It felt so good to be back to this place .. a place that I stayed at back in September 2012 in Sao Miguel, The Azores – Portugal, I couldn’t book for my stay at any other place, I have this kind of thought that a visit to Sao Miguel wouldn’t be complete without a stay at this lovely place ” Pico do Refugio” I call it one of my homes around the world.
شعوور وايد حلووو اني ارد لمكان زرته من قبل و حبييته .. مكان و جزيره عمري ما فكرت اني بوصلها .. هالمكان الي تشوفونه بالصوره الي فوق مكاني الي سكنت في خلال زيارتي لجزيره سو ميغييل – احد جزر الازوريس في البرتغال .. ما قدرت احجز في مكان ثاني معني سويت بحث عن افضل الاماكن للسكن فيها و قلت في رحلتي السنه خل اختار شي غير .. .. في فكره في بالي ثاابته و تاثيرها قوي … زياره الى جزيره سو ميغييل من غير اقامه في مزرعه بيكو دو رفيوجيوو … ما تكتمل … تعرفون لمه تحسون بشعور انه في اماكن بالعالم تعدوونها بييووتكم الثانيه .. بيكو دو رفيوجيو بيتي في سو ميغييل 🙂
In my last trip to Portugal ( September 2013) I went back to Pico do Refugio and stayed again for 4 nights .Those who’s been following me since last year on instagram @amatraveller and reading my reviews on my blog here, know already how much I fell in love with this place …..
خلال رحلتي للبرتغال الاخيره في شهر سبتمبر 2013 رجعت لها مزرعتي الحبييييبه .. بيكو دو رفيوجيو و هم قعدت فيها مثل العام 4 ليالي و لو اقدر عادي اقعد فيها اسبووع …الي متابعيني من العام في حسابي بانستغرام و الي يقرون تقاريري اهني بالمدونه من العام بعد يدروون اشكثر حبيييت هالمكان الحلو ” بيكو دو رفيوجيو” ما راح اشرح لكم وااايد عنه لاني كتبت تقرير العام مع صور اتيين و تفاصيل الحجز و تقييمي للمكان … الي وده يشوف التفاصيل يضغط على الرابط
The reason that I went back to this island is that I couldn’t plan a second trip to Portugal without a stay in Sao Miguel ! all I have to say is that this place has it’s magic and I’m not the only one who went back again ! There are so many travelers that I met there who made The Azores their yearly getaway ! and I have a feeling that I’m going to find my way to that island for the third time 😉
واايد ناس يسالوني لييش رديتي لها .. لجزيره سو ميغييل و لييش ما رحتي جزييره ثانيه من جزر الازوريس التسعه في المحيط الاطلسي … بصراحه ما اقدر اتخيل رحله للبرتغال من غير لا احط جزيره سو ميغييل فيها او احد جزر الازوريس الي ما حصلتلي الفرصه انه اشوفها .. كان ودي اضيف جزيره ثانيه من الجزر التسعه و ازورها بس للاسف الوقت ما يكفي .. سو ميغييل اهي الاكبر و الاكثر شهره و الي تعتبر المركز الرئيسي للجزر التسعه .. رديت لها لانه القروب الي معاي غير عن العام و يبون يشوفونها .. ردييت لها لاني احبها فييها سحر غرييييب … مو بس انا الي رديت لها .. قابلت سواح اهناك شفت انه واايد يردون لها و بعضها يزورونها كل سنه كوجهه للراحه و الاستجمام و هم منها يطيرون لاكثر من جزيره .. جزر الازويس الوجهه العجيبه لمحبي الطبيعه و الراحه و الاستجمام و الاستكشاف
On the 21st, we took our flight from Lisbon to Ponta Delgada, The capital of the island of Sao Miguel, the biggest island of The Azores (for flight details check my last year flight on Sata Air ). We arrived at night, later my friend and our tour guide in Sao Miguel ” Gary” picked us from the Airport, and then we drove for 20 mintes to Pico do Refugio where Maria and Manuel welcomed us and showed us the way to our Lodge.
بتاريخ 21 سبتمبر 2013 ركبنا الطياره على خطوط ساتا في رحله من لشبونه الى مطار بونتا دلغادا – عاصمه جزيره سو ميغييل .. تقريبا الطيران كان ساعتين.. العام كتبت تقرير عن رحلتي مع طيران ساتا الي بروووح سو ميغييل لازم يقراه شوفووه على هالرابط تجربتي مع طيران ساتا …. المهم يومها وصلنا الجزيره بلييل و كان ينطرنا بالمطار مرشدنا السياحي الخاص و ماي فرند قاري .. بعدها حركنا الي بيكو دو رفيوجيو في منطقه ربييرا قراند.. تقريبا الدرب 20 دقيقه .. طبعا اول ما وصلنا استقبلنا مانويل و ماريا .. حارس المزرعه ومرته و بعدها ودوونا بيوتنا او شققنا بالمزرعه ..
I stayed at Casa do Pavao, at Pico do Refugio they have many kind of lodges press here to see more
في بيكو دو رفيوجيو عندهم انواع مختلفه من البيوت او اماكن السكن او مثل ما يسمونهم لوفتس او كازا .. العام سكنت في مكان فوق التله يم بيت صاحب المزرعه .. بس كان اييله بالاجازات لانه ساكن في لشبوونه .. المهم بالصوره الي فوق تشوفون على الباب اسم شقتي او بيتي ” كازا دو مافو ” طبعا لمه تيون تحجزوون لازم تعرفوون اي بيت او كازا تبوون …. في موقعهم حاطين الانواع و الصور شوفوهم على هالرابط … و الي بشووف الكازا الي سكنتها العام يضغط اهني
This is the the lounge at Pico do Refugio where they offer different facilities: TV, phone, fax, photocopy, wireless,coffee and more
احد البيوت في بيكو دو رفيوجيو يسموونه اللاونج … و انا اسميه بيت الضيافه .. ليش ؟ لانه فيه طاوله الاكل الي نتريق عليها كل يوم الصبح مع باجي سكان فلل بيكو دو رفيوجيو .. و هم فيها واير لس انترنت .. و كمبيوتر و فاكس و اله تصوير و مطبخ صغير كل يوم ماريا مرت مانويل تزهب فيه الريوق .. هالمكان مفتوح 24 ساعه و عادي تالي الليل تيون اذا تبون انترنت .. الصاله الي فييها الله ياهي شرررررحه
Breakfast of Pico do Refugio 😀
و هذا الريوق اليومي و مثل ما قلت احيانا نصادف الي ساكنين معانا في بيكو دو رفيوجيو و نقعد سوالف معاهم لين ايي مرشدنا قاري .. مرات نطلع مبجر الفير فنتريق قبل لا تشرق الشمس .. الحلو انه نتفق مع مانويل و ماريا قبلها متى نبي ريوقنا هذا اذا نبييه مبجر قبل الوقت المالوف للريوق
و لا ننسى ماكينه القهوه الموجوده باللاونج او بيت الضيافه …. جابلتها مجابل في كل حزه احس… وقتها ما كنت ابي شي يطوفني لوول … هذا غير مطاره القهوه العربيه مالتنا .. يازينه من مكان شفتوا المنظر الي ورا العصير ؟ يوم من الايام و احنا اهناك خلصنا جولتنا مبجر و بعض الانشطه تكنسلت لانه الجو كان غيم .. قمت رديت قروبي لمزرعتنا و سوينا كشته في هالمكان الي ورا العصير .. احلى كشته مع الحبايب 🙂 كشته و سدحه على مده و حركااااات لوول
و هذي صور احد الفلل او الشقق مثل ما يسموونها او نقول ” كازا ” بس نسيت اسمه .. كان فيها ناس بس قبل لا نمشي من المزرعه فضت و قلت للحارس يراويني اياها عشان اخذ فكره عن حجمها .. كل كازا في بيكو دو رفيوجيو تختلف عن الثانيه .. بعضهم يقدرون يزيدون عدد الاسره ( الفراش ) فيها حسب الطلب .. فلازم قبل لا تحجزون تشوفون الصور بموقعهم
شنو الي فرق علي ؟ العام كان المكان كله اخضررر ايننن و لو تشوفون تقرير العام بتلاحظون الفرق بالصور .. الموسم الشتوي مجدم عندهم .. بس هم الاقامه بالمزرعه كانت اتينن كافي الهدوء و موقعها و الخدمه من مانويل و ماريا شي احنا مو متعودين عليه .. دايما تجاربنا تكون في اوتيلات سنعه .. تجربه المزرعه بالنسبه لي و لكل قروب خذيته وياي كانت ممتعه .. ارد و اقول مثل ما ذكرت لكم بتقرير العام .. الي يبي يسكن بالطبيعه يتحمل كل شي فيها الاشياء الحلوه و الشينه .. هم هالسنه طلعولنا حشرات لوول .. فالي تخاف لا تسكن فيها .. انا اخاف بس نوعي في هالتجارب الي ما اتكرر اقول يالله اركز عالاشياء الحلوه و الحياه تجارب 🙂 شي فايت
هذي لقطات فيديو قصيره من بيكو دو رفيوجيو نزلتها في انستغرام
For reservation and more information visit their website : Pico do Refugio
للحجوزات و مزيد من المعلومات زوروا موقع بيكو دو رفيوجيو
الي يبي يشوف صور اكثر و شرح شامل عن اقامتي في بيكو دو رفيوجيو يضغط على هالرابط لتقرير زيارتي في سنه 2012
If you wish to see my previous review with more photos and details of my stay press here
