No it wasn’t my first visit to Alcatraz Island, but there was I on that ferry on the way to The Rock, that island that was once the home of one of the most famous prisons around the world ..here comes the story…..
ما كانت الزياره الاولى لي لسجن جزيره الكاتراز المشهور في مدينه سان فرانسسكو بولايه كاليفورنيا الي تشوفونه بالصوره الي فوق … بس لقيت نفسي بالعباره ” الفيري ” و انا رايحه للجزيره الي كان فيها اشهر سجون العالم … و كاهي القصه و التفاصيل يايتكم ….
One my last trip to the states in April 2013, I went to San Francisco as I usually do whenever I’m in California, it’s one of my favorite cities in the U.S. Anyways, That trip was with my relatives and it was their first visit to San Francisco ! that’s why I went to Alcatraz Prison for the third time in my life 🙂 why visit Alcatraz ? How did I book the tickets ? that’s what’s coming up …….
خلال سفرتي الاخيره لامريكا في شهر ابريل 2013 كانت لي زياره لمدينه سان فرانسسكو الجميله …. هالمدينه احبها و لها مكان خاص في قلبي .. اجوائها مميزه .. المهم في هالزياره كانوا معاي بعض الاهل الي اول مره يزورون سان فرانسسكو بامريكا عشان جذي رحت برحله لجزيره الكاتراز للمرحله الثالثه في حياتي .. لانه كان لازم اراويهم اياها .. .ليش زياره هالجزيره شي مهم و حلو انه تسونه اذا بتزورون سان فارانسسكو لاول مره ؟ و اشلون حجزت تذاكر الرحله ؟ التفاصيل يايتكم بالطريج مع بعض المعلومات الحلوه عن سجن جزيره الكاتراز
The Story of Alcatraz : Alcatraz is located in the San Francisco Bay, California . It’s about 1.5 miles offshore from San Francisco. It’s often referred to as “The Rock“, a small Island that has a rich History, first it was developed with facilities for a lighthouse then a military fortification, then a military prison in then to a federal prison from 1933 until 1963.Today, the island’s is managed by the National Park Service as part of the Golden Gate National Recreation Area. The entire Alcatraz Island was listed on the National Register of Historic Places in 1976 and was further declared a National Historic Landmark in 1986. The Island is opened for tours and considered one of the main attractions in San Francisco,California. More than one million visitors from across the globe visit Alcatraz each year!
شقصه جزيره الكاتراز ؟ هالجزيره موقعها مقابل ساحل سان فرانسسكو في كاليفورنيا تبعد ميل و نص عن شاطئ سان فرانسسكو يعني اذا وقفتوا عند مرافأ سان فرانسسكو الممتده على الساحل تقدرون اتشوفونها .. هالجزيره انشهرت باسم ” ذا روك ” يعني الصخره و لو تشوفون صورتها جنها صخره بنص البحر … لها تاريخ و استخدامات متنوعه … اول مره جهزوها بمباني و تسهيلات لمناره تالي صارت موقع عسكري بعدها صارت سجن عسكري و اخر شي من سنه 1933 الى 1963 كانت سجن فديرالي معروف بامريكا .. هالجزيره حاليا تشرف عليها مجموعه الحدايق الوطنيه بامريكا و تعتبر من الجزر التاريخيه و المعالم الوطنيه في عندهم … حاليا الجزيره مفتوحه للجولات و الرحلات اليوميه من السواح الي ايونها من سان فرانسسكو باعتبارها احد المعالم الرئيسيه في سان فرانسسكو و تستقطب تقريبا مليون سائح او زائر سنويا … ليش ؟ الحين بتعرفون ليش …
Tip : Purchase your Alcatraz Tour tickets Online prior to your visit to San Francisco, there are certain number of tour in each day ! tourist from around the world book their ticket to 90 days earlier ..The photo shows my tickets purchase confirmation from the Alcatraz cruises company
نصيحه : الي بخاطره يروح رحله لجزيره سجن الكاتراز في مدينه سان فرانسسكو لازم يحجز اون لاين التذاكر قبل الروحه … ليش ؟ لانه ما راح تلقون اهناك ! انا مجربه من قبل مره رحت و ما لقيت تذاكر لرحله الجزيره الي بعد اسبوع لي جدام .. الحجز اون لاين سهل تقدرون تحجزون قبل شهرين .. شخصيا حجزت قبل روحتي من موقع الحجز الرسمي مالهم … يايكم الشرح و رابط لموقع الحجز ,… الصوره الي فوق توضح الايميل الي دزولي اياه بعد ما حجزت التذاكر و دفعت لها اون لاين
How to reach Alcatraz ? Visitors can reach the island by ferry ride from Pier 33, near Fisherman’s Wharf, San Francisco. Those ferries are operating under the name Alcatraz Cruises, They are the official ferry provider to and from the island . I Purchase our tickets from them. My advice Do not get fooled by other sites with similar names. They may be re sellers and they will charge an extra fee.
