My stay at Reykjavik Residence Hotel- Iceland 2013

My Home in Reykjavik, Iceland 😀 yeah I can call it a home because I had one of the most amazing stays at this beautiful place ” Reykjavik Residence Hotel “ .It was a wonderful stay in a home away from home 😀 While we were planning our trip to Iceland, me and my friend were looking for a place to stay that  has a great location and  accommodations in Reykjavik . So I first read about  Reykjavik Residence Hotel on booking.com but of course to know more I always read the reviews on Tripadvisor.com and from there we decided to book for our stay at Reykjavik Residence Hotel 🙂

الي تشوفونه بالصوره بيتي في ريكيافيك – عاصمه ايسلاندا 🙂 مو يشوق ؟؟ ايييه سميته بيتي و مكاني لوول انا اي مكان او اوتيل ارتاح فيه اسميه بيتي ! مثلا قاعدين نتسوق بالسوق ما اقول حق الي معاي انا برد الاوتيل بودي الاغراض و ارد .. لا اقول لهم برد البيت اقط الاغراض و ارد لكم لوول .. المهم خل اقول لكم ليش سميته بيتي .. دايما نسافر و نسكن اماكن مختلفه من الاوتيلات و المنتجعات بعضها نحس فيها برفاهيتها و انها مؤقته و بتنتهي و بعضها نحس انه المكان بيتنا و مكانه … هالشي ينطبق على اوتيل “ريكيافيك رزدنس “ خلال تخطيطنا لرحلتنا انا و صديقتي الى ايسلاندا  و احنا قاعدين ندور اوتيل مناسب لنا في موقع بوكنق شفنا هالاوتيل و عجبنا مع مجموعه ثانيه من الاوتيلات .. بس هذا غير شوقنا شكله جنه بيت  صغير و نظامه سويتات او شقق صغيره او ستيديو.. المهم انا ما احجز في اي اوتيل الا لمه اقرا تقارير الناس في موقع تريب ادفايسر و ماشاءالله التقارير كلها ايجابيه و الكل يمدحه و يقولون جنه فندق 5 نجوم .. فاتكلنا على الله و حجزنا فيه لانه موقعه حلو و هم ديكوره و خدماته شكلها مناسب لنا و تمشي مع ذوقنا

Why Reykjavik Residence Hotel?

ليش حبيت اقامتي فيه ؟

 It’s a new apartment hotel with the perfect  location ! If you’re the kind of traveler who would love to explore the town by foot or go shopping ! Well everything is with in a walking distance ! I can say that it is the best place to stay if you want to be in the heart of  downtown Reykjavik. We used to take short walks to main shopping streets ” Laugarvegur and Skolavordustigur”  where most shops,cafes and restaurants are located .Also you can take a short walk to the pond and  Reykjavik Harbour !

الفندق نظامه نظام شقق صغيره تشوق .. كل شي مفتوح على بعض الغرفه و طاوله الطعام و مطبخ صغير تجهيزي و عند الباب موقع الحمام .. هذا كان تصميم غرفته و كل غرفه او سويت او مثل ما يسمونهم شقق لها تصميم و شكل غير … الاهم الي حببني فيه اكثر موقعه الخيالي .. انا وايد احب امشي للاماكن الي ابي اشوفها و افضل هالشي في اغلب الدول الي ازورها بس اكيد هالشي ما يحصل لانه بكل مكان … بس مدينه ريكيافيك صغييره و تحسون انها قريه اكثر من مدينه .. اوتيلنا وقعه ممتاز تخيلوا عبره شارع و نمشي بسكه 5 دقايق الا احنا في شارعين معروفين عندهم بمحلاتهم للملابس و التذكارات غير المطاعم و الكافيهات … و هم مشي 10 دقايق ليه الهاربور .. او منطقه الصيادين بالميناء الي فيها خوووش كافيهات و هم مطاعم شعبيه للماكولات البحريه و هم يطلع منها رحلات بحريه لمشاهده الحيتان و مشاهده طيور البفن المعروفين في ايسلاندا بس هالرحلات مو موجوده بموسم الشتاء …. فتخيلوا اذا تبون أي شي من مدينه ريكيافيك  من الاشياء الي يحتاجونها السواح حتى الجمعيه كل شي نروح له مشي من هالفندق … بس كان برد :)) بس للي يحب البرد ما عنده مشكله 🙂

– The Price was so reasonable during that time of the year, Our stay was in December 2013, The price was approximately 80 KD per night  with in room breakfast .

سعر الليله كان جدا معقول في ذيج الحزه و الموسم مال النيو يير ” اخر السنه ” في شهر ديسمبر .. تقريبا كان 80 دينار بالليله مع ريوق بسيط بالغرفه لانه ما عندهم مكان للريوق .. ترى الاوتيل جنه بيت 🙂 الحين بتشوفون بالصور ليش  اسميه بيتي 🙂

– You will have everything you need for a perfect comfortable stay ! They have suites or apartments ! and please remember that this hotel have different two properties which are near each other, so when you book ask for building 45 🙂 Now let me take you on a photo tour to show you why I’m saying  it was a comfortable stay at  Reykjavik Residence Hotel 😉 Let’s go …….

كل شي موجود و متوفر لاقامه حلوه … الغرفه طبعا فيها دفايتيين و هم الحمام فيه دفايه .. التجهيزات نظيفه و كل شي مرتب بس ارد اقول ترا في سويتات او شقق الي يصير فيها غرفتين و ماكو غرف متشابهه .. فانتبهوا لي حجزتوا .. و هم ملاحظه ثانيه الاوتيل له مبنيين مو يم بعض بس بينهم شارع و تقريبا مشي 5 دقايق  … فما ادري عن غرف المبنى الثاني .. فاذا بتحجزون للمبنى الي انا سكنته قولوا مبنى 45 … المهم هذي ملاحظاتي و الباجي انشاءالله بتشوفونها مع الصور اليايه .. يالله نبدي جوله في غرفتي في بيتي في ريكيافيك 😛

 Period of stay :   23 of Dec 2013 to 29 Dec 2013

و هذي آنا واقفه عند مدخل الاوتيل و كنت توني راده من السوق و شاقله اغراضي بالجنطه الي على ظهري 🙂 المهم اقامتنا كانت لمده 6 ليالي من تاريخ 23 ديسمبر 2013 الى  29 ديسمبر 2013 … لو تشوفون الدري الي تحت يودي للمطبخ مال الاوتيل و هم احنا غرفتنا تحت بس تطل على الجهه الثانيه و لها  دريشه تقدرون تطلعون  منها و تلعبون بالثلج النتفه الي موجود 🙂 الثلج مو في العاصمه الثلج العجييب بره و انشاءالله بتشوفونه بالتقارير اليايه

The staff were helpful and friendly ! One staff will be there at the desk to welcome you on your arrival, she will be there everyday from 8AM to 8PM, later there will be someone for the night shift between the two hotel buildings and if you need anything during his shift you just call NO.2000 from your room or the reception desk .

الستاف بالاوتيل وااايد حليويين و انجليزيتهم قويه ماشاءالله .. اشلون طريقتهم ؟ اول ما اتدشون بتلاقون موظفه وحده على هالمكتب الي بالصوره .. ماكو غيرها هذا الرسبشن و هم عندها ترتيب الرحلات و هم اهي الي بتساعد في شيل الجناط للغرف لوول فما يصلح الاوتيل للي يبون مكان كشخه و خدمه … المهم هالموظفه دوامها من 8 الصبح الى 8 بليل .. بعدها تمشي و ايي حارس بليل الي و لا مره شفناه و يتنقل بين مباني الاوتيل الاول و الثاني و بما انه الديره امان و ماكو الا العافيه  انشالله ما راح تحتاجون له .. بس في رقم اذا تبونه تدقون عليه  من تلفون الدار

–  We asked if we can keep our passports at the receptions  safe  box and they didn’t mind ! Also I asked for a copy of the passports and they provided me with copies 🙂 I loved their service !

غرفتنا ما كان فيها صندوق الامانات عشان نحط فيه جوازاتنا .. فرحت للموظفه قلت لها حطوه عندكم بس صوريلي نشخ من الجوازات عشان التاكس فري بس بعدين طلع المحلات بالسوق  ما يحتاجون النسخ

– They also kept tracking my lost luggage issue ( check the previous post for details ) and kept updating me when I come back to the hotel at night !

