Let’s fly and reach the Sky 😀 a new experiece …. a new adventure I say … The idea of flying in s small basket at a perfect time with sunrise .Flying in an air balloon never accured to my mind before until I planned my trip to Algarve in Portugal ! It all started when I was planning for the amazing tour in Portugal, The tour exploring amazing Portugal was in Last September 2012, arriving at the region of Algarve in Portugal to make a stop for few days, having a long list in my hands with the best activities in Algarve ! I knew before I went on that trip that I will go for a new thing… a new feeling..a new adventure ! looking at the option of activities that a visitor can enjoy in Algarve, I picked the Air Balloon Ride ! things were all set before the trip ! how ? by finding the perfect company in algarve and emailing them to make a reservation ahead ! My Air Balloon Ride was with Barlavento Balloons …. Now let’s go on the photo tour with some details of my First but not last 😛 Air Balloon Ride……
يالله نطيييييير فوووق بالسما …. تجربه يديده … مغامره عجيييبه … انه الواحد يطير بالهوا بسله صغيره ! .. بتوقيت احلى.. بالساعات الاولى من شروق الشمس ! تجارب وااايده موجوده بكل مكان بالعالم بس الناس ما تفكر فيها او اتردد انه اتجربها واايد ناس يخافوون من الشي اليديد او الشعوور اليديد … وصلت لسن علمني انه لازم كل سفره اجرب فيها شي يديد ما ارد ديرتي الا بتجربه و مغامره يديده .. السفر مو سوق و قعدات و روحات و يمعات و زياره معالم بس .. السفر احساس بالحياه بالتجارب الغريبه … و اليديده على الشخص و الي يمكن ما يعيدها مره ثانيه … فكره المنطاد عمرها ما طرت على بالي و لا كانت من الاشياء الي خاطري اجربها ابد … الفكره دشت في بالي لمه كنت اخطط لرحلتي للبرتغال .. في شهر سبتمبر 2012 الي طاف … الرحله كانت لعده مناطق بالبرتغال من ضمنها اقليم الغارف .. هالاقليم معروف بانه سياحي لكثره الانشطه المتوفره للسواح و انا ادور و اقرى عن هالانشطه … لفتت نظري تجربه المنطاد في اقليم الغارف بالبرتغال .. و اتكلت على الله بعد البحث و راسلت احد شركات المناطيد “ شركه بارلفنتو “ الي عندهم و حجزت لرحله بالمنطاد ّ! و الحين باخذكم بجوله السفر مع تفاصيل تجربني الاولى للمنطاد لكن ما راح تكون الاخيره انشالله 🙂 
We had to wake up early that day to catch the air balloon ride , let’s say we left the resort before sunrise to the location of the Air Balloon Ride ! One of the best things about were we stayed ” Vila Vita Parc Resort and Spa” is that they took care of the little details ! I didn’t even ask for breakfast in the room but a day before I was chatting with on of their amazing staff Mr. Francisco about how excited me and my friends were for the Air Balloon Ride that I booked earlier before I took the trip to Portugal ! Mr. Francisco himself got excited for us too ! a morning wake up call followed by a lovely breakfast ( as you can see in the photo above ).. I loved how the staff at Vila Vita Parc try their best to make their guests not only enjoy their stay at the resort but also in all Algarve ! aren’t they amazing !
يوم الرحله … قعدنا مبجر يمكن 5 الفجر عشان نجهز لرحله المنطاد … ليش مبجر ؟ لانه المنطاد يطير حسب اتجاه الهوا و من هالاشياء الي ما افهمها كللش بس ترا رحله المنطاد مو شي سهل .. اشلون ؟ يعني احنا كانت رحلتنا حاجزينها في يوم معين .. دقت الشركه و كنسلوها و اجلوها لليوم الي بعده ؟ ليش لانه الجو مو مناسب ! فالحمدالله الجو في اخر يوم لنا في الغارف ضبط ! و الشركه دقوا مبجر و عطوا خبر للاوتيل انه اوكي اليوم بنروح الرحله .. و قعدوونا و جهزنا ! الي ساعدنا مسؤول بالاوتيل ( فيلا فيتا بارك ) وااايد حليو و خدوم… اسمه فرانسسكو … قبل يوم كنت اسولف معاه عن لويه التاجيل مالت المنطاد و انه صج ودنا نجربه دام احنا في الغارف و عسى الجو يضبط .. بما اني انا الي حاجزه للمنطاد من الكويت عن طريق الايميل .. فما كان عن طريق اوتيلنا بس هم فرانسسكو قدم المساعده لنا و تابع الشركه و من الصبح بس صار عنده خبر من الشركه انه نجهزلانه الجو مناسب لرحله المنطاد .. دق عالغرفه و قعدنا و بعدها بشوي مطرش لنا ريووقنا !!! من احلى و افخم و ارقى الاوتيلات مو بس بالشكل بس بالمعامله المميزه و الحرص انه نشوف كل الي بخاطرنا خلال اقامتنا بالغارف .. منتجع فيلا فيتا
We arranged for a pick up in that morning which was additional cost to the rate of the Air Balloon Ride … after a short ride from our resort, we arrived at the location with beautiful Helena waiting for us ! Helana was our Captain ! welcoming us at first, giving us a brief instructions and also answering some of our questions ! and finally we were ready ! well not ready to take off but ready to set the Air Balloon for our ride !
