And that was the place where we sometimes hangout during our stay at Kichwa Tembo Tented Camp and have a cold drink or coffee, well it depends on the weather 🙂 we used to sit there and chat about the Mara wildlife .. smiles and laughs …questions and answers I just can’t forget how happy we were right there , it was the perfect stay in the Masai Mara !
و في هالمكان و القعده الحلوه الي تشوفونها بالصوره الي فوق .. كنا بين رحلاتنا اليوميه لشوفه الحيوانت .. نرد و نقعد في هالقعده الشرحه على هالمنظر و الهدووء .. و نسولف و نتناقش عن المعلومات اليديده الي اكتسبناها في هاليوم و عن الحيوانات الي شفناها يومها .. و نطلب لنا يا شي بارد نشربه او شي حار على حسب الجو حزتها … كل الي اتذكره انه كنا واايد مستانسين .. نضحك و نسولف و احنا متحمسين بالي شفنااه … الحمدالله توفقنا باختيارنا للسكن في هالمكان … مخيم كيجوا تيمبو و معناتها راس الفيل .. مخيمنا
We arrived to Kichwa Tembo Tented Camp after a short drive from Kichwa Tembo Airstrip, where we were met and welcomed by our ranger and guide during our 3 nights stay.. The beautiful ” Charity “
وصلنا مخيمنا بعد ما استقبلتنا القايد و الرينجر مالتنا من مهبط الطيارات الخاص ببعض المخيمات الي بالمساي مارا – كينيا
و خذنا برحله سفاري من مهبط الطيارات الى المخيم الي سكناه 3 ليالي… الي يبي يشوف تقرير رحله الطيران من نيروبي الى المساي مارا و استقبال القايد جيريتي لنا يضغط على الرابط
Now let me take you on a photo tour in our amazing camp
اما الحين خلوني اخذكم بجوله صور مع شرح بسيط عم مخيمنا الاول من ضمن رحله السفاري في كينيا و تنزانيا
Our Masai Maara Tented Camp
One of the best Safari Camps in The Masai Mara, Kenya ! We loved almost everything about our stay at Kichwa Tembo , the great hospitality, the amazing camp setting, the food and mostly our amazing ranger ” Charity” . One thing you have to know before booking at Kichwa is that the camp have recently redesigned with new tents but not all of them ! during our stay in 3rd October, 2014 there were some old tents . Unfortunately we stayed at the old tents ! they were old and over used .If you’re planning to stay at Kichwa make sure to book at the new tents ( as shown on their website 🙂 other than that our experience was amazing !
مخيم كيجوا تيمبو – المساي مارا – كينيا
هالمخيم الدائم يعني الخيام الي فيه ثابته و ما يتغير مكانه يعتبر من افضل و ارقى المخيمات المتميزه في ربوع المساي مارا في كينيا .. الي اهي احد اشهر المحميات الطبيعيه للحيوانات في افريقيا … الحمدلله توفقنا باختيارنا و اقامتنا فيه كانت حلوه من جميع النواحي تقريبا .. من الضيافه الدايمه و الاستقبال و مباشره طلباتنا و الاكل اللذيذ و اهم شي القايد او الرينجر الي كانت تاخذنا يوميا برحلات السفاري بالمساي مارا ” جيريتي” اتينن ماشاءالله عليها . بس شي وااحد ما عجبنا الي اهو خيامنا بالمخيم كانت الخيام القديمه..لانه من قبل شهرين تقريبا جددوا الخيام و حطوا خيام يديده بستايل يديد و تقدرون تشوفونهم في موقع المخيم .. بس للاسف لمه وصلنا طلع انه حاطينا بالخيام القديمه مو اليديده و الخيام القديمه كانت مستهلكه و اكثر من مره يخترب سحابها و نطلب تصليحه .. نصيحتي اذا ناوين على هالمخيم طلبوا الخيام اليديده مو تنسووووون و الحين بالصور بتشوفون اليديده
Do I recommend it for families with kids ?
Yes I do ! the camp is family friendly camp . they also have a WILDchild Programme!!
هل المخيم يصلح للعوايل و الاطفال ؟ اي من رايي يصلح و هم اهمه عندهم برامج خاصه للاطفال في هالمخيم
Also a stay at this Masai Mara Tented Camp is perfect for wildlife enthusiasts, first time and repeat travellers, nature lovers, photographers, birders.