اشلون توصلون الجزيره ؟ لازم رحله بحريه بالفيري او العباره تبتدي من مرفأ 33 يم منطقه فشر مانز وارف و الي يحب يقرا تقرير عن منطقه فشر مانز وورف يضغط اهني .. المهم هالعبارات الي بوصلونكم للجزيره تبع شركه اسمها الكاتراز كروز و اهي الشركه الرسميه المصرحه لها بعمل الرحلات .. ماكو غيرها .. انا حجزت تذاكرنا منهم … انتبهوا في مواقع غير رسميه تبيع تذاكر بسعر اغلى شوي و هم بعضها مو موثوق فيها .. نصيحه حجزوا من الموقع الرسمي
Since we were staying at Argonaut Hotel which is located at the same area ” Fisherman’s Wharf” so on the day of the tour we walked for about 15 minutes from our hotel to Pier 33 which is also 10 minutes away from one of the most amazing attraction of San Francisco ” Pier 39″ . Anyways we arrive 30 minutes prior to our departure time as the cruise company suggest, so that we could have time to collect our tickets from The Will Call Center.
بما انه كنا ساكنين بفندق اسمه ” ارقونات “ في منطقه فشر مانز وورف في سان فرانسسكو و هالمنطقه وايد قريبه من المرفأ الي تطلع منه العبارات او الفيري لسجن الكاتراز الي ما يسوى ينراح له بالسياره .. مشينا من فندقنا بذاك اليوم لي مرفأ 33 مكان الانطلاق .. تقريبا ياخذ المشي 15 دقيقه و هم فندقنا قريب من مرفأ 39 المعروف انه من الاماكن السياحيه الترفيهيه في سان فرانسسكو و المشي له ياخذ 10 دقايق من اوتيلنا و موقعه قبل مرفأ 33 نفس السطره … المهم وصلنا قبل انطلاق العباره بنص ساعه مثل ما التعليمات تقول عشان يكون عندنا وقت نصف دور و نستلم تذاكرنا .. تذكروا لازم يكون معاكم اثبات .. الاثبات انكم تطبعون ايميل تاكيد الحجز الي يوصلكم من الشركه بعد ما تحجزون التذاكر و تودونه وياكم لسان فرانسسكو و تصفون بالدور و تراوونهم الورقه و يعطونكم تذاكركم او جنه بس لازم يكون عندكم رقم الحجز نسيت لوول .. بعدها تصفون بالطابور مثل الصوره الي تحت
What should one wear ?it’s better to dress in layers the whole year. It will be cool to cold and windy most of the year.There are pleasant cool days but its not guaranteed Don’t forget to wear comfortable walking shoes.
شنو تلبسون للرحله ؟ لا تحاتون اهيه رحله عاديه مو خطره و لا بدمركم ماي .. بس لازم تاخذون معاكم جاكيت .. ليش ؟ لانه المعروف عن سان فرانسسكو انه جوها غالبا ما يكون بارد على مدار السنه .. حتى بالصيف بارد نسبيا .. و حسبوا بعد الرحله بالعباره اذا بتقعدون بره للتصوير ترا برد و اهناك في جزيره الكاتراز اذا بتمشون في ساحه السجن هم مضرب هوا بارد .. اذا يوم رحلتكم كان يوم مشمس فحظكم زين لانه غالبا ما يكون في ضباب شويه خصوصا صوب جسر القولدن قيت … و هم لا تنسون تلبسون جوتي مريح و مسكر و اذا رياضه يكون احسن لانه الطريج الى مبنى السجن في الجزيره بكون طريج صعده
كل شي مرتب عند هالامريكان … و هذي التذكره لصعود العباره او الفيري لي جزيره الكاتراز ..
يالله نركب العباره that was our departure time !
One thing you don’t want to miss during heading to Alcaraz Island by Ferry, is taking Photos of San Francisco Bay ! الشي الي لازم ما اتطوفونه وقت الرحله بالعباره للجزيره اهو تصوير منظر ساحل سان فرانسسكو بس ترا بررررد بره تلففوا زين
The Ferry takes about 15 minutes each way and most people spend around 2 hours on the island. it’s not a fixed time tour and one can return on any ferry during the day tour.
درب الروحه ياخذ تقريبا 15 دقيقه و هم بالرده 15 دقيقه و ضيفوا عليهم وقت النطره للعباره بالرده بعد … بالنسبه للرده في عبارات ترد كل فتره نسيت اشكثر بس عادي تردون في اي وحده .. يعني شنو ؟ الروحه تكون بوقت حجزكم …اما الرده تكون مفتوحه تقدرون تردون في اي عباره … انا قعدت ساعتين تقريبا بالجزيره على ما فريت داخل السجن .. من غير لا احسب وقت الروحه و الرده .. تقريبا اهمه يقدرون الوقت الكلي للرحله 4 ساعات
Alcatraz is best known as a maximum security prison, a federal prison because of the strong, cold currents surrounding the island, most authorities considered it escape proof.
وكاهو سجن الكاتراز …. المعروف اول باكثر سجون العالم حمايه .. لانه يقع بجزيره دار مدارها بحر بتيارات شديده الي تصعب فكره انه المساجين ممكن ينحاشون … طبعا كان في محاولات هروب من السجن بعضها لقوا السجناء او اقتلوهم اثناء محاوله الهروب و بعضهم ضلوا مفقودين بالبحر
لاحظوا الساين او اشاره التنبيه الي مكتووبه على اللوحه بالجزيره .. اما الصوره الثانيه توضح فيري من نفس الشركه كانت ماره يمنا راده المرفا و الناس و اهمه قاعدين بره بعبارتنا يصوروون و الصوره الرابعه هذي كانت داخل الفيري .. لوحه تحمل صور طاقم الفيري و هم مكان مخصص لتقديم اقتراحاتنا او ملاحظاتنا …. صج ولهت على امريكا بكل تفاصيلها
لحظه الوصول للجزيره
Upon Arrival there was this Lady who called for a gathering close to her, then she started giving us some basic information about the tour we were about to start . If you notice what’s writen on the wall in the photo above ” Indians Welcome … ” That goes back to when Alcatraz Island was occupied by Native American activists for the first time in 1964. who stayed on the island for nearly two years demanded the island’s facilities be adapted and new structures built for an Indian education center, ecology center and cultural center.
اول ما وصلنا و نزلنا من الفيري و لا هالعيوز الي كاشخه باللبس الرسمي و تصوت علينا كلنا انه نقرب صوبها .. و لمه تيمعنا عطتنا التعليمات المهمه قبل لا نبدي الجوله بالجزيره .. ترى الجوله تاخذونها بروحكم يعني ماكو قايد يدليكم بس كل شي واضح .. المهم في كتابه على الطوفه فوق المكان الي واقفه فيه العيوز .. لو تشوفونها بالصوره الي فوق .. هالكتابه ترجع لوقت ماكان في مجموعه معينه من هنود الحمر ساكنين الجزيره في سنه من السنين .. كانوا حزتها يطالبون انه يكون فيه انشاءات لمباني يديده تعليميه و ثقافيه خاصه فيهم .. لانه كان لهم تاريخ فيها و هالشي طبعا ما صار و بعد سنتين مشوا منها
و يم المكان الي واقفه فيه المرشده فيه هالستاند الي عليه كتيبات فيهم معلومات عن سجن الكاتراز .. طبعا سنع الامريكان انه حاطين فيه مكان مخصص للفلوس الي يبي كتاب ياخذ و يحط الفلوس بمكانها .. سعره دولار
First start with the Theater .. there will be a a small door on your leftside while you’re heading up to Alcatraz Prison… behind that door you will find a theater where you can watch a short documentary about the island also you will find a small gift and souvenir shop
اول شي ابدوا في مشاهده فيلم قصير يشرح معلومات و اهم الاحداث الي صارت في جزيره الكاتراز بعرص صور و تفاصيل تاريخيه عن السجن و الجزيره … هالمكان راح تلاقونه و انتوا تصعدون متجهين لمبنى السجن الي موقعه اعلى التله .. وانتوا صاعدين بتلاقون باب على ايدكم اليسار داخله السينما و محل صغير للتذكارات 
while heading up to Alcatraz Prison you will enjoy taking photos 😉 و بعدها كملنا الصعده لي مبنى السجن و بالطريج بتشوفون وايد اشياء بالجزيره او مناظر حوالينها تستحق التصوير .. زهبوا كامراتكم 🙂
الشي الي لازم تعرفونه انه جزيره الكاتراز يعيشون فيها عده انواع من الطيور و الحمدالله قدرت اصور بعضها … اي و ملاحظه مهمه الي يقرب او يضايقهم يا وييله هذي امريكا مو ديره ثانيه لوول 
