It takes approximately 20 minutes by car to reach my favourite place to stay in that city from Lisbon Airport .. the amazing boutique Hotel Heritage Av Liberdade … the perfect location in the city, the friendly staff and ofcourse the general atmosphere ! I have to admit it’s rare to find a place where you can feel like if you’re at home ! and it feels so good to come back and stay at Hotel Heritage again 😀 check out my last year review on my stay at Heritage Av Liberdade during my trip to Portugal in 2012 .
بعد ما استلمنا جناطنا بمطار لشبونه (كان يومها التاريخ 20 سبتمبر 2013 .. اليوم الي طرنا فيه من الكويت على الطيران الاماراتي وصلنا فيه لشبونه ) المهم بعد أخذنا الجناط ما طلعنا من المطار ! ليش ؟ لانه رحت محل فودا فون الي موجود بالمطار عشان اشتري خطوط للقروب الي معاي قبل لا نطلع .. تعودت على هالشي خصوصا اذا وصلت ديره حزه نهار اخلص هالموضوع بالمطار و افتك.. بعدها طلعنا بره و صفينا دور للتاكسي ,, الطابور احيانا يصير طويل بس مع السوالف يمشي 🙂 تكاسيهم الفانات قليله فاذا سافرتوا مع قروب و ما تبون تنقسمون بتكسيين او اكثر طلبوا من المنظم انه تبون فان خاص لكم بس تنطرون اشوي على ما ايي .. المهم تقرير اليوم مو عن الوصول لي لشبونه .. تقرير اليوم عن وين نسكن لي رحنا لشبونه عاصمه البرتغال …. اوتيلي الي احبه جربته العام و رديتله السنه تقريبا يبيله ثلث ساعه من المطار اذا ما حاشتكم زحمه … … ليش احب هالاوتيل ؟ اول شي لانه بوتيك هوتيل و صغير و مو كبير و ما عليه زحمه مثل الاوتيلات الكبيره فالنتيجه تكون اهتمام الموظفين فينا و تلقونهم يثبتونا بالدخله و الطلعه .. نظيف و مرتب و موقعه ممتاز في شارع لبرداد من الشوارع الرئيسيه في لشبونه الي تلقون فيه محلات لبعض الماركات العالميه .. ريوقه بسيط و حلو … شوفوا تقريري و صوري الي صورتها العام للاوتيل على هالرابط اوتيل هيرتاج 2012
هذا شكل الاوتيل من بره … على زاويه و كله 4 ادوار 🙂 شوفوا صور زياده على هالرابط
اللوبي النتفه و آخره يصير في بوفيه الريوق كل يوم الصبح
عاد هالركن الي احبه و احلى شي اول ما اوصل من المطار صج احتاج كوب شاي اخضر ! هالركن عند دخله الاوتيل و خدمه ذاتيه .. يعني ستايل حياكم باي وقت 🙂 قهوه و شاي و بسكوت خفيف ضيافه من الاوتيل متوفره طول اليوم
My room .. My Bed 🙂 هالمره خذيت غرفه اوسع .. يا حلو ذيج اللحظه الي اول ما نوصل الاوتيل و اندش دورنا
مو بلوكنه للقعده بس بلوكونه جميله للوقفه و الفرجه على الشارع تحتي … نسوي مثلهم البرتغاليين خصوصا الحريم تلقونهم بالمناطق القديمه و سكيكها كل وحده طالعه و مجتفه الايد و مسندتها على الحديد و تشوف الي رايح و راد .. الصوره الي فوق للبلكونه من جهتين
احبها هاللشبونه ! I love Lisbon :*
OK so that was the arrival at where we stayed ! you think that was it for our first day in Lisbon ? of course not !at that time we still had time to catch some daylight before the sunset ! where did we go ? well that’s what coming up in the next post !
و هذا اوتيلنا و شفتووه ….شخصيا احبه و استانس عليه بس تذكروا انه مو معناته انه يعجب و يناسب ذوق الكل .. اقروا عنه قبل لا تحجزون فيه …. المهم اتهقون يومنا الاول في لشبونه خلص بوصولنا للاوتيل ؟ اكيييد لا دام انه الشمس ما غابت اكييد تشجعنا انه نطلع و نتمشى بالضبط مثل ما سوينا في رحلتنا العام …. وين رحنا و شنو شفنا ؟ نطروا التقرير الياي بتشوفون شنو ممكن تشوفون او تروحون له اذا وصلتوا مثلي على طيران الاماراتيه و لحقتوا على النهار بالديره
For Reservations at Heritage Av Liberdade: www.heritageavliberdade.com
للحجز و مزيد من المعلومات عن الاوتيل هذا موقعهم ” اوتيل هيرتاج “
