KLM , Flight Kuwait to Amsterdam رحلتي من الكويت الى امستردام على الطيران الهولندي -

And it was time, for a new adventure .. a new trip and to a new destination ! Although it was a short escape, but we were really excited to begin it 😀 while we were planning our trip to Iceland, we have discussed the best Airlines Ticket offers available for that route . So we decided to book our flight with KLM ..details below :

و صار الوقت للانطلاق لوجهه يديده … مغامره يديده … برحله يديده .. مع انه الرحله كانت جدا قصيره بالنسبه لي اقل من اسبوعين بس ماشاءالله كانت حافله بالاحداث و الانشطه و المغامرات الحلوه …. رحلتي الى ايسلاندا من بدينا نخطط لها و احنا مشتطين و متحمسين للي ينطرنا .. بس اول شي بتكلم عن عروض الطيران .. لمه ايي احجز لخط الطيران دايما اشوف الروت او الخط و جم ترانزيت و تالي اشوف السعر . بعد البحث لقينا انه افضل خط اهوه الي مع الطيران الهولندي .. فاتكلنا على الله و حجزنا للرحله .. و التفاصيل بالصوره اليايه

This is the details of our trip to Iceland, as you can see we had a 7 hours 30 minutes transit in Amsrerdam on our way to Iceland, so we said why not on our way back we take somedays and enjoy exploring Amsterdam ! So that’s how we ended up celebrating New Year’s there 😀

و مثل ما تشوفون بالصوره الي فوق خط الرحله الي خذيناها مع الطيران الهولندي .. بالروحه طرنا من الكويت و طبينا الدمام بس ما نزلنا من الطياره .. ركبوا معانا ركاب و مشينا ليه امستردام اذا ما كنت غلطانه جنه الدرب 7 ساعات لانه ماشاءالله نوعي انام بالرحلات الطويله .. المهم يوم وصلنا امستردام كان عندنا ترانزيت لمده 7 ساعات و نص ! اقدر اقول انه اطول ترانزيت مر علي .. فقلنا دام انه حتى بالرده لي الكويت بحوشنا هالترانزيت ليش ما ننزل و نقعد في امستردام جم ليله تالي نرد الكويت .. و هذا الي خططنا له و بجذي لقينا روحنا نحتفل برأس السنه في امستردام 🙂

On board of KLM on our way to Iceland from Kuwait … how was my experience ? it was good ! It was my first experience with KLM 🙂 and I totally loved it, the flight was amazing ! specially when there are no kids on board 😛 or close to your seat 😛

على متن الطيران الهولندي من الكويت الى امستردام تالي الطيران الايسلندي لي ايسلاندا …. أول مره اجرب هالخطوط .. طبها انا نوعا ما كنت متطمنه لانه ما احب اجرب اسافر مع طيران اول مره اجربه حزه الزحمه و الصيف .. بس اشوه هالمره جربته حزه اجازه الكريسماس و الحمدالله كانت التجربه حلوه على الدرجه السياحيه … الرحله وايد مريحه و الاكل وااايد لذيذ احلى من اكل البرتش و الاماراتيه .. و يمكن السبب الاول و الاخير للراحه بالرحله اهوه انه ماكان في يهال وايد بالطياره و خصوصا حوالينا .. صج السفر مع اليهال مو سهل و الله يعين اهلهم .. سفروهم اماكن قريبه و اهمه صغار ترى ما راح يتذكرون لوول

That was the first photo I took upon Arrival to Schiphol Airport, Amsterdam International Airport 😀 So 7 hours and 30 min Trasit 🙁 what did we do at that Airport ?

و هذي اول صوره صورتها اول ما طبينا في مطار امستردام .. لمحلات الككاو مع زينه الكريسماس … صج من اجمل الاوقات بالسنه للسفر حزه الكريسماس … المهم ترانزيت 7 ساعات و نص !!!! اييييه ادري طويييل .. شنو سوينا فيه ؟

The first thing we did is find us a nice place to sit then get some coffee and sandwiches from Starbucks …afterwards we starting looking for the information desk at the airport or terminal to know from where we can collect our boarding pass to our flight to Iceland, They told us that we can either get them from the gate of our flight or at a transit desk two hours before our flight timing . So we thought we could go on a short tour around the terminal 🙂

اول شي سويناه اول ما نزلنا من الطيار دورنا مكان نقعد فيه و بعدها شرينالنا قهوه .. و اشوه لقينا ستاربكس و صارت قهوه و سناك خفيف … بعدها قمنا نستفسر من مكتب الاستعلامات في التيرمنال عن المكان الي ممكن نستلم فيه البوردنق مالنا للرحله اليايه على الطيران الايسلندي .. لانه بالكويت بس عطونا لرحلتنا من الكويت الى امستردام .. فقلت ليش انطر حده حده لي قبل الرحله .. الواحد اول ما يوصل يستفسر حتى لو الترانزيت طويل بس احسن عشان بعدها يرتب وقته و اشلون بقضيه بالتيرمنال .. المهم قالولنا انه البوردنق ما راح نقدر ناخذه الا قبل طيارتنا بساعتين و يا ناخذه من مكتب التحويل و حددوا لنا أي رقم و في أي تيرمنال او انه ناخذه عند باب الطياره قبل لا نركب … دام انه عرفنا الطريقه قلنا خل نبدي جولتنا بالمطاار 🙂 جوله بس نتفرج فيها لوول ماكو مشترى .. نخليه للرده

Some of the things that I liked at our Terminal 🙂 and bought on my flight back home at the end of the trip 😛

بعض الاشياء الي عجبتني و انا اتمشى بالمطار .. و هم بعضها شريتها باخر الرحله و احنا رادين للديره

I love how I always run into stuff related to one of my favourite destinations around the world ! Portugal 😀 في شي غرييب و احبه … ديما اصادف اشياء او اشخاص يذكروني برحلتي للبرتغال … اينن الشعور يخليني احس و اكون متاكده انه هالديره برد لها قريبا انشاءالله .. لاحظوا انه كتبت تعليقي عن كتاب البرتغال و ما قلت لكم اشكثر الجواتي الهولنديه التقليديه تشوق لوول

Cafe Chocolate seems as a nice place to have some chocolates and coffee but unfortunately I was full and I haven’t got the chance to try it

عجبني هالكافيه .. اكثر من مره مريت عليه … عنده ككاو و هم قهوه و جنه عنده ساندويشات .. المهم انه يستحق التجربه بس ترا ها ما اادري عن طعم الككاو و لا جوده القهوه لانه ما جربته .. كنت ماكله و شبعانه للاسف لوول .. و هم في معلومه ثانيه ترا موجود في واحد من التيرمنالز مو شرط الكل يلقاه اذا صار عنده ترانزيت بمطار امستردام

and more food we had at the food court but I forgot which terminal 😛

و بين الجولات و التمشي بالتيرمنال كنا نوقف و ناخذ لنا سناكس .. بدعنا في ترانزيت 7 ساعات و نص :))

I thought the airport would be more crowded 😛 by the time I was there, Christmas was in two day:D

المطار كان زحمه اشويه بس توقعته بكون زحمه اكثر من جذي .. متخيله الي اشوفه بالافلام عن شكل المطارات قبل الكريسماس بيومين

and that was where we got our boarding tickets 2 hour prior to our flight to Iceland on Iceland Air

و هالمكان الي تشوفونه بالصوره الي فوق .. استملنا منه البوردنق لرحلتنا الى ايسلاندا .. بتلاحظون في مطار امستردام هالمكاتب الي مكتوب عليها تي و بعدها رقم .. كل مكتب او قسم فيه عده طيران .. طيران ايسلاندا موجودين في مكتب ” تي 3 ” تاخذون رقم من الجهاز تالي لمه اييي دوركم تراوونهم اوراق او ستيكرز جناطكم الي على الكي ال ام ” لطيران الهولندي ” عشان يحولونهم للطيران الايسلندي .. لا تنسون هالشي لانه الموظفه كانت مضيعه لوول .. بعدها يعطونكم البوردنق و تروحون للبوابه الي من اول ما نزلنا المطار كانت معروضه على شاشه الرحلات

Was it cold ? well that was nothing comparing to what was awaiting us in Iceland 😛

تهقون امستردام حزتها كانت بارده ؟ لا ابد كلش مو بارده لوول بالنسبه للي كان ينطرنا في ايسلاند

I think it’s the happiness that hits you when you start a new journey to a destination 😛 that’s what really makes you eat more and more lol .. that was the last thing we had before boarding the plane 😀 mine is the Snickers and my friend loved the beef snack pack 😛

اعتقد احساس الوناسه و السعاده الي يحوشنا اول ما نبدي رحله و سفره يديده .. هالشي سبب انفتاح الشهيه !!! ما كان في كنترول لي اخر لحظه قبل لا نركب الطياره … سناكي كان السنيكرز و ترا هذي اولها مع البرد بس امشي و اكل ككاو لوول و ماي فرند سناكها الي على اليسار بييف و حركات لوول