I was really excited when that day begun in the early dark hours of the morning in Iceland .We were getting ready to our first tour there, wearing layers, preparing snacks and checking our cameras 😀 Before taking the trip to Iceland in December 2013, I did all the bookings and payments for some of my tours through eskimos.is, Eskimos are tour operator in Iceland that designs itineraries for individuals, small groups and travel agencies based on the traveller’s time frame, interests and budget. Our first tour was The South Coast and Glacier Hike Tour …So what were we supposed to see or do on our tour that day ? tour hightlights provided by Eskimos.is are listed below :
كنت حدي مشتطه و متحمسه مع بدايه اول يوم لنا بنروح رحله فييه .. بدايه اليوم طبعا بالظلمه لانه الشروق 11:30 الظر .. فعاده الرحلات تبدي مبجر عشان نستفيد من الوقت … قعدنا نلبس هالهدوم الطبقات و نسويلنا السناك و الخفايف الي بناخذها معانا بالجنطه للطريج و هم جيكنا على كامراتنا و عدتنا للرحله …. بس قبل لا اسافر الى ايسلاند بشهر ديسمبر 2013 .. حجزت و دفعت لجميه رحلاتي بعد ما نقيت الي عجبني بمواقعهم السياحيه .. اغلب رحلاتي كانت عن طريق شركه اسمها “ اسكيموز ” هالشركه مثل اوبريتر يعني مركز عمليات تبلغونهم شنو بخاطركم تشوفون و ميزانيتكم و عدد الايام لي بتكونون فيها هناك … و اهمه عندهم جمييع شركات الرحلات الي في ايسلاندا و يحجزون لكم مع الي يشوفونها مناسبه لكم …. اول رحله لنا كانت رحله الى الساحل الجنوبي و المشي او التسلق على الجليد و بما انه رحلتنا كانت عباره عن زياره لشلالات و لمرور على مناظر البراكين و تتضمن نشاط واحد الي اهو المشي او تسلق الجبال الجليديه فكانت الرحله مع شركه “ايسلاند اكسكورجنز” و لمه يا دور النشاط كان مع شركه “آركتك ادفنجرز” المهم قبل الرحله دزولي شركه اسكيموز اقائمه الاماكن الي بنمر عليها … و كاهم حطيتهم لكم تحت
– Seljandsfoss Waterfall – شلال سليالاند فوس
– Sólheimajökull glacier – قليجر سولهيمايوكول – لممارسه نشاط المشي على الجليد او القليجر هايكنق
– Reynisfjara, basalt colums & black sand beaches- الي فيها ساحل الرمل الا شاطئ رينيسفيارا فيه الرمل الاسود و الصخور الي جنها اهرام على البحر .. ما مدانا نمره
– Skógafoss Waterfall- شلال سكيوجافوس
– Eyjafjallