And it happened again, when the time came to leave my beautiful island Sao Miguel and fly away to explore a new destination during our tour in Portugal. Last year in September 2012, when I visited Soa Miguel for thr first time, I left later to Lisbon and then to Algarve by train to continue my vacation in Portugal , but during my trip this year, in September 2013 and after spending 4 days again in that island, I left to explore Madeira and it was my first visit to that island 🙂
و لقيت روحي للمره الثانيه .. جاهزه بالمطار للسفر عن جزيرتي الي بخليها و بطير و بروح لمكان يديد هم بالبرتغال من ضمن جولتي الاخيره فيها …. العام بشهر سبتمبر 2012 كانت اول زياره لي لجزيره سو ميغييل احد جزر الازويس التابعه لدوله البرتغال .. بعد ما قضيت فيها جم يوم , رديت لي لشبونه تالي خذيت قطار لقضاء اجازه في اقليم الغارف … بس خلال اجازتي فيها السنه بشهر سبتمبر2013 تفاصيل الرحيل كانت مختلفه … بعد ما قضينا فيها 4 ايام حلوه .. يا الوقت الي بنخليها و بنروح لجزيره ثانيه بالمحيط الاطلسي … جزيره ماديرا الي ما سبق اني زرتها من قبل ….
Our flight was with SATA Air and it wasn’t my first flight with them but it was my first flight in a dash aircraft 😀 first let me show you my flight details.
طيرانا من جزيره سو ميغييل الى جزيره مادييرا كان مع طيران ساتا و اهوه الطيران الخاص بجزر الازوريس لكنه يطير لي جزيره ماديرا و هم لبعض العواصم الاوروبيه و الامريكيه بعد .. المهم خلوني اراويكم تفاصيل الرحله
This was my flight details using flight plus app on my iphone, the flight duration from Sao Miguel Island ( Ponta Delgada) to Madeira Island ( Funchal ) was approximately 2 hours . One thing you have to know before planning your flight between those two destinations, that there are daily flights from Sao Miguel to Madeira and vice versa but by the time I booked there was only one direct flight per week, the other flights were through Lisbon.
و هذي تفاصيل رحلتي من مطار بونتا دلقادا في جزيره سو ميغييل الى مطار فونشال في جزيره مادييرا .. تقريبا مده الرحله كانت ساعتين .. بس في معلومه او ملاحظه مهمه لازم تحطونها في بالكم تتعلق بالرحلات بين هالجزيرتين … لمه ييت بحجز للرحله واايد كان صعب انه الاقي رحله تطير مباشره من سو ميغييل الى مادييرا من غير لا تمر ترانزيت في لشبوونه .. طبعا ما نبي ترانزيت لانه بنضيع وقت و يوم كامل بعد .. المهم الرحلات بين الجزيرتين متوفره كل يوم بس المشكله انه لازم ترانزيت في لشبونه .. و بعد بحث حصلت رحله وحده اسبوعيا تكون دايركت بين هالجزيرتين و كانت يوم الاربعاء الصبح فقمت رتبت رحلتي للبرتغال كلها عشان يتناسب معاها …
So we left Pico do Refugio, where we were staying in Sao Miguel, early that morning to catch our flight at in Ponta Delgada Airport , it’s a small island airport with few gates, so checking in your luggages will go smoothly 🙂
و في ذاك اليوم قمنا الفير نتريق و تالي مشينا من مكان سكنا في الجزيره الي اهو بيكو دو رفيوجيو و اتجهنا لمطار بونتا دلقادا مال سو ميغييل … مطارهم صغيير و مرتب و نظييف و هااادي و الجك ان سهاله ماكو دور و لويه و دايما يكونون مستانسين علينا لانه ما يشوفون خليجيين وايد بالجزر خصووصا متحدبات و دايما يسالون من وين يايين …
You will find alot of souviners at Ponta Delgada Airport
في مطار جزيره سو ميغييل بمنطقه بونتا دلقادا بتلاقون خوووش سوق قبل البوابات و بعدها جم محل صغار بس عندهم سوفونيرز حق الي ما مداهم يشترون من الجويره .. المفارش و المربيات و اغلب الاشياء شغلهم
Some chocolate and candy
لاحظوا تغليف الككاو عليه صور اللبس التقليدي لحريم الجزيره ايام اول .. و هم عندهم بالمطار خوش حلاو و لموظفات يتكلمون انجليزي زين
البوابات اعتقد مو اكثر من 10 بوايات … و الاحلى الي الحين بنشوفوونه في الصوره الي تحت .. في شي لازم تعرفونه .. بما انه موقع جزر الازوريس بوسط المحيط الاطلسي فعادي تحوشهم اعاصير و عواصف بسيطه طول السنه و هالشي احيانا يسبب تاخير لحركه الطيران بس الحمدالله طيارتنا طارت بوقتها رغم انه كان اشويه مطر و غيم
اول ما فتحوا البوابه مشينا لي طيارتنا .. وايد عاجبتني سالفه المشي لي الطياره خصوصا اهناك عندهم بالجزر
I have to admit it I love Sata Air 😀 من احلى شركات الطيران الي طرت عليها بالعالم مو لانها كشخه بس لانه الستاف اينن و الرحلات كانت واايد حلوه وياهم .. الرحله كانت حلوه بس اشويه مطبات
شي خفيف و لطيف من الصبح 🙂
اوكي الصور صورتها من مجله ساتا الي بالطياره .. اول شي الصوره الي على اليمين توضح جزر الازويس التسعه بالمحيط الاطلسي .. اما الصوره الي على اليسار توضح رحلات ساتا لاوروبا و الامريكتين
طبعا بما انه الطياره ام مراوح فكنا نطير على مسافه قريبه .. وطول فتره الطيران تحتنا المحيط … و هذي بعض الصور الي صورتها اول ما قربنا من جزيره ماديرا . جزيره مادييرا ما اتخيلون وين مكانها .. مكانها قبال المغرب يعني كلش مو صوب البرتغال لكنها جزيره تابعه للبرتغال … هم جزيره مادييرا عباره عن عده جزر صخريه بس ثنتين منها الي فيها سكان .. احنا رحنا الاولى الي يسمونها مادييرا … و هم في معلومه حلوه تدرون رغم قرب المغرب من هالجزيره الا انه ماكو طيران دايركت بينهم !! و لازم ترانزيت في لشبونه
اول ما وصلنا جزيره مادييرا نزلنا من الطياره و ركبنا الباص عشان يودينا المطار
So a new island to explore …. but first where is our ride ! well that’s what coming up in the next post 😉
ووصلنا لجزيره يديده و مكان يديده و بعيييييد عن ديرتنا .. و كنا جاهزين و مستعدين لاستكشافه .. طيارتنا وصلت الظهر يعني لمه الحين عندنا وقت انسوي فيه شي .. بس لحظه وين سيارتنا الي بتودينا فندقنا ؟ و يا ترى مع منو ؟ تزهبوا بالموضوووع الياي يايتكم الاجابات
