Vila Vita Parc Resort and Spa, Algarve- Portugal

Heaven on Earth !!! staying at that luxury resort was an AMAZING stay ! Actually one of my best stays ever ! During my trip to Portugal last September 2012, We planned to visit the famous Algarve, the portuguese region that is well known for its beautiful beaches.. but deciding where to stay was not easy at all. Algarve has many luxury resorts, but after doing a good search before we took the trip, I picked that resort the one in the photo above, for two reasons, the first is that visiting Algarve was one of the last stops that we made during our trip in Portugal before heading back to Lisbon then back to our home country Kuwait, so we thought we deserve some Luxury at the end of the Trip 😀 and we got it 😛 The other reason is that after googling the towns and the places of the activities that we wanted to do there, the location of that resort was Perfect ! So we booked for a 4 nights stay at one of the luxurious resorts of Algarve …Vila Vita Parc Resort and Spa !

الوصف و الكلمات ما راح تعبر او تنقل لكم بالضبط شعوري وقت الاقامه في هالمنتجع باقليم الغارف في البرتغال الجميله … تقارير رحلتي للبرتغال توها ما خلصت .. و في وايد تقارير عن مطاعم و اماكن و تجارب في هالديره الجميله الي وايد ناس ما يدرون عنها … خلال رحلتي لها في شهر سبتمبر العام تنوعت الاماكن و المدن الي زرتها و بالتالي تنوعت
اماكن الاقامه .. مره اوتيل بالعاصمه و اقامه بمزرعه باحد جزر الازوريس ..اما لمه بدت رحلتنا تقرب للنهايه .. قلنا ليش ما ندلع عمرنا ؟ و نسكن بمكان كشخه وايد .. تغيير عن اللويه و الرحلات الي سويناها بالمناطق الي زرناها في بدايه
الرحله .. طريقتي احب انوع بين العمليه و البساطه و اماكن الراحه و الاستجمام والدلع … و بما انه اقليم الغارف يعتبر وجهه اوروبيه معروفه لقضاء وقت بالبحر و بممارسه انشطه البحر .. لي هالشي كثرت المنتجاعات و الاوتيلات في هالاقليم بجميع مستوياتها… منتجعات فيها فلل مع حمام سباحه خاص و منتجعات طلاتها عجيبه على المحيط و منتجعات معروفه بمطاعمها… و لمه ييت انقى كان الاختيار جدا صعب …بس وقع اختياري على منتجع اسمه فيلا فيتا بارك .. ليش فيلا فيتا ؟ السبب الاولى انه نبي نخلي رحلتنا ختامها دلع و شي راقي .. اقصد ختام الرحله للبرتغال … ريزورت و لا احلى الريزورتات .. كل شي فيه حلو بأدق تفاصيله فيه الفخامه و البساطه في نفس الوقت و الحين انشالله بتشوفون اول الصور و هم بحط مواضيع ثانيه عن فيلا فيتا بارك لانه ماشاءالله اكبر منتجع سكنته .. جنه مدينه !!و باخذكم بجوله حلوه حول المنتجع انشالله .. اما بالنسبه للسبب الثاني الي خلاني اختار هالمنتجع يرجع الى انه موقعه مناسب لاماكن الانشطه الي كنه ناوين نسويها .. مثلا انا كنت متفقه مع شركه منطاد لتجربه الطيران بالمنطاد فقست المسافه بين المنتجع و بين مكان طيران المنطاد و لقيت انه مكانه مناسب و سويت نفس الشي لباجي الاماكن الي كنه نبي انزورها في اقليم الغارف .. هالمنتجع كان موقعه مناسب بالنسبه للانشطه و الرحلات الي كنه نبي نسويها … 4 ليالي جمييييييييله قضيناها بضيافه منتجع فيلا فيتا بارك .. ببدي معاكم باول تفاصيلها .. لحظه الوصول للمنتجع من محطه قطار منطقه فارو الي تعتبر محطه القطار الرئيسيه في اقليم الغارف

As soon as we arrived to Algarve from Lisbon by train, we took a Taxi from Faro Train Station to Vila Vita Parc … The drive from Faro to Vila Vita Parc is less than an hour, approximately 45 minutes, it was a pleasant drive ! we passed by many lovely towns ! The moment I saw our Resorts name I thought .. let’s see what’s behind those walls ;D