طلبنا من الشركه انه يمرونا من منتجعنا .. برسوم اضافيه لسعر رحله المنطاد .. و اول ما وصلنا كان توه قبل لا تشرق الشمس .. الطريج لي موقع اقلاع او طيران المنطاد قصير و سريع اشوه .. اول ما وصلنا كانت تنطرنا هلينا ! هليلينا اهيا الكابتن ! كمن حاطه في بالي انه ريال الي بطيرنا في المنطاد ! بس كابتن هيلينا كانت عجيبه ! اول شي اشرحت لنا معلومات بسيطه عن المنطاد و عرفت بنفسها و عرفناها بنفسنا و انه احنا سواح من الكويت .. تالي اشرح لنا بعد التعليمات او الارشادات الي لازم نتبعها و احنا بالهوا مثل مقدار الحركه و هم لسمح الله اشلون نقدر انساعدها في حاله الطوارئ اذا احنا فوق طايرين و صار شي … تعليمات بسيطه و سريعه .. كلش ما يبيلها شي ! بعدها صار وقت انه نبدي رحلتنا ! بس هيلينا اطلبت منا انه نساعدهم في تجهير منطادنا للطيران !
and we were all set to fly ! و بعد ما خلصنا التجهيزات و ساعدناهم و صورت جم صوره … صار وقت انه نطيييييييييير فوق
Let’s fly … go up in the sky ! و اهني اول ما طرنا .. كل ما ارتفع المنطاد اشوي عن الارض .. افكر اقول انا اشلون قررت اني اطير بالمنطاد و ارد اقول خلاص بعد انا فوق الحين ما بيدي شي اسويه ! كل هالتفكير يمكن خذا مني ثواني .. رهبه بس اول شي لمه السله تطير عن القاع بتحسوون بشعووور غريب .. بس سبحان الله الهدوء بالطبيعه و فكره الطيران من غير ازعاج و مع شروق الشمس … يلريح البال
there while I was looking down ! I smiled ! knowing that I’m living an incredible experience somewhere around the world looking at planet earth from a small basket flying in the air 😀
الهدووووء … باول الصبح و انا اطل من المنطاد على هالمنظر تحتي …. عرفت انها لحظات حلوه الي الانسان يختار انه يعيشها .. بكل مكان موجووده الانشطه بس احنا الي نختار … و اختياري كان موفق الحمدالله … شفت الارض بس مو من طياره ! هالمره من سله نتفه تطير بالهوا ! روعه الشعوووور و دار مدارنا هدووووووء
2107 feet 😀 هذا كان ارتفاعنا في حزه معينه 2107 قدم … طبعا في حدود معينه للارتفاع المسموح فيها للمنطاد
after we landed …. we had to help in packing up the air balloon ! what a wonderful experience it was ! بعد ما طبينا ساعدنا هيلينا و باجي التيم في تلففف المنطاد و رديناه في جيسه و احلى شي لمه قالولنا قعدوا على الجيس عشان يطلع الهوا الاضافي الي بالمنطاد !
The hot air balloon ride included a small picnic celebration next to the olives trees after landing !
و من ضمن رحله المنطاد كان في احتفال بسيط بعد الهبوط …. هالاحتفال في كشته سريعه و احنا واقفين بمكان الهبوط – طبعا مكان هبوط المنطاد يختلف على حسب اتجاه الهوا .. المهم هيلينا نقت انه نكشت يم اشجار الزيتووون ! او تحتها ! الفكره كانت حلوه بس ذبحنا البق ! حاولت حزتها اركز على الشي الحلو … حطت لنا هالفاكهه و الكيك و انواع العصيرات و احتفالنا بانجازنا بنجاح رحله المنطاد ! بالنسبه للعصاير .. الي اييي مع حجز الرحله شامبين .. خلال مراسلتي لشركه المنطاد طلبت انه يحطون لنا عصير بدال الشامبين لانه احنا مسلمين و ما نشرب ! المفاجاه انه بدال ما ايوبوون لنا عصير واحد ! يابوولنا تشكيله عصيرات ! و اتلومووني لي حبييت اهل البرتغال ! ضيافه و كرم و سنع ! 
You need to know that the Air Balloon Ride reservation includes:
flight briefing – approximately 1 hour flight – traditional celebration – flight certificate – Insurance
الحجز لرحله المنطاد يتضمن : شرح مبسط للرحله – مده رحله الطيران ساعه تقريبا – احتفال و كشته بسيطه بعد الهبوط – شهاده تذكاريه لانجاز الرحله – تامين
and this is my flight certificate ! for booking air balloon rides in algarve contact Barlavento Balloons .
و هذي شهادتي لنجاح رحله المنطاد ! اذا بتزورون البرتغال و بتقعدون في اقليم الغارف صج لا تطوفكم تجربه المنطاد بس مو حق الناس الخوافين 🙂 راسلوا شركه بارلفنتو لحجز المنطاد
