Looking at this beautiful photo makes me wonder how time flys by very fast ! It seems like yesterday when I was on that boat crusing in the Vistula river and enjoying one afternoon in Krakow ! My Trip to Poland was short but it was full of great memories ! It was a wonderful trip with great people 🙂 Today I’m going to bring you more details of that amazing trip. Are you visiting Krakow anytime soon ? Here are some of the the places/attractions I’v been to in my second day in Krakow in May 2015.
شوفه هالصوره الحين و انا قاعده بمكتبي تذكرني اشكثر الوقت يمر بسرعه .. سبحان الله جني امس قاعده في هالمركب و ماخذتلي جوله في نهر فستولا في مدينه كراكوف في بولندا .. صج رحلتي لها كانت قصيره و سريعه خلال اسبووع بس الحمدلله فيها ذكريااات عدييده … كانت رحله حلوه مع قروب عجييب … عاد اليوم قلت بكمل لكم عن تفاصيل هالرحله و بالاخص عن ثاني يوم لي في ميدنه كراكوف .. سبق اني حطيت تقرير جولتي بالمدينه القديمه في كراكوف في يوم الوصول .. اما الحين بتكلم عن الانشطه و الاماكن الي ممكن تسوونها في مدينه كراكوف او حوالينها عن طريق عرض تفاصيل يومي الثاني في كراكوف خلال زيارتي في شهر مايو 2015
1- Wieliczka Salt Mine
هالمنجم من اهم الاماكن الي لازم تزورونها اذاناوين تقيمون في مدينه كراكوف …تقريبا يبعد عن كراكوف درب نص ساعه بالسياره .. بديت يومي الثاني في كراكوف بزياره هالمنجم العجيب الي اهو احد اشهر المناجم بالعالم .. صج كانت بدايه يوم موفقه الحمدلله بديناها في جوله مشي في هالمنجم القاحد اقدم المناجم في اوروبا و الي حصلب جداره على مكانه في قائمه المواقع العالميه التراثيه و الطبيعيه لليونيكسو .. حلال جولتنا فيه مرينا على اكثر من غرفه و بحيره وحتى كنائس تحت الارض وكانت الجوله تتضمن المشي باكثر من مستوى وكان اختيارنا لجوله الساعتين تقريبا و لما تروحون اهناك بتشوفون انه في اكثر من نوع لجولات المشي بالمنجم في جولات قصيره لمسافات قليله لكبار السن مثلا و هم في جولات مع برامج تثقيفيه للاطفال بعد …دايما تكون الجوله مع مرشد اومرشده يتقنون اللغه الانجليزيه .. اما بالنسبه للتصوير لازم يكون عندكم تصريح للتصويرتاخذونه قبل لا تنزلون المنجم .. و الحين قبل لا اراويكم جولتي في المنجم بقوللكم جم معلومه حلوه عنه …هالمنجم يعتبر من ضمن اغلب الاماكن الي يتم زيارتها من قبل سواح بولندا و يرجع هالشي الى انه هالمنجم التاريخي من اقدم المناجم من العصور الوسطى و هالمنجم عباره عن تسعه مستويات تحت الارض و على امتداد 300 كيلو تخيلوا و يوصل الى عمق 327 متر
The Wieliczka Salt Mine entered UNESCO’s 1st World List of Cultural and Natural Heritage on 8th September, 1978 together with 11 other sites from all over the world.
هالمنجم دخل في اول لسته لقائمه اليونيسكو العالميه للمواقع التراثيه و الطبيعيه بتاريخ 8 سبمبر 1978 مع 11 موقع في العالم
That’s the elevator that took us underground to the Salt Mine, which is a product of work of tens of generations of miners
وهذا الأصنصير او المصعد الى نزلنا تحت الارض للمنجم … الي اهو من عمل اكثر من جيييل
Remember that you need to wear a comfortable shoes and a light jacket because it might be cold down there …… This is a photos of one of the passages
تذكروا انه اذ اناوين تاخذون جوله بالمنجم لازم تلبسون جوتي مريح و الي نوعه اونوعها تستبرد اخذوا جاكيت خفيفه لانه يمكن تحسون بالبرد .. و هالصوره الي فوق كانت في اول ممر في احد المستويات المفتوحه و المسموح المشي فيها للزوار مشينا 
وكل ما تمشون لمسافه او تنزلون لمستوى معين من مستويات المنجم بتلاقون لوحه تعركم بتاريخ هالمكان سواءالغرفه او البحيره المالحه مثلا 
For centuries, miners have extracted salt there, but left behind things quite startling and unique.
لقرون عمال المنجم كانوا يشتغلون بمستويات مختلفه بالمنجم و كل فتره كان لها ادواتها ومعداتها الخاصه وراح تمرون علىمعارض بسيطه لها اثناء الجوله بمنجم الملح
The mine also has been visited by many famous people along the years beside of course millions of tourists from around the world.
هالمنجم زاروه عده شخصيات سياسيه و مشهوره من حول العالم على مر السنين و هذا غير السواح من مختلف انحاء العالم .. وانتوا تمشون بالمنجم راح تمرون على اكثرمن تمثال منحوت من قطع الملح العملاقه قديما لشخصيات و علماء انشهر وفي ذاك الزمن .. صج كانت الجوله اتينن وخصوصا انه شرح مرشدتنا كان واضح ومفيد
Hand carved sculptures
اشكال و تماثيل منحوته من الملح
who wants some salt 😀
منو وده يذووق الملح ؟ ترا عادي 🙂
One of the wooden stairs in the Mine
هذي صوره لاحد السلالم الخشبيه بالمنجم للتنقل بين بعض المستويات
Salt Lake
احد البحيرات المالحه في منجم الملح تحت الارض
When you are 110 Meter Deep 😉
هاللوحه فيها المستوى واسم المكان وعمقه تحت الأرض
The miners also carved dwarfs out of the legend of Snow White and the Seven Dwarves.
ومن الاشكال او المجسمات اليمرينا علىيها في تحد مستويات المنجم كانت قطع من الملح منحوته على شكل الاقزام السبعه من اعمال المنجم قديما الى كانوا يشوفون شغلهم اححيانا شبيه بشغل الاسطورهالاقزام السبعه في قصه سنووايت
The most interesting place in the mine to me is this amazing Salt Cathedral ! It is located 135 meters (443 ft) underground. Imagine that the entire cathedral has been carved out of the rock salt by the miners.
بالنسبه لي هالمكانالي بالصوووره اكثر مكان عجبني بالمنجم و هو عباره عن كاتدرائيه او كنيسه على عمق 135 متر تحت الارض بالمنجم .. سبحان الله اشلون هالمنجم مستويات صج شي غرييب .. المهم تخيلوا انه هالكنيسه كلها من ارضيات وتماثيل و اسقف و هم اطوف كلها منحووته من الملح ! مشتغلين عليه من سنيين عمال المناجم ! لانهم تراكانوا يقضون فترات تحت الارض
Even the chandeliers in the cathedral are made of salt……Salt Crystal
لاحظوا حتى الثريات في الكنسيه من كرستال الملح ! شي عجييب !
و على فكره ترا في تقريبا 3 كنائس بالمنجم و هذي اكبرها و اشهرها و الى اليوم يأجرونها للأعراس
Along your walking tour in the salt mine, you will pass by a couple of cafeterias, a restaurant and souvenirs shops
و خلال جوله المشي في المنجم راح تمرون على اكثر من كافتيريا في مناطق معينه بالاضافه لمطعم و اكثر من محل للتذكارات و هم في بره فوق عند المخرج بعد ما تصعدوون بتلاقون محل وايد كبير فيه تذكارات بعد
One other interesting thing about Wieliczka Salt Mine is that For safety reasons less than one percent of the mine is open to visitors.
احد المعلومات الحلوه الي قالتها لنا مرشدتنا اهي انه الجزء المفتوح للزوارمن المنجم حاليا تقريبا اقل من 1% من الاجمالي لجميع المستوياتو هالشي يرجه لاجرائات الأمن و السلامه
And the last interesting info that our guide told us was that there is a medical center for those suffering from asthma and allergy situated 135 meters deep underground in the Wieliczka Salt Mine ! isn’t that interesting !
آخرمعلومه عجبتني من مرشدتنا اهي انه في احد المستويات في المنجم في عياده طبيه ! يعالجون فيها مرضى الربو و الحسلسيه عن طريق استشاق نوعمعين من الغازات المتكونه في منجم الملح و هم قالت لنا انه فيقائمه انتظار للي يبون ينزلون ويتعالجون في هالعياده ! وايد تعجبت من هالمعلومه ما توقعت في شي جذي بمنجم ملح
And that was the end of our Mine tour, I haven’t shown you everything ,wishing that you guys could go one day and see for yourselves 😉 Let’s take the lift up 😀
وهذي كانت نهايه رحله المشي بالمنجم .. ماحطيت لكم كل شي لا من صور و لا من تفاصيل لانه تمنى انه الجميع يزورون هالمكان .. شخصيا كانت اول تجربه لي في منجم وكانت واايد حلوه.. المهم هذي كانت بدايه يومي الثاني في كراكوف .. يالله ناخذ الاصنصير ونرد نصعد للارض و نكمل لكم تفاصيل جوله اليوم الثاني في كراكوف
2- Graduation Tower
This place is actually within 5 mnnutes walk from the Mine but if you’ve been to the Mine a couple of years ago then it won’t be familiar to you. It has been opened last year . The graduation tower is considered the biggest wooden construction in Europe. What so special about that place ? It is an alternative for those persons who would like to take advantage of all the beneficial values of the Wieliczka salt while remaining on the surface.
Graduation برج
هالمكان تقريبا يبعد عن المنجم مسافه 5 دقايق مشي و تمرون بحديقه حلوه…. الي سبق و زاروا هالمنجم من قبل يمكن هالمكان يكون يديد عليهم لانه تم افتتاحه العام … يعتبر هالمكان اكبر مشروع من خشب في اوروبا كلها .. بس ليش مسوينه و شنو الي يميزه بالضبط ؟ يعتبر خيار ثاني للي ودهم يستفيدون من منجم الملح بس بنفس الوقت يبون يتمون فوق سطح الارض 🙂
The Graduation Tower has a 22-meter high observation tower from which you can enjoy a small exhibit and panorama of the park and mine shafts
المشروع عباره عن شكل دائره تقريبا و فيه برج ملاحظه على ارتفاع 22 متر …صعدنا و شفنا منظر المدينه من فوق و هم مرينا و احنا نصعد على معرض لوحات
A view from above the observation tower of the graduation tower
منظر من برج الملاحظه يطل على المنطقه العلاجيه الطبيعيه
Visitors can stroll in the area of the graduation tower where it is one of the most pleasant forms of inhalation therapies for treating allergies and respiratory system diseases.
شنو فكره هالمشروع ؟ الزوار يقدرون يتمشون بالساحه الداخليه للاستمتاع باحدث الطرق العلاجيه للجهاز التنفسي اماراض الربو و الحساسيه و اذا مو علاج هم استرخاء .. اشلون ؟ شفتوا هالمشروع مبنى من خشب و جدرانه كلها اغصان الاشجار لاحظوا بالصوره اليايه …هالمبنى او المشروع يضخ كميه من المياه المعدنيه المالحه و تنزل من فوق لي تحت في احواض تحت الاغصان … و منها يطلع رذاذ للماي و يتطاير بالجو المحيط .. شفتوا هالهوا الي فيه الرذاذ هذا اهو العلاج لبعض الامراض
Also you can find some benches right outside the Graduation Tower area
غير الكراسي الي داخل الساحه مالت التاور.. في كراسي بره للزوار يقعدون عليها للراحه و الاستنشاق
After spending a wonderful morning visiting both Wieliczka Salt Mine and the Graduation Tower, we drove back to Krakow Old Town and had lunch at this cozy traditional restaurant ! Which I totally recommend 😉 I have already reviewed my lunch experience at Miodi Malina ..press here to read more
و بعد ما قضينا يوم حلو بديناه في المنجم و بعدها لبرج الاستنشاق .. ردينا المدينه القديمه في كراكوف و تغدينا في مطعم عجيب و وااايد انصح فيه لاجوائه و قعدته الشرحه و كبعا الاكل اللذيذ .. سبق اني كتبت تقرير عنه من قبل فتره الي حاب يشوف شنو الاطباق الي طلبناها على الغدا و صور زياده يضغط على الرابط
3- A Cruise in Vistula River
After lunch we went on a stroll to the bank of Vistula River to end the day with a relaxing experience with a cruise in the river 😉 Where does the cruise begin ? it begins from the in the harbor right at the bottom of the Wawel Hill. And then after 1 hour cruise you will be back at your starting point. Now let me show you some of the photos I took during that cruise in the river.
كروز بالمركب في نهر فيستولا
بعد ما خلصنا غدانا .. طلعنا انتمشى في المدينه القديمه ووصلنا لضفه نهر فيستولا تحت قصر فافل و من اهناك خذينا احد القوارب للتمشي في نهر فيستولا .. تقريبا الجوله كانت لمده ساعه .. انصح فيها للاسترخاء بآخر اليوم بعد الانشطه الي سويناها .. صج كان ختام اليوم صح مع اخر ساعات النهار للاستمتاع بضفاف النهر و شوفه الناس تمارس هواياتها
4- The Old Town at Night ….The old town at night is a place you don’t want to miss ! although most of the stores and little shops close early, yet you can see the crowds at the restaurants and cafes. Sometimes live music in the main square and your eyes won’t miss the beauty of the light displays beam and pulse off of architectural facades. After touring Old Town Krakow by day, you must see it at night too 😉
وا خر شي مرينا عليه بليل بدربنا للفندق مشي اهو المدينه القديمه و شوارعها و سكيكها |.. طبعا حزه النهار عالم و بليل عالم ثاني … المطاعم و القهاوي بجميع المستويات انترست و بدا السهر .. و الاضاءه الحلوه على المباني التاريخيه بينت .. واايد حلو شكل المدينه و الساحه القديمه بليل .. حتى لو ما كان بنيتكم اتعشون .. قعدوا بكافيه او تمشوا
Coming up next !! Let’s explore Zakopane 😉
التقرير الياي بنروح لاجمل مناطق بولندا الريفيه و أشهرها بعد .. مدينه زاكوباني
