It always feels so good when things work as you planned on a trip. A lovely morning flight from Sao Miguel Island to Maeira Island in Portugal, finding our private tour guide Daniel waiting for us at Funchal Airport in Madeira, then taking a short ride to find ourselves in this beautiful Quinta , estate .. to experience one fine luxury stay at at ” Quinta Jardins do Lago” luxurious boutique hotel in Madeira . All of that was during my tour in Portugal last September 2013 🙂
دايما نرتاح و نحس بالوناسه و الانجاز لمه الاشياء و الامور تمشي مثل ما نبي و مثل ما خططنا لها بالسفره … في بدايه يوم حلو خلال جولتي بالبرتغال بشهر سبتمبر 2013 .. طرنا من من جزيره سو ميغييل الى جزيره ماديرا هم احد جزر البرتغال … و اول ما وصلنا لقينا المرشد السياحي الخاص الي كنت حاجزه وياه رحلاتنا .. استقبلنا بالمطار و انطلقنا للاوتيل و كانت بداايه اقامه موفقه في اوتيل ” كنتا جتردنز دولاقو ” …
Quinta Jardins do Lago is approximately 20 minutes away from Funchal Airport. It is situated in the hills surounding Funchal with an amazing mountain and ocean view , I have to mention this , the place has a quiet peacful atmpsohere and a romantic one too, It’s the kind of place you stay for a getaway in the city .
يبعد الاوتيل عن مطار فونشال العاصمه في جزيره ماديرا تقريبا 20 دقيقه … موقعه واايد حلو و منعزل عن ازعاج المدينه .. يمه الجبال و التلال الحلوه و هم له طله على المحيط الاطلسي .. الي لازم تعرفونه انه هالاوتيل واااااايد هاادي و راقي و جوه للناس الي تبي تنعزل و ترتاح .. كلش مافيه ازعاج .. اتعرفون لدرجه انه لمه تمشون باللوبي تسمعون صوت الباركيه الي تمشون عليه واااضح .. ليش قاعده اقول لكم هالشي ؟ لانه ادري فيه ناس ما يحبون هالاجواء بالاوتيلات الي يسكنونها .. شخصيا عجبني و هم عجب قروبي الي معاي .. و الملاحظه المهمه الي بعد لازم تعرفونها انه اغلب سكان الاوتيل من كبار السن لانه معروف عنه انه راقي و خدمته ممتازه لزباينه 
The enterance to Quinta Jardins do Lago
هذا مدخل الاوتيل و شفتوا الفان الاصفر .. هذا فان سايقنا و مرشدنا السياحي دانييل .. اسم اوتيلنا كينتا جاردنز دو لاقو .. معناته منزل او عقار الحدايق و البحيره
When we first arrived, we were warmly welcomed by the amazing staff at Quinta Jardins do Lago, and that’s what a traveler really needs when he first arrives to a new destination. The lobby is small but cozy. Our stay was amazing in all of it’s details , starting from the friendly staff and great assistance to the amazing atmosphere of this boutique hotel .
اول ما وصلنا رحبوا فينا الستاف و الاحلى انه كانوا ناطرينا ! هذا الي يميز البوتيك هوتيلز .. انه الواحد يحس باهتمام الستاف او الموظفين الي بالاوتيل لانهم يحفظون السكان الي فيه … الترحيب اينن و كانوا مستأنسين انه يايينهم من الكويت ! كنت وايد متخوفه من ماديرا لانه ما رحت لها العام خلال رحلتي للبرتغال بس الحمدالله الشعب البرتغالي وين ما نروح هذا اهو طيب و حليو واااايد و انشالله ما يتغيروون 🙂 اللوبي مثل ما تشوفونه بالصوره نتفه و ترا ماكو احد قاعد بس فيه جرس صغير بس اتطقونه يطلعون الموظفين من داخل … باختصار اقامتنا في هالفندق كانت جميييله بكل تفاصيلها من مستوى الاوتيل و الموظفين الي كانوا دايما بالخدمه و الاجواء العامه الهاديه و المريحه
The beautiful Lobby …. و هذا تكمله اللوبي فيه قعدات حلوه و بار صغير و بيانو .. بليل احيانا يكون في عزف البيانو … صج هالفندق كان مميز .. جني ساكنه في قصر صغير او فيلا شايفتها بفيلم لوول .. و راح تشوفون معاي بعض الصور و بتعرفوون ليش حسيت اني عايشه بقصه فيلم 🙂
It was so kind of the management at Quinta Jardins do Lago to upgrade my stay from a room to a suite ! because it was my birthday ! I arrived to the island of Madeira on my bithday 😉 lucky me 😀 Anyway I stayed at a beautiful spacious suite which is elegantly furnished and has a sitting area, a marble bathroom and a large balcony .. a large large balcony over looking the beautiful Jadind or Gardens and the ocean ofcourse . There is also a complimentary wireless high-speed internet to all rooms and suites . My group stayed at lovely rooms also overlooking the gardens 🙂
المفاجاه الحلوه انه انا كنت حاجزه لغرفه عاديه مع بلوكنه على الحديقه …. بس لمه وصلت سووولي اب قريد الى سويت !!! لانه يومها كان عيد ميلادي ! و هذي صاله السويت الي عطوني اياه لمده 4 ايام خلال اقامتي عندهم في جزيره ماديرا .. السويت وااايد وسيع و طبعا ما يحتاج اقول انه مجهز بالكامل .. صاله كبييره و غرفه نوم وسييعه و بلكونتين مفتوحين على بعض و الحمام تكرمون كبير و فيه جميع الاحتياجات .. كلش ما نقصني شي خلال اقامتي في هالسويت .. الحمدالله … لو تلاحظون ستايل الاثاث و الديكور بسيط واايد و قديم لانه بعضه انتيك .. اما بالنسبه للغرف الي سكنوها باجي قروبي هم ماشاءالله وسيعه و شرحه بس كانت بالدور الاول فبلكونتها على الحديقه تحت .. الغرف كلها فيها واير لس انترنت بس احيانا يكون ضعيف و اقوى شي باللوبي تحت …
و هذي غرفه النوم بالسويت
الحمام
It’s always fun to enjoy those little details during our stays in hotels around the world.. coming back at night after a long day exploring the island and finding this lovely box of chocolate next to my pillow, always made me smile 🙂 also the fruit basket in the living room .. ad for the third photo it’s when I ordered room service ! amazing service as requested delclious tomato soup and Mushroom Risotto.
وايد حلو شعور الاستمتاع بالتفاصيل البسيطه و الحلوه و خصوصا اذا عشناها اثناء سفراتنا و رحلاتنا حول العالم .. كل الاماكن الي نسكنها نلاقي شي يميزها عن غيرها بس بعضها يقدم لنا اشياء نحس انها بالمكان و الوقت المناسب .. خلال اقامتي في اوتيلنا بجزيره ماديرا كل ليله لمه ارد الاوتيل بعد يوم طويل نحووس فيه بالجزيره الاقي هالعلبه النتفه .. ما فيها شي مميز بس قطعه ككاو مع رساله بسيطه مكتوبه على العلبه الي اهي سويت دريمز .. هالشي يكفيني اني كل ليله ابتسم قبل لا انام 🙂 و هم ما ننسى سله الفاكهه الحلوه الي انلاقيها بالصاله …. و بما انه قاعده اتكلم عن الاكل خل اقول لكم عن تجربتي للروم سيرفس .. باختصاار الاكل ايننننننننن … طلبتلي ليلتين على اتلى نفس الطلب .. روزوتو المشروم و شوربه الطمام
My birthday Cake from the staff and managment of Quinta Jardins do Lago Hotel
فاجئوني الستاف و المدير مال الاوتيل في هالكيكه الحلوه الي طلبوا من الشيف يسويها لي عشان عيد ميلادي .. و الله انها كانت احلى كيكه و احلى مفاجئه و تلوموني لي حبييت اهل البرتغال 🙂 اموووت عليهم .. عاد طبعا طلعت البلكونه و صورت كيكتي مع منظر البيوت الي بالجبل الي يمنا و مره صورتها الصوب الثاني مع منظر حدايق اوتيلنا ووراها المحيط
و هذا شكل بلكونات الغرف الي تطل على الحدايق و المحيط
This 18th-century mansion has beautiful botanical gardens with 500 different plant species.
