Northern Lights Hunt with Superjeep.com – Iceland رحلتي لمشاهده الاورورا في ايسلاند

 

That was one experience that I will never forget !! a ride into the dark searching for the beautiful lights in the sky  !  It was 8:30 PM and our pick up was there ! all ready to go, but to where ? Let me tell you when was that 😉 that was during my trip to Iceland in December, 2013 and we were taking that jeep ride to go on a Northern Light Hunt ! Have you ever heard of something called The Aurora Borealis? or Northern Light ? Have you ever been on an Aurora Hunt or tour ?  How did we book for it ? how was the experience ? the details are coming up only for those who travel the world to see what they WANT to see 😉

تجربه خياليه لرحله ليليه … شي عمري ما راح انساه  و هم عمري ما فكرت فيه ! !! تجربه تعلمت منها شي و راح اقوله لكم في اخر التقرير …. تجربه و رحله بدت بذيج الليله البااااارده .. الله ياهو صقييييع لا و كانت الساعه 8:30 بليل!! كنا جاهزين و مستعديين و ننطر الجيب ( الي بالصوره الي فوق ) يمرنا الاوتيل و ياخذنا برحله  !! متى كل هذا صار ؟  هالرحله كانت اثناء سفرتي الى ايسلاند في شهر ديسمبر 2013  .. تبون الصج ؟  هالرحله هم كانت احد الاسباب الرئيسيه لاختيارنا لايسلند كوجهه للسفر براس السنه او خلال اجازه الكريسماس .. رحله مطارده او البحث عن النورثرن لايتس او الاورورا ” ظاهره الشفق القطبي ”   … احد سامع عنها من قبل ؟ او قارين عنها شي ؟ او شايفين صورها و افلامها الخيال بالنت او بالتلفزيوون ؟ عمركم جربتوا متعه  رحله البحث عنها ؟ هالتقرير بحط فيه  بعض التفاصيل المهمه و الحلوه عن طريقه الحجز لها في ايسلاند و بسولف لكم عن تجربتي الشخصيه في هذي الرحله …   تفاصيل و نصايح و رحله اتينن رغم البرد متناا من البرد بس صج خلتني اشوف جانب يديد للدنيا الي احنا فيها …. يالله نبدي التقرير :)))))

First of all let me tell you some simple information to learn more about the Northern Lights 😉

اول شي و قبل ما اقول لكم عن رحلتي  لمطارده الاورورا .. ابيكم تعرفون شويه معلومات بسيطه عن هالظاهره عشان تاخذون عنها فكره بسيطه و انشالله هالتقرير يقنعكم انه شوفه هالظاهره شي مهم و يسوى انه الواحد يتعنى و يتحمل البرد عشانها .. سبحان الخالق العظيم

– Northern Lights : or the Aurora Borealis, are a natural phenomenon that occurs when solar activity releases a cloud of gas that is drawn into the earth’s magnetic fields, creating charged particles that collide with oxygen and nitrogen atoms in the upper atmosphere. The results of these cosmic collisions are glowing emissions of swirling, colourful lights that are visible to the human eye during clear winter nights at far northern latitudes.

شالمقصود بظاهره الاورورا او الشفق القطبي ؟  هالشي يعتبر  مزيج من الألوان الخلابة مثل ما يوصفونها العلماء و هم الناس و المسافرون الي شافوها .. بس انا اشوفها انها اتينن و شي اقرب للخيال …. عاده ما هالظاهره تصير عند القطبين الشمالي والجنوبي للكرة الأرضية و المتفق عليه من كل الناس الي شافوها انها ظاهره خياليه و تبهر الي يشووفها …. و بلهجتنا نقدر نقول انه الواحد لي شافها يمكن تطقه البوهه لوول  … بشكل بسيط هالظاهره شلون تصير ؟ او اشلون اتكون هالاضواء بالسما ؟ التفسير العلمي يقول انه سببها  هو  انه جسيمات مشحونة عالية السرعة تيي من الشمس  و تصطدم بذرات الهواء في طبقات الجو العليا. هالجسيمات المشحونة تيي من رياح شمسية و  يوجهها المجال المغناطيسي للأرض ويبعدها عن دخول جو الأرض، وفي نفس الوقت يوجه بعضها  فيهبط على القطبين بعيد عن الأماكن المسكونة على الأرض .. شخصيا ما عندي اهتمام وايد بالتفسير العلمي كثر ما اشوفها شي من عجايب الدنيا و قدره الخالق سبحانه … صارلي فتره مجابله صور و افلام بالنت و صدقوني لو تسوون مثلي راح اتولعون و تخططون لسفره عشان الاورورا