حق منو يصلح هالمكان ؟ حق محبي الطبيعه و الحيوانات و حق الي اول مره يروحون سفاري لانه فيه انواع كبيره من الحيوانات و هم حلو حق الي يحبون يكررون الزياره و هم حلو للمصورين لانه المساي مارا اتينن طبيعتها و هم لمحبي الطيووور
capacity : 40 luxurious tents, that can accommodate 80 guests
المخيم فيه 40 خيمه و يشيل تقريبا 80 شخض او ضيف
Rates :
Fully inclusive rate per person per night for the Superior Tent
اما بالنسبه للاسعار فيعتمد على الموسم بس الحلو انه السفر للشخص باليوم الواحد يشمل كل شي الاكل و الوجبات و المشروبات و رحلات السفاري ,…
Upon our arrival to the camp, we were welcomed by the staff with cold drinks
اول ما وصلنا استقبلونا بالفوط البارده و عصير باارد ,, كلش ما توقعت انه الاستقبال بكون جذي ! اكثر من موظف يرحب فينا جنه واصلين بيتنا مو مخيم .. يا زييينهم بس
Upon arrival we also filled the guest registration form then it was time to go to our tents ;D
اول ما وصلنا خلونا نعبي ورقه البيانات الشخصيه و بعدها ودوونا خيامنا احنا و جناطنا
مزرعتنا الصغيره بالمخيم … الي ياخذون منها محتويات سلطتنا اليوميه و هم مقادير بعض الاطباق الرئيسيه لوجباتنا اليوميه 🙂 خوووش شي
Kichwa tembo Tented Camp has spectacular views across the open plains of the Maasai Mara national Reserve , sometimes you can see animal herds crossing .
The lodge is not fenced off, and it is requested while you’re stay not to walk around the lodge at night unless accompanied by a security guard
مخيمنا له منظر خياالي يطل عى مساحات المساي مارا الجمييله و احيانا تشوفون قطيع من الحيوانات متيمعين من بعيييد
و معلوومه مهمه قبل الاقامه في هالمخيم .. المخيم بالغابه .. يعني شنو ؟ يعني عادي بليل تسمعون اصوات حيوانات و هم عادي انه حيوانات تدشه .. مره طلع لنا فرس النهر ! كان طالع من النهر الي يمنا و فرس النهر يعتبر من الحيوانات الخطره لانه رغم وزنه الثقيل بس حركته سريعه … المهم ممنوع انه السكان او الضيوف يطلعون يمشون بليل من غير حارس .. المخيم فيه عدد من الحراس الي مهنتهم اييبون الناس من خيامهم للعشا و تالي يردونهم .. اما بالنهار فالواحد لازم يكون حريص و ينتبه اثناء المشي و اهم النصايح الي قالولنا اياهم انه ما نوكل الشواذي اذا طلعولنا
Guest rest rooms at the guest area
عجبتني حمامات الضيوف عند مدخل المخيم و يم مطعم المخيم … لاحظوا التماثيل لتمييز حمام الرياييل عن الحريم .. اول يوم توهقنا ما عرفنا ايهو تمثال المرا و ايهو تمثال الرياال .. يوم دققنا طلع الرياال اهو الي عنده شعر براسه و المرا مقرعينها لوول
These are the new redesigned tents at Kichwa Tembo
هذي الخيام اليديده في مخيم كيجوا تيمبو
And this is one of our tents ( old tents at the camp )
و هذي وحده من خيامنا و الي تعتبر الخيام القديمه في مخيمنا … زينه بس قديمه من داخل كل شي مستهلك… الخيمه ما فيها تلفون 🙂 اذا تبون شي تنادون الخادم اذا بليل صار شي طارئ لاسمح الله تقدرون تستخدمون صافره حاطينها بالكبت .. مرضت ليله في هالمخيم و تعبت لوول و استخدمنا هالصافره عشان ايينا الخادم و اييب لنا الدكتووور
inside our tent ( private shower and toilet )
و داخل خيمتنا و بالضبط ورا السرير في مغسله بالنص و يمينها شور و يسارها تكرمون الحمام
و هذا شكل الخيمه من بره … لازم يتسكر سحاب الخيمه عن الحشرات 🙂 الي غرامهم يخرعونه كل ليله لوول .. و هم عشان الشواذي ما يدشوون .. سمعنا قصص اقتحام للشواذي غير انه نسكر السحاب الخيمه لازم نعق نهايته بحبل ..ليش في شواذي ؟ لانه مخيمنا بالغابه وياهم
This is a photo of our tent at Kichwa Tembo Tented camp
first photo was our tent at ….second photo : a tray with a hot cup of coffee and biscuit for the morning wake up call … and the third photo is just a sunrise view from my tent
خيمتنا بليل .. عندنا كهربا بس اضاءه على القد … اما بالنسبه للصينيه الي فيها اكواب و قوري و هم بسكوت اييبونها لنا الفير اذا كنا طالبين طلعه سفاري من الصبح قبل الريووق … و الصوره الثالثه منظر لشروق الشمس من داخل الخيمه
a cute message from our tent butler 🙂
رساله اتينن من خادم غرفتنا لوول اقصد خيمتنا … كل خيمه لها خادم خاص
The big Safari Shop at our camp
عندنا بمخيمنا محل سفاري للتذكارات و بعض الاحتياجات الي يحتاجونها الناس برحله السفاري بس ترا ها مو كل مخيم عنده هالنوع من المحلات بس لانه مخيمنا يعتبر من اكبر مخيمات افريقيا الي تملكها شركه السفاري الي نظمنا رحلتنا وياهم
Climate
during our visit in October, 2014 , the weather was pleasant and for us it was perfect for game drives , but it gets cold in the early hours of the morning also at the evening , we bought jackets from our safari shop 🙂
اشلون الجو حزه روحتنا بشهر اكتوبر 2014 ؟ اول اكتوبر ؟ الجو عجيييب صج حاشنا مطر بس الحمدلله ما خرب علينا طلعات السفاري .. الصبح الفير برد اشويه و هم بليل من يصير المغرب .. اما طول اليوم لطلعات السفاري كنا نلبس صيفي .. و حق البرد شرينا جاكيتات من محل السفاري الي عندنا بالمخيم
Breakfast, lunch and dinner ..you can choose from a delicious variety of food .. just what you expect when you pay for a luxury stay at a camp !