ذكرت في احد المواضيع السابقه بالمدونه انه احنا وصلنا لاقليم الغارف عن طريق قطار خذيناه من العاصمه لشبونه الي منطقه فارو .. المدينه الرئيسيه في اقليم الغارف .. مع انه كان في محطه اقرب بالمسافه لي منتجعنا بس كان لازم يصير تبديل بين قطارين و هالشي ما افضله .. الي وده يشوف رحله القطار و تفاصيلها و صورها يضغط اهني .. بعد ما وصلنا لمنطقه فارو .. طلعنا بره المحطه و نطرنا تاكسي عشان ياخذنا لمنتجعنا .. الطريج تقريبا ساعه او اقل من محطه القطار الى المنتجع ,, مرينا فيها على مناطق حلوه .. يعني الطريج حلو و مو ممل ..

Fotor0330133736 — The gate of the wonderful Vila Vita Parc بوابه منتجع فيلا فيتا بارك … أحلى شي انه المنتجع من الليدنق هوتيلز اوف ذا وورلد

Fotor0330134120 — مدخل الرئيسي للمنتجع …. بعدكم ما شفتوا شي The enterance to the main building of the Resort

Fotor0330125335 — The Lobby و هذا اللوبي بس انا مصورته بالعكس .. بمعنى انه المدخل له اهوه الباب الي تشوفونه جدامكم و انا وراي كافيه و قعده في تراس يطل على حدايق المنتجع

Fotor0330125720 — more of the lobby … القعده باللوبي تونس ماشاءالله حتى بليل .. و الاضاءه خافته

Fotor0330125119 — النزاكه و الذرابه بحطه الشماسي … اثناء اقامتنا في المنتجه باخر شهر سبتمبر العام و الي بالنسبه لهم اخر الصيف .. طق علينا مطر خفيف بس يهبل ماشاء الله .. طبعا مافي داعي اوصف فرحتي بالكره الارضيه .. كل يوم لازم امر عليها لول

Fotor0330124924 — This is the map of the resort.. Vila Vita Parc الي تشوفونها اهيه خريطه المنتجع ! شفتوا اشكبره ماشاء الله و يوفر جميع انواع الاقامات .. يعني مثلا احنا نقينا انه نقيم بالمبنى الرئيسي الي في اللوبي بي اللوبي كان الطابق الاعلى و الغرف كانت بنفس دور اللوبي و هم تحته … غير المبنى الرئيسي في فلل بالحدايق الكبيره … وهم في فلل عائليه كبيره مع حمام سباحه خاص و طلات حلوه على المحيط … لمه اتدشون سايتهم او تفطرون تسكنون فيه يوم من الايام بتشوفون انواع الغرف و الفلل ماشاء الله شي يضيع

Fotor0330130041 — its always a good time to visit the Spa ! no matter where you are in the world 😀 هالمكتب مكانه باللوبي .. خاص للسبا مال الريزورت الي صج متحسفه اني ما جربته بس انالله المره اليايه

Fotor0330125846 — one thing I enjoyed doing there everyday is havin some herbal tea in the lobby or the terrace… دايما احرص و انا مسافره على ممارسه اشياء مختلفه .. تذكرني لي رديت الكويت بالمكان الي زرته .. من الاشياء الي تعودت عليها كل يوم او كل ليله و انا اهناك اهي تخصيص وقت لشرب الشاي باللوبي بعد العشا .. انكمل السهره باللوبي باحلى سوالف و احلى شاي مع الحبايب

Fotor0330130435 — our room key and internet access ! مفاتيح غرفتنا و بيانات للانترنت المجاني بالمنتجع …احبها هالغرفه 205 و انشالله المره اليايه بسكن فيها

Fotor0330131742 — isn’t it a beautiful room ? I loved the details 😀 احب التفاصيل الناعمه و النازكه .. الغرفه بسيييييطه جنها شاليه بس سبحان الله شي يكمل شي يمكن الثاني و لو مبالغين بالديكور و الاثاث الوانه اكثر و فيه لويه ما راح تبين زهوه البلكونه و حلاه القعده فيها .. الحين بتشوفون القعده بالبلكونه و طقوسها الي كنه نسويها كل يوم قبل غروب الشمس