اوتيلنا واايد قدييم من القرن ال 18 … تخيلونا منو الناس الي سكنوا في هالبيت .. طبعا اول كان بيت ناس اغنيا ما كان اوتيل .. بس بعدين صار اوتيل و زادوا عليه جم مبنى يمه … الي يميز اوتيلنا من اسمه ” كينتا جاردنز دو لاقو ” انا قاعده اقول جاردنز مو قاردنز لانه ينطقونها جذي … المهم المقصود فيها انه عقار او مملوكه الحدايق و البحيره .. اوتيلنا معروف بحدايقه الحلوه و الي فيها اكثر من 500 نوع من النباتات و الاشجار و الورود .. اينن التمشي تحت .. عادي بعد الريوق أخذلي فره و اتمشى على ما يتيمعون قروبي باللوبي و ننطلق برحلاتنا اليوميه مع السايق … هم حزه المغرب اشوف واايد كبلز قاضبين ايد بعض و يتمشوون بالحدايق تحت اتينن الاجواء حزتها غروب و هدوء بس تسمعون اصوات الطيور
شفتوا القعده الحلوه ؟؟ اتهقوون هذي قعده شنو ؟ بتعرفون بعد اشوي 🙂 المهم شوفوا الصور اليايه خذيتها و انا اتمشى بالحديقه .. عندي الف صوره يمكن بس ما اقدر احطهم كلهم اهني 🙁
And this is one of the residents of Quinta Jardins do Lago … Colombo 😉 الاوتيل عنده ضيف دايما موجوود و يعتبر من اقدم الضيوف الي ساكنين بشكل دائم لوول .. هالضيف السلحفاه كولومبو .. عشتو حاطيله هالبيت السنع و لوحه فيها معلومات عنه و محوطيين له حديقه خاصه فيه
Quinta Jardins do Lago has a large beautiful tropical swimming pool,sauna, Jacuzzi, Turkish steam bath which indeed makes it a perfect getaway in Madeira
الاوتيل عنده خوووش حمام سباحه بس حسافه كان حزتها اشويه برد و بادي يتغير الجو من الصيفي لي الشتوي فكان الماي بارد مو مال سباحه .. المكان الي دار مدار حمام السباحه مجهز بالمرافق المعروفه من سونا و حمامات و غرف تبديل و نادي رياضي و غيره
و هذي القعده الي شفتوها مساعه …. قعده الريوق الخارجيه .. مو تينن الاجواء ؟
Having breakfast on the veranda and enjoying the morning breeze 🙂
القعده بره للريوق كانت شي خيااااال
This is the charming breakfast room of Quinta Jardins do Lago
و هذي القعده الداخليه للريوق .. طبعا من يبي يقعد داخل و الجو شحلاته بره .. يوم ما يانا مطر قعدنا بالبلكونه و يوم الجو الحلو لا حطوا لنا القعدات الي بالحديقه
الريوق كان واايد حلو الحمدالله كله من خير الله .. ماكو فناتق بس مرتب و شغلهم نظيف و الخدمه سريعه
ريوقي في بلكونه مطعم الريوووق … الله ياني ولهت على هالنوع من الاجازات و السفرات الونيسه 🙁 … المهم بعد ما راويتكم في هالتقرير اوتيلنا الحلو .. اتهقون التقرير الياي بكوون عن شنو ؟ تزهبوا تقارير جولاتنا الاستكشافيه في جزيره ماديرا بالبرتغال يايتكم بالطريج 🙂
for more information at reservation at press on Quinta Jardins do Lago
لمزيد من المعلومات عن اوتيل كينتا جاردنز دو لاقو ضغطوا على الرابط