اول ما وصلت الاوتيل باول يوم .. قلت حق الموظفه عن جنطتي الضايعه و قلت لها ممكن تصورين الاوراق مالت جنطتي الضايعه و اتابعين معاهم الموضوع .. قالتلي اكيد !! و بسرعه صورتهم الي عجبني انه طول ما جنطتي كانت ضايعه لثلاثه ايام .. الموظفه كانت تعلمني بالاخبار اول باول  .. من ادش الاوتيل تقولي ترا جيكت و لمه الحين ما بين شي … احب الاوتيل الي يهتم بالضيوف و اكيد هالشي ما صار الا لانه الاوتيل نتفه و عدد النزلاء قليل

-They follow the pick up of our tours although I booked them online before taking the trip to Iceland 🙂

كانوا يتابعون شركات الرحلات الي كنت حاجزه معاهم من الكويت اون لاين .. و حتى لمه اتكنسل الرحلات يدقون و يرتبون لنا طلعه ثانيه ..  حبيت اشكثر كانوا مهتمين انه نكون راضين و هم حبيت انه اول ما ادش من الباب بعد كل رحله الموظفه تسال اشلون رحلتكم و شنو شفتوا

– They are very helpful when it comes to giving you directions to places and in finding us nice places to visit on Christmas day

الستاف كانوا واايد حليويين و ساعدووني في شرح الطريج لبعض الاماكن  و المحلات الي ابيها .. و هم يوم الكريسماس  طبعا اغلب الاماكن مسكره بس ساعدوني و دقوا على المطعم الي كنت مسويه بحث عنه بالديره و بخاطري اجربه و تاكدوا انه مبطل يومها

Once you enter the suite you will have the door to the bathroom on your right hand 🙂 our bathroom has a shower 🙂 some have a bathtub

اول ما تدشون الغرفه او السويت بتلاقون باب على يمينكم للحمام و حمامنا فيه شور و حسب ما قريت بعض الشقق او السويتات في بانيو .. كل شي مجهز : الفوط – الشامبو- كوندشنر – الكريم – الصابون و السشوار باليراره بالحمام

 I miss this cozy room 🙂 ولهت على الغرفه البسيطه و الحلوه .. ديكورها و اثاثها نااعم و ما فيه كلافه ابد بس حلو لي بطلت الباب و احنا رادين من ذيج الرحله الونيسه احس بدفا هالدار ..  الي اهي داري لول

Also a fully-equipped kitchenette with fridge, stove, microwave, and tea/coffee maker

و عندنا مطبخ تجهيزي صغير و لابج بس فيه كل شي نحتاجه … الثلاجه و الجوله و المايكرويف و سخان الماي الحار و الاماعين طبعا

و هذا التلفزيون و ترى فيه قنوات انجليزيه لوول ما راح اتوهقون … ليش مهم التلفزيون ؟ لانه الديره حزه روحتنا بشهر ديسمبر اتظلم فيها الدنيا الساعه 3 و نص العصر .. فليه ردينا الاوتيل بعد ما يسكر السوق 6 او 7 المغرب  بالكثير او بعد رحلاتنا انجابل هالتلفزيون … نصيحه للي بروحون انشاءالله نفس حزتي عشان الانشطه الشتويه في ايسلاندا .. نزلوا افلام و مسلسلات على الايباد لانه بكون عندكم وقت للراحه و السدحه … صج كانت اجازه اتينن مغامرات و هم راحه

و هذا شكل الغرفه … الطلعه من باب على اليسار

Non Alcoholic drinks ! when you mix those two drinks,you get The Icelandic Christmas drink 🙂 ! so we gave it a try 😀 it’s a famous Iceland‘s famous Christmas beverage in Iceland  🙂

 اول ما دشينا الدار لقينا هالبطلين على طاوله الطعام و شرحت لنا الموظفه قصتهم …الاول مالت و الثاني طعمه مثل الفانتا البرتقال .. اذا خذيتوهم و خلطتوهم مع بعض يصيرون احد اشهر المشروبات في ايسلندا الي يشربونها الناس  خصوصا بالكريسماس .. حتى لمه رحنا الجمعيه في قسم كامل حق هالمشروب .. و هذا كان جزء من الضيافه بالفندق 🙂

 وهم هالصحن الي تشوفون صورته في لحم بارد و زبده و نوعين من الخبز المشهور عندهم .. لحم بارد ما آكل بس صديقتي جربته .. اما الخبر جربته و كان حلو و هم تلاقونه بالجمعيه الي بالمول … لاحظوا بطل الماي شكله جنه ثلج مو يشوق ؟ صج اجواء برد

 The in room breakfast basket is brought every night and placed in the fridge , also each morning you will find a bag of bread at your door 🙂