Fotor0330131638 — و هذي لقعدتنا اليوميه بره … انهقون متى يكون عندنا وقت نقعد بره و انتجابل سوالف و ضحك ؟ المغرب او قبل لا تغيب الشمس بليل نكون رادين من جولتنا بره المنتجع و خالصين رحلاتنا و انشطتنا .. دايما انحرص نرجع هالحزه عشان نستمتع بفقره القعده بره في حديقنا او طلتنا المتواضعه و نجابل غروب الشمس و تالي نستعد للسهر العشا في مطاعم منتجعنا العجيبه الي انشالله بكتب عنها تالي

Fotor0330130815 — طبعا القعده اليوميه ما تحلى الا بالبلعه .. و هذا طلبنا اليومي .. قهوه و ايس كريم

Fotor033013143 — الصوره فيها صوره غرفتنا .. اما صوره الحديقه اهي للغرفه الي يمنا … بينا و بين قعدتهم طوفه .. بمعني انه اذا قعدنا محد يقدر يشوفنا و هالشي حلو خصوصا للمتحجبات

Fotor033013154 — تحت قعدتنا الخارجيه في حمام سباحه .. بس بما انه مثل ما ذكرت حزتنا كانت اخر الصيف و الجو كان بادي يبرد .. فالاقبال كان قليل على حمام السباحه بس في غيره وايد بالمنتجع ..

Fotor0330131210 — when you ask for an iron… its delivered in this lovely basket ! احب المنتجعات الي تهتم بادق التفاصيل .. حتى لو كانت صغيره و حدها بسيطه .. انا من الناس الي التفاصيل اتفرحي و تخليني ابتسم و انشالله دوم يا رب الاشياء البسيطه اهي الي تفرحني قبل الكبيره .. المهم طلبت اوتي و انا اهناك يابولي اياه في هالسله الي تشوق .. شغلهم مرتب يا زينهم بس

Fotor0330130526 — every night right next to the pillow you can find small pieces of chocolates that will always bring you pleasure and a paper with the upcoming weather conditions and a list of some events and activities in the resort … كل يوم على عادتهم نلقى هالككاو حاطينه على فراشنا و رغم انه نرجع بليل متعشين بعد سهره جميله هم انلاقي في مكان للسوالف و الاستمتاع بالككاو النتفه قبل لا انام … و يم الككاو كانوا يحطون لنا ورقه فيه تقرير الاحوال الجويه و الانشطه بالمنتجع لليوم التالي

well that was the tour in our room..room details: تفاصيل الغرفه الي حجزتها بالريزورت

Accommodation : Deluxe room( Main Building )

Rate back in Spetemper 2013 : starting from 140 KD per night

now Let’s tour the Resort ! الحين باخذكم في جوله بحدايق الريزورت ! ماشاءالله الريزورت وايد كبيير و انشالله في مواضيع يايه بتكلم عن اشياء ثانيه فيه

Fotor0330134235 — مطاعم و كافيهات في كل مكان داخل المنتجع .. الواحد يحتار وين يقعد

Fotor0330134459 — الصوره الي بالزاويه اليسار .. اهيه مدخل الصالون الي يطل على الحديقه .. الصالون نتفه .. جربت عندهم تغيير صبغ الاظافر و شغلهم نظيف

Fotor0330135122 — the villas … فلل المنتجع .. حق الي يحبون يسكنون بفلل

upon a special request I had the chance to check out some of the Villas at Vila Vita Parc Resort and Spa … a lovely tour was made by Mr. Francisco 🙂 check out the photos below حصلتلي الفرضه اني اخذ جوله خاصه لبعض الفلل في منتجع فيلا فيتا بارك … قلت باخذ فكره عشان اذا مره ثانيه العايله الكريمه بتيي معاي 🙂 الفلل ستايلها و ديكورها غير عن الغرف بالمبنى الرئيسي و شخصيا حبيت ستايل الغرف اكثر من الفلل .. و تحت بتشوفون الصور الي صورتها للفلل

Vila Vita Parc Resorts and Spa….. thank you for the wondeful unforgettable stay !! excellent service, perfect atmosphere , it’s where you want to be , its where you want to spend your getaway ! Really I can’t wait for my next stay at Vila Vita Parc !

for reservations visit:

Vila Vita Parc Resort and Spa

Villa Vita Parc on Booking.com

Luxury Hotels of The World ; Vila Vita Parc