رحلتنا و ان شاء الله كل شي بتشوفونه بالتقارير اليايه .. اهي انه كل الي معانا اجانب … ما صادفنا خليجيين او عرب ابد خلال روحتنا بشهر اكتوبر 2014

All set and ready for our flight to Masai Mara 😀

بس وصلنا نزلنا مع سايقنا الى من شركه السفاري الي حاجزين معاها رحلتنا و دشينا المبنى .. بعدها موظفين الطيران شافوا جناطنا و تاكدوا من كل شي ( الحجم و الوزن المطلوب ) و بعدها عطونا هالبطاقات يعني شي مثل التذاكر

اشلون طريقتهم ؟ عندهم لسته باسماء الركاب لكل طياره و يشخطون اسم الي وصل و دخل جناطه .. جنطه الظهر بتكون معاي داخل الطياره

و هذا شكل البطاقه من الصوب الثاني ما عليها اسمنا او اي معلومات شخصيه

Later we followed one staff to another building, which is not a new one 😛 it was like a departure lounge , We sat there waiting for the flight call, they did the call according to the cards colors ( cards on the previous photo )

بعد ما عطونا البطاقات يمعنا احد الموظفين مع ركاب ثانين و طلعنا مشي بره لدقيقه و يابنا لمبنى ثاني مثل ما تشوفونه بالصوره .. جنه لاونج للركاب قبل الاقلاع ما ادري ليش ما تمينا في ذاك المبنى … الي لفت نظري هالكافتيريا الصغيره مسطرين الجباتي و السمبوسه لوول .. المهم نطرنا اشويه و بعدها بدا الموظف ينادي الركاب على حسب شنو ؟ لون البطاقه الي بيدنا .. الي عطونا اياها مثل ما شفتوها بالصوره الي قبل .. في ناس تكون خضرا او حمرا احنا برتقاليه .. المهم نادونا و طلعنا نمشي ورا الموظف بره بساحه كلها طيارات صغييره

Before boarding the plane, check that you’re luggage is there too 😛

و هذي طيارتنا ! طبعا انا وقفت مكيفه لانه بتكون اصغر طياره بركبتها لحد الحين من مكان لي مكان … بس قبل لا تركبون لازم اتاكدون انه يابوا جناطكم بالعربانه .. الي قاري تقاريري عن هالرحله من اول بعرف ايهم جناطنا من هالجناط الي بالعربانه لوول

و هذي صور من داخل الطياره … الطياره النتفه تكفي 12 راكب غير الكابتن و مساعد الكابتن يصير العدد 14 .. صغيره وحده ضيييج … ليش اقول هالمعلومه ؟ لانه الي يخاف او عنده مشكله من الاماكن الضيجه ممكن يتضايق و هم بعد المطباات لانه الطياره صغيره .. شوفوا الصوره الي على اليسار هالمكان باخر الطياره مخصص لجناط اليد و جناط الظهر

The planes are so small and I think they’re not going to be comfortable for those who have Flying phobia or Claustrophobia.

How cute is that ! The pilot based by that candy box to the passengers duyring our flight 🙂

اول ما طرنا الكابتن طلع هالعلبه الي فيها حلاو و طاولها لاول راكب وراه و من راكب لي راكب كلنا خذينا 🙂 و هم الطيران حاطين لنا بطل ماي بالكرسي الي جدامنا .. اما بالنسبه لكتيب شركه الطيران كاان وايد حلو .. بما انه هالطيارات الصغيره تطير لمطارات داخليه و هم مهابط طيارات بعد فحلو نشوف خط طيرانا من وين طالعين و وين رايحين

و هذي بعض الصور الي صورتها خلال الرحله

let’s fly to the Masai Mara … are we there yet ?

Masai Cattle …cows 😛 I will talk about them more when I review my visit to The Masai Village later on

منظر من الطياره قبل لا تطب لقطيع البقر لاحد قبايل الماساي في المساي مارا .. ان شاءالله بسولف لكم اكثر عنهم و عن بقرهم بتقرير خاص لانه زرناهم 🙂

Finally landed 😀 so that what Kichwa Airstrip looks like …It’s an Airstrip in the Masai Mara that is close to a couple of camps/ lodges including our camp .

و بعد ساعه طيران من نيروبي وصلنا لمهبط طائرات كجوا تيمبو في المساي مارا .. هالمهبط يمه عدد من المخيمات و اماكن السكن للزوار

Once we landed, we were met and greeted by one of our host’s team members, which was the beautiful ” Charity” our guide and ranger while staying at Masai Mara ..

اول ما وصلنا استقبلتنا و رحبت فينا من اول ما نزلنا من الطياره .. موظفه من الشركه اللي نتعامل معاها و عرفتنا على روحها و انها بتكون القايد و الرينجر مالتنا خلال اقامتنا بالمساي مارا .. اسمها جيريتي .

in the photo,Charity taking our luggages from the plane

في الصوره جيريتي و اهيه تنزل جناطنا من الطياره .. لاحظوا مكان الجناط الصغير عشان جذي ماكو سوالف جناط جر لازم شي مثل الهاند باق عشان يتفقص لول

The waiting are for those who are leaving for new Safari destination or just ending one

هالكوخ مكان الانتظار حق الناس الي بيمشون من هالمكان و بروحون مكان سفاري ثاني او خلصت رحلتهم

Hello World ! Meet our beautiful Ranger and Guide ” Charity “

و الحين ابييكم اتعرفون عليها و تشوفونها هذي ” جيريتي ” الرينجر و السايق و القايد مالتنا خلال اقامتنا في المساي مارا لمده 3 ليالي .. اتيييييننننننن …. شااااطره و مخلصه بعملها .. الله ياهي اشياء تعلمنا منها … معلومات اتينن … يا زينج يا جيريتي .. صج يا بختنا فيها .. راح تشوفون بالتقارير اليايه شنو شفنا معاها و ليش تنحب هالانسانه ! المهم بعد استقبالنا يابتنا يم سيارات شركتنا الي يايه تاخذ ضيوفها و يم سيارتنا كانت حاطه هالطاوله المرتبه عليها بعض المشروبات الحاره و المكسرات و البسكوت .. شي ترحيبي بسيط قبل لا نركب الجيب و نروح المخيم الي بنسكنه .. و طريتهم يسولفون معام يشوفون شنو بون تشوفون من حيوانات و شنو متوقعين تشوفون

What did we see on our way to our Camp ? ANIMALS ! Honestly I never thought that one day I’m going to see animals during my drive from where my plane lands to where I’m staying LOL … and in the photo above you can see a baboon on the tree looking at the airstrip ..like if he’s waiting for a visitor or guest to arrive 😀

و شنو شفنا بدربنا من مهبط الطيارات الى مخيمنا ؟ شفنا حيوانات ! عمري ما توقعت انه يوم بقول اي و الله بدربنا من المطار لي المكان الي بنسكن فيه شفنا حيوانات اقعد اعددههم لأهلي و انا اكلمهم بالتلفون لوول .. صج السفره كانت رحله مختلفه بكل جوانبها .. المهم اول شي شفناه اول ما حركنا بالجيب قالت لنا جيرتي التفتوا صوب مهبط الطيارات .. ما نشوف الا هالبابون ” شاذي ” على الشجره جنه ناطر و بيستقبله احد لوول