When to see the Northern Lights? Winter in the north is  a good season to view the aurora because the long periods of darkness and  clear nights provide many good opportunities to watch the aurora displays.One important thing to remember is that there is no guarantee even if all the condition are good to watch the Aurora, sometimes they are not visible to the eyes. Some weeks,  you can see fantastic displays, repeated several times during one evening. Other times, the snow falls , or the northern lights simply stay away. Naturally, the longer you stay at the Aurora destinations,  the more time you set aside, the better the odds.

 متى نقدر نشوف الظاهره ؟ اكييييد بالاشتا و بالمناطق القطبيه الي تزيد فيها ساعات الليل و تقل ساعات النهار .. فمعناته انه فرص شوفتها بتزيد … بس في شي واحد لازم تحطونه في بالكم قريت عنه و هم عشته في تجربتي لمشاهده الاوروا في ايسلاندا .. انه ماكو ضمان انه الظاهره بتصير و ممكن انشوفها حتى لو كل المؤشرات بينت انه في نشاط لها  او الجو كان مناسب .. احيانا سبحان الله ما تنشاف بالعين المجرده و احيانا تلتقطها عدسه الكاميرا و تكون ضعيفه .. و احيانا تختفي فتره و عده ايام من غير لا تنشااف .. و هم اذا بينت الظاهره احيانا تتم لدقايق و احيانا لساعات تشوفون الضوء بالسما سواء لفتره  متواصله او متقطعه .. فدايما بتشوفون انه الخبراء ينصحون انه تطولون مده السفره للوجهه الي انتوا رايحين لها عشان تزيد عندكم فرصه مشاهدتها

Where is the best place to watch the Aurora ?  They occur most frequently in a belt  centered on the magnetic north pole. This called The Auroral zone, and it  extends over northern Scandinavia, Icland, the southern tip of Greenland and continuing over northern Canada, Alaska and along the northern coast of Siberia. The coasts of the Norwegian counties of Troms and Finnmark lay where occurrence is greatest, making northern Norway, due to its ease of access and mild winter climate, an attractive destination for people interested in observing this atmospheric phenomenon.

   وين نقدر نشوف هالظاهره  ؟ في المناطق القطبيه او الدائره القطبيه .. يعني في أي دول ؟ ايسلندا – النرويج – السويد – الاسكا و جرينلاند و هم في ولايه في امريكا .. الي بوصله لكم انه قبل الروحه لازم تسوون بحث شامل  قبلها بجم شهر تشوفون شنو العلماء و الخبراء قالوا عن توقعاتهم من خلال الدراسات لنسبه ظهورها السنه …عادي و شي وارد تكون قويه و تطلع بصوره واضحه بمنطقه او ديره و معينه و نشاطها يكون عادي بمكان ثاني …شنو الي كان متوقع حزه روحتي ؟ لسنه 2013 ؟ حسب التقارير  سنه 2013 كان فيها اقوى نشاط لظاهره الاورورا خلال ال 11 سنه الماضيه .. و متوقع انه يكون لها نشاط مماثل بعد سنين .. بس ترا مو معناته انه ما راح تطلع كل سنه من الحين :)) المهم و هم من الي قريته بالتقارير انه الباحثين و الخبراء ينصحون بالنرويج  لانه تزيد في بعض مناطقها او جزرها فرصه شوفه الاورورا و هالشي راجع لموقعها بالوسط في نطاق الاورورا

  Did you know that the northern lights can take on various shapes and colours. Displays may include ripples, pulsations or steady glows of blue-violet, green or red colours.