و هذي سله الريوق الي اييبونها الدار المغرب و يحطونها بالثلاجه .. حدهم مرتبين .. اما الخبز فتلاقونه في جيسه معلقينها على الباب كل يوم الصبح .. ما جربت سبريد الربيان .. بس جربت الي يمه و عليه صوره سانتا اسمه سكيير .. شي مثل الروب بس وااايد ثقيل و طعمه قوي و ياكلونه بروحه .. مكونات سله الريوق تتغير اشوي كل يوم هم الخبز كل يوم غير

 حركاتهم الحلوه انه البيضه يكتبون عليها هابي بريكفاست و هم يرسمون عليها 🙂 اشياء بسيطه بس تونس .. و راح تلقون بعد بالثلاجه عصير برتغال و حليب و بالمطبخ مع الاماعين بتلاقون الكورن فليكس

 سماعه الايبود  شي مهم كنا كل يوم نستخدمها .. و هذي جيسه الخبز مالت الريوق .. اما صوره شاي الاعشاب كانوا يحطون لنا منه كل يوم .. جربناه و عجبنا عباره عن 3 انواع من الاعشاب الايسلنديه المفيده … و تقدرون تشترونه من بعض المحلات الخاصه بالمواد الغذائيه الصحيه و هم من الجمعيه

وحده من يرارات المطبخ كنا مخلينها حق ماجلتنا الي ناقلينها معانا من الكويت لوول .. تبون الصج ؟ و الله فادتنا جبن قلاص و توست و بطاط و ككاوات .. فادتنا بالرحلات  اكثر شي … شفتوا شكل الاكل على الطاوله ؟؟ هذي تجهيزاتنا و احنا نسوي سندويشات للرحلات اليوميه

 من الاشياء الي صج استمتعنا فيها خلال اقامتنا في هالاوتيل اهيه الشوربه !! كان لها طعم ثاني مع اجواء البرد الصجي ! شرينا الشوربات من الجمعيه 🙂 جمعيتهم كل شي فيها و انشالله راح اكتب عنها تقرير خاص … اما الشمعه  شي انا و صديقتي متعودين عليه … لازم شمعه سواء سافرنا مع اهلنا او مع بعض لازم اجواء شمعه بالدار لوول … هم شريناها من الجمعيه .. و اول ما ندش الدار نشبها

 و هذي درايشنا على الساحه الخلفيه للفندق … الثلج قليل بس يونس .. استانس  ابطل الباب و اطلع و العب بالثلج .. لاحظوا الصور مصورتها اول ما طلعت الشمس الصبح الساعه 11:30

 بما انه جنطتي كانت ضايعه .. رحت المول و شريتلي جم شي قبل لا يسكر ليوم الكريسماس .. الحمدالله لحقت على اخر ساعتين قبل الكريسماس بيوم .. شفتوا البلوزه الي بالصوره ؟ هم كان حظي حلو انه احد المحلات الي يبيعون ملابس شتويه و تدفي و من صناعتهم في شارع يمنا .. كان فاتح لساعات معينه يوم الكريسماس !!! هالمحل عجييييييب بتلاقون فيه جاكيتات و غيرها من الملابس الي نحتاجها للبرد .. شريت منه هالجاكيت العجيبه طبعا تلبسون تحتها طبقتين و فوقها الكوت .. لازم تمرون المحل هم عنده خوووش كنابل .. اسم المحل ” ايس وير “

The warm Jacket that I bought from Icewear 

 This is the location of  Reykjavik Residence Hotel

و هذا موقع الاوتيل .. اما بالنسبه للصوره الثانيه .. يحطون هالنوت على مكتب الرسبشن لمه تمشي الموظفه بليل الساعه 8 .. بعدها مدخل الاوتيل ينقفل و لازم تستخدمون مفتاح الغرفه عشان تبطلونه

آخر الملاحظات الي ودي اتعرفونها … الغرفه اتنظف كل يوم  بس تنظيف بسيط مو عدل وايد و تكرمون يشيلون الزبايل طبعا و يرتبون الفراش و يغيرون الفوط … و هم نسيت لا اقول لكم انه الانترت الواير لس ابلاش وو ايد سريع الحمدالله  .. هم عندهم خدمه اذا تبون اتاجرون ايباد .. قريت في موقعهم انه الشقق او السويتات الاكبر فيها غسالات ! اما اذا تبون تاكسي مثلا للمول يقدرون يطلبونه لكم  .. و سلامتكم هذا تقريري عن اوتيلنا العجييب 🙂