For more than a century, gardens were an important part of everyday life for officers, families, and prisoners confined to Alcatraz .Alcatraz’s visitors will experience an island with colorful plants and birds . to read more about Alcatraz Historic gardens press here
حدايق الكاتراز الحلوه كانت موجوده من زمان حتى وقت سجن الكاتراز … كانت مهمه و تستخدم للزراعه و يستفيدون منها حراس السجن و يا عوايلهم الي كانوا ساكنين معاهم بالجزيره … الي وده يعرف اكثر عن مشروع الزراعه بجزيره الكاتراز يضغط اهني 
و هذي صور لبعض الورود الموجوده بالجزيره 
اشرايكم بالمناظر مو تينن ؟ 
Ok now let’s take a tour at Alcatraz Prison … اوكي الحين وصلنا لمدخل السجن و يا وقت انه ندشه و ناخذ جوله فيه
photo of the cells in the prison and notice the one on the right, it’s a solitary cell
صور لبعض الزنزانات الموجوده بسجن الكاتراز .. الصوره الي على اليمين لزنزانه انفراديه .. اما الي عاليسار تحت … صوره لزنزانه احد السجناء الي حاولوا الهروب من السجن .. لاحظوا الحديد مقوس الي بالصوره … و نسيت لا اقول لكم انه اول ما تدشون في موظف راح يعطيكم جهاز مع سماعات فيه تسجيل صوتي بلغات متعدده بس انا طبعا خذيت الانجليزي … التسجيل الصوتي لمعلومات السجن و القصص الي صارت فيه .. و هم اهوه جنه القايد او المرشد بالجوله … يقول لكم مثلا روحوا عند الممر رقم 3 مثلا ووقفوا و تالي يبدي يقول معلومات و نفس الشي على كل مكان بالمبنى … شي واضح و مرتب 
It was known that Alcatraz was designed to hold prisoners who continuously caused trouble at other federal prisons. Most of the prisoners were notorious bank robbers and murderers.The staff were highly trained in security. During the 29 years it was in use, the jail held some of the worst hoodlums America had ever known, such as Al Capone, Robert Franklin Stroud (the Birdman of Alcatraz), George “Machine Gun” Kelley and many others.
المعروف عن سجن الكاتراز انه كانوا اييبوله اخطر المجرمين في امريكا … و حتى تصميمه و موقعه يقلل فرصه هروبهم مثل ما ذكرت من قبل …. و الحراس و المسؤؤلين الي فيه كانوا مدربينهم تدريب قوي للاشراف على السجناء …. خلال التسعه و عشرين سنه لسجن الكاتراز انسجنوا في عدد كبيير من اسوا المجرمين و القتله في امريكا … و اهمهم آل كابوني و منو الي ما يعرفه ؟ احد اشهر اعضاء العصابات الامريكيه في امريكا المتهمه بجرايم الغش و التهريب و حتى القتل .. سووا عنه افلام وايد شوفوها 🙂
لاحظوا عدد الزنزانات من جهه وحده للسجن و لاحظوا انه ماكو درايش تطل على بره … بس اكو فتحات صغيره في اماكن معينه و كانت مثل عقاب لهم خصوصا في احتفالات راس السنه انه يشوفون اضاءه سان فرانسسكو من بعيد من هالفتحات النتفه بليل و ما يقدرون يطولونها
بالنسبه لي الجوله في السجن كانت اكتساب معلومات حتى لو ما كانت مهمه بس حلو الانسان يتعلم اشياء يديده بين فتره و فتره .. تعلموا توقفون و تقرون .. سفره عن سفره قاعده اتغير و اتعلم انه ما اطلع من المكان الا و انا متعلمه قيم يديده و لا شنو سالفه السفر عيل ؟ 
و في قاعه من القاعات في مبنى السجن عارضين صور المجرمين الي تابوا و فيها عرض لنقاط التغيير الي صارت في حياتهم بعد السجن … بصراحه ما تميت وايد في هالقاعه و فضلت اني اكمل جولتي بالسجن 
الصبي الحلو الي مجابل صور لمدراء السجن خلال 29 سنه …. اما الصور بالجهه الثانيه توضح الدرايش المرتفعه الي موجوده في جهه من مبنى السجن … و شفتوا المفتاح ؟ هذا مفتاح للباب الي يدخل لقسم الزنزانات … وايد راح تستمتعون بالقصه و انتوا تسمعونها بالهيد سيت 
Escaping Alcatraz : During its 29 years of operation, the penitentiary claimed that no prisoner successfully escaped. A total of 36 prisoners made 14 escape attempts, two men trying twice; 23 were caught, six were shot and killed during their escape, two drowned, and five are listed as “missing and presumed drowned”.The most violent occurred on May 2, 1946, when a failed escape attempt by six prisoners led to the Battle of Alcatraz.