معلومه حلوه يمكن لو تشوفون صور الظاهره الي موجوده بالنت بتلاحظون انه الضوء يطلع بالسما باشكال و هم الوان مختلفه سبحان الله

They always say that The Aurora Borealis, once seen, it is never forgotten.

من كثر ما شوفه هالظاهره بالعين شي خيال .. دايما كنت اقرا بالنت انه الي شوفها بعينه لا يمكن يتسى الي شافه في يوم من الايام

Ok now back to my Aurora Hunt details 😉 before taking our trip to Iceland, I was reading more about The Aurora Hunt or The Northern Lights tour and I wanted to make sure to book my tour with the right company. I did my booking with Superjeep.is to go on that Aurora Hunt on Christmas day 25 December 2013, but as you can see in the photo shown above, our tour was canceled because of the weather condition, so on the next day we gave them a call and YES it was good to go on the Northern light Hunt on the 26th Dec 2013 !

 انزين الحين انرد لتفاصيل رحلتي لمطارده الاوروا .. صج كانت مطارده عجيبه و بصراحه تجربه غير .. اول مره اجرب انه انضم لقروب كبير الكل بخاطره يشوف شي اينن و هالشي حلم عند بعض الناس .. بس قبلها خل اقول لكم اشلوون حجزت للرحله و مع منو ؟ قبل سفرتنا لايسلند طبعا كنت اقرا عن هالرحلات بالنت و منو الشركات الزينه عندهم و بعد البحث قررت احجز مع ” سوبر جيب “ طبعا الرحلات بالجيبات تكون اغلى من رحلات الباصات لانه الجيبات تقدر تصعد الجبال و تدش اماكن ثلجيه صعب الوصول لها .. و قلت دام انه اهيه تجربه العمر و بشوف شي عمري ما شفته لا لازم جيب … الجيب يكفي 4 الى 6 اشخاص … حجزنا كان ليوم 25 ديسمبر 2013 .. يوم الكريسماس عندهم .. بس للاسف تكنسلت الرحله مثل ما تشوفون بالصوره الي فوق للايميل الي وصلني منهم .. تكنسلت الرحله بسبب الاحوال الجويه .. اذا هوا ما تصلح الرحله و اذا عاصفه هم ما تصلح .. الاهم و انا اسولف مع الموظفه الي بالفندق جان تقولي انه الرحلات من 23 ديسمبر موقفينها و السبب انه الجو ما يسمح … فقلت انشالله الايام الي بقت لنا  يكون في فرصه نشوف هالنورثرن لايتس .. اليوم التالي بتاريخ 26 ديسمبر دقيت على الشركه مثل ما طلبو مني بالايميل الى دزه … قلت لهم ها في طلعه ؟ جان يقولون اييه ! اشونه طريقتهم اذا كنسلوا رحله بسبب الجو يحولونها لليوم التالي بس لازم تدقون و تاكدون عشان المكان .. اصبحنا يوم 26 ديسمبر و رحنا رحله من الصبح و ردينا المغرب متشوقين لرحلتنا لمطارده الاورورا و تجهزنا و لبسنا الهدوم الطبقات 🙂

 How to set you Camera for Photographing The Northern Lights  ? Well you have to learn before you go 😛 but don’t worry if you go with superjeep.is , they are so professional and the driver you give you some tips and help you to set  your camera too .. but basically you need a tripod ! if you don’t have one ! don’t waste your money to go on a Northern Light Tour 😛