الريوووق و الغدا و العشا في مطعم المخيم .. بوفيه و هم في ستيشنز الي يوقف فيها الطباخ .. البوفيه حلو و مشكل و يرضي الجميع و الحلو فيهم انه قبل روحتنا انه معبين ورقه فيها شنو الاشياء الي ما نبيها في اكلنا مثل لحم الخنزير و اي شي مطبوخ مع واين من اطباق حاره او حتى حلويات و الحلو بالموضوع انه بالمطعم من اول يوم في وحده مسؤؤله عن طاولتنا و خدمتنا .. باختصار شي مرتب و يناسب اقامه راقيه في مخيم
Swimming pool with amazing Mara views
حمام السباحه الخاص بالمخيم مع منظر اينن على المارا
cute baby warthog !!! Pumbas 😛 well if you’re staying at Kichwa Tembo Tented Camp they are staying there too 😛 lol there are many of them ! you will find them everyday playing and running around
بيبي بومباز ! الخنزير البري او اسم الشهره بومبا بعد فيلم لاين كنق ! هذيله الانتف الصغار ! عالعموم اعتبروهم المقيمين الدايمين بالمخيم و في غيرهم واايد و كبار ,.. يا حلوهم يراكضون و يلعبون و طبعا ممنوع احد يضايقهم
Let’s have lunch ?
بالنسبه لاوقات الريوق و الغدا و العشا فلهم ساعات معينه يكون البوفيه موجوود .. بس كل قروب او عايله لهم وقت مختلف يعني مستحيل نشوف كل الي بالمخيم معانا .. كل واحد على حسب جدول رحلات السفاري مالته .. و هم تقدرون تنسقون لريوق او غدا كشته بره بس يكون بسعر خاص 
شي مرتب و نظيف
صور مختلفه للريوق و العشا و الغدا
Dinner at Kichwa Tembo Camp
شكل المطعم بالمخيم بليل .. طبعا في حشرات 🙂 اصلا لازم تشوفون شي شيين عاادي بس الاهم ما تنسون ترشون سبري عن الحشرات بليل 
Masai Dance at Kichwa Tempo Tented Camp
على حظنا اشونه صادف ايام اقامتنا عرض رقصه الماساي الي ينظمها مخيمنا .. و تكون مجانيه و عرض للجميع قبل العشا .. المهم الحلو انه بعد ما يخلصون العرض كل مساي يفرشله بسطته و يبيع بعض المنتوجات اليدويه مثل الاساور و القلوب و المداليات و غيرهم .. هالسوق ما يتطوف و احلى من الي راح تلقونه داخل محل السفاري الي بالمخيم .. اشتروا من هالبسطات
Special thanks for the amazing stay at Kichwa Tembo Tented Camp goes to :
Charity
Ralvin
Deporah
Dr.Philip
Thank you !
Our Safari trip was planned and organized by the amatraveller.com team.
amatraveller.com رحلتنا السفاري كانت بتخطيط وتنظيم فريق ….
و جميع التكاليف دفعناها قبل الرحله
coming up next ….. why a Safari in The Masai Mara ? come with me on a game drive…. let me show you the wildlife in The Masai Mara
التقرير الياي … ليش تجربه السفاري في المساي مارا مهمه ؟ باخذكم بجوله سفاري بالصور بمحميه المساي مارا الطبيعيه … تزهبوووا