الهروووب من سجن الكاتراز …. الله ياهي محاولات حاولوها السجناء خلال عمل السجن بتسعه و عشرين سنه … عبالكم ردتهم الحمايه و التشديد الامني و موقع السجن بالجزيره الي بوسط البحر ؟ لا طبعا كان في عده محاولات و انتوا تمشون بمبنى السجن بتشوفون مواقعها و هم اثارها لانه بعض المحاولات الفاشله انتهت بمواجهه بين الشرطه الحراس و السجناء و ماتوا السجناء او تعرضوا لاصابه … و عمليات هروب ثانيه قدروا يوصلون فيها السجناء لي البحر !!! بس اشهر عمليات الهروووب الي صارت اهيه الي بدت في ” قفشه ” مثل ما تشوفون بالصوره الي فوق ! فيها لوحه تشرح اشلون احد السجناء استخدمها للهروب من داخل زنزانته على البايبات الي ورا الطوفه ! صج ماكو شي مستحييل .. ماراح اقول لكم القصص كامله انتوا لي رحتوا انشالله شوفوا نتايج هالنحشات المختلفه
The visitation area of the prison. On the rare occasions that the prisoners could have visitors, this is where the prisoners would sit and talk to their families and friends
الصوره الي فوق فيها عده صور بعضها يوضح قسم الاداره و العمليات الخاص بحراس و موظفين السجن و الصور الي تحت تبين مكان الزياره للسجناء … بعضهم كانوا يسمحون لهم بزياره اهلهم
و من هالباب طلعنا لاحد ساحات السجن بالتحديد من مبنى الاداره ماشاءالله مكتب رئيس السجن عليه خوش طله على سان فرانسسكو 
الورد الوردي الحلو …. بتلاقونه بينه عشيش لبعض الطيووور …لي وقفتوا في هالمكان بتحسون بالبرد و مضرب الهوا .. يا زين برد و براد سان فرانسسكو هواها نظييييف سبحان الله 
Alcatraz Island appears often in media that including films such as The Book of Eli – X-Men: The Last Stand – Catch Me If You Can – , The Rock -, Murder in the First – Escape from Alcatraz – Birdman of Alcatraz – television series Alcatraz. It also was featured in the animated series Yu-Gi-Oh!, the book “Al Capone Does My Shirts” and in video games
و اخر شي طبعا عند اخر قسم قبل لا تطلعون من مبنى السجن بتلاقون محل كبيير فيه تذكارات عن سجن الكاتراز .. ماكو فايده فيني كل ما اروح لازم اشري منه … بتلاحظون انه سجن الكاتراز كان له نصيب كبير في الاعلام .. بتشوفون الافلام الي سووها عنه و الكتب الي اتكلم عن القصص الي صارت فيه .. و من اهم الافلام فيلم ذاروك الي مثل فيه نيكولاس كيج … حتى العاب الفيديو بتلاقون فيها لعبه عن سجن الكاتراز.. و هم في مسلسل اسمه الكاتراز و له متابعينه
After the arriving back at Pier 33, you can enjoy a walk along the Embarcadero to see Fisherman’s Wharf, or go south on the Embarcadero to the Exploratorium Museum, and the Ferry Building.
بعد ما وصلنا للمرفأ و خلصنا جولتنا في جزيره سجن الكاتراز …. ردينا تمشينا بالمرافق و الاماكن الحلوه على ساحل سان فرانسسكو و منها مرفا 39 و الاماكن الحلوه في فشر مانز وورف
و بالنسبه للي يبون يعرفون اذا هالرحله تصلح لليهال الصغار .. اكيد لا لانه ماكو شي يونسهم او يسوونه اهناك بس ما يمنع انه العوايل الي معاهم يهال صغار يروحون لانه كان في عوايل امريكان معاهم عيالهم الصغار رايحين .. هالشي يقدرونه العايله نفسها قبل الروحه كل من يعرف لمزاج عياله .. اذا يتعسرون و يتمللون لا تروحون بس اذا تقدرون تسيطرون على مزاجهم لول روحوا في رحله لجزيره الكاتراز ….. مو الكل يحب هالنوع من الرحلا عموما الي فيها تاريخ و قصص