شي لوول .. التجهيزات كلش ما تخيلت روحي يوم من الايام بشتط لرحله جذي و لا على البال …. هذي امرتي و كامره صديقتي .. جهزنا الكامرات و احنا بغرفتنا قبل لا  يمروونه … انزين اشلون على تصوير الاورورا ؟ التصوير بالظلمه ؟ ايييه اهني القصه .. المطلوب قبل روحتكم اتعلمون هالشي او تقرون عنه  لانه هم يعتمد على المكان نفسه لازم تاخذون صوره و تشوفون و تضبطون الكاميرا على الانسب … اييه و الي ما يودي معاه ستاند الكاميرا ” الترايبود ” لا يرووح برحله الاورورا ترا يضحكون عليه …. لازم ترايبود  و هم يفضل ريموت لالتقاط الصور .. عالعموم الشركه الي رحت معاها ايننوون و احنا بالدرب قال لنا سايق الجيب  و القايد انه اذا نبي مساعده بتضبيط الكامرات راح يساعدونه لانهم خبره

We were picked up 8:30 pm, after a couple of minutes, we stopped at a gas station that seemed like a gathering point to all those groups going for Aurora Hunt on that night

 اشلون طريقه الرحله ؟ مرونا بالضبط 8 و نص بليل و انطلقنا الى محطه بانزين باخر مدينه ريكيافيك … ليش وقفنا فيها ؟ تعتبر مثل نقطه تجمع لجيبات الشركه .. كل جيب يمر ناس من اوتيلهم و تالي يتيمعون في هالمحطه .. داخل الماركت مال محطه البانزين في خبير يدشون السواق ملوت الجيبات و يشرح لهم على الخريطه المواقع الي متوقع انه تنشاف فيها الاورورا الليله و تالي انطلقنا .. الله لو تشوفون العفسه شي خيالي حسيت اني صج مشاركه بشي مهم .. صفقه و تشجيع قبل لا يركبون بينهم بين بعض !! صج ماشاءالله مع انه هذي وظيفتهم بس يحبونها و كل يوم متشوقين لشوفه الاورورا !

In the middle of nowhere YES It was cold…. oh no it was FREEZING ! even with all the layers that I was wearing 😛 We went for a northern light hunt for hours lets say we were back to the hotel at 2:30 PM, how was the experience? well let’s leave that to the next photos …….

 ما ادري وين رحنا بالضبط … مكان بعيد و بره مدينه ريكيافيك .. بوسط الثلج و الجبال تحوس هالجيبات و كان عدد المجموعه كبيير .. تقريبا اكثر من 20 جيب و هالشي لانه مثل ما ذكرت تكنسلت رحلات مطارده الاورورا لعده ايام ورا بعض .. فيومها كان الكل طالع .. مو بس شركتنا الي كنا وياهم هم الشركات الثانيه .. و انا اسولف مع سايقنا و مرشدنا قالي انه  عدد الي اليوم طالعين برحلات للأورورا تقريبا 2000 سائح … كان برد ؟ لا كلش مو برد الا صقييييييييييع مع اني لابسه 4 طبقات تحت الكوت و منها جاكيت صوف صناعه محليه من ايسلاند لوول و هم ما لحقت .. لو تشوفون بالصوره درجه الحرارا في وقت من الاوقات ذيج الليله كانت 4 تحت الفر بس في معلومه مهمه .. بردهم خيااالي يعني 4 تحت الصفر عادي تعادل 12 – الصفر بمكان ثاني .. و هالشي يرجع لانه في رياح او هوا بارد … ثلجنا يومها .. لانه نروح من موقع لي موقع و ينزلونا في هالظلمه بالجبال و نوقف و نطالع السما تالي لب منه سايقنا انه نصور السما عشوائي لانه اذا في نشاط للاورورا الكاميرا تلقطه قبل العين …. اشلون كانت تجربتي لشوفه الاورورا ؟ شوفوها بالصور اليايه

And no we didn’t get the chance to see the Aurora on that day 🙁 but superjeep.is offered us a free tour on the next day, unfortunately we weren’t lucky too 🙁 I was so looking forward to see those magical lights up in the beautiful sky, but I left from Iceland knowing that everything happens for a reason, I haven’t got the chance to see them although we went for a tour for two days,  which means I will go again this year for Aurora Hunt 😀 This wonderful experience made me realize why I should have The Aurora on my bucket list ! staying up at night and going on a tour in that cold weather, seeing all the excited people from around the world, I mean like really around the world ! Japan, Europe, Australia and more .. people who came all the way flying for hours or days just to reach Iceland to see the Aurora… The Aurora Haven’t appeared in Iceland from the 22 Dec 2013 until the New Year … So I’m happy that I did what I had to do before leaving Iceland on the 29 Dec 2013 🙂

 شفنا الاورورا ؟ لا للاسف ما شفناها 🙁  لييش ؟ مع انه الجو كان صافي و الكل كان متاكد انه يومها بتنشاف خصوصا انها ما صارت لعده ايام بسبب الاحوال الجويه … ما صارت لانه مثل ما ذكرت ماكو شي مضمون و سبحان الله كتبه الله … حزتها و خلال الرحله كنت ادور و اطالع بالسما جود تطلع بس ماكووو … وقتها ما كان عندي وقت انه يضيق خلقي انها ما طلعت .. وقتها كنت منبهره رغم البرد و الهوا البارد ما كنت مصدقه السما الي فوقي … صج شكل السما جذي !!! و لا انا قاعده اشوف شي يشبه المجره ! اكييد مو مجره بس مو معقووله عيني تشوف سما اتينننن متروسه نجوم و نجوم بابعاد .. بعضها قريب و بعضها بعييد بعضها خاافت و بعضها لا شاب حييل … وقتها كنت بس اذكر الله و سبح .. سبحان الخالق العظيم … شي عمري ما شفته كنت حدي منبهره عيل لو شايفه الاورورا !! شنو كان بصير فيني ! عادي  ابجي لوول …تعلمت يومها انه  ما شفتها لسبب و هالسبب اهوه انه بتكون لي رحله يايه انشالله ان ربي رزقني هالسنه … رحله خاصه للبحث عن الاورورا بس بديره ثانيه.. صج اني كنت ابي اشوفها و شي لفت انتباهي و كنت حاطته بجدولي على اساس انه احد الاشياء الي لازم تنشاف بايسلاند … بس بعد خيبه الامل يومها .. تاكدت  انه شوفه الاورورا شي لازم تسويه بحياتنا  🙂 .. و هم مشيت من ايسلاند و انا مرتاحه انه سويت الي علي غير هالرحله بيوم 26 ديسمبر شركه سوبر جيب عرضوا علينا رحله مجانيه باليوم الي بعده كفرصه ثانيه لنا انه يمكن نشوف الاورورا … و هم نفس الشي ما حالفنا الحظ رغم انه القراءات كانت تقول انه في نشاط ضوئي بس للاسف خفيف … و تمت ظاهره الاورورا مختفيه في ايسلاند بسنه 2013 و ردت طلعت بالسنه اليديده 🙂

I couldn’t take a clear photo that night of the beautiful sky, I was feeling so cold and it was freezing that I didn’t care what kind of photos I was taking of the sky  l it was wondering if I was amazed by the sky that night …what will happen if I actually see the Aurora …. I wil be seeing the Northern Lights this year inshallah 😀

 ما قدرت اصور صور واضحه  .. اصلا ليلتها ما ادري شنو كنت قاعده اصور من البرد بس صورت و هذا الي طلع معاي .. ما قدرت اضبط كارمتي من كثر ما البرد كان مضايقني … ليت الصور تراويكم سماهم الي شفتها …  انا على السما زاغ قلبي عيل لو شايفه الاورورا .. جان اصار فيني !!! ما شفتها سنه 2013 بس هالتجربه علمتني انه شوفه الاورورا احد اهدافي في سنه 2014 باذن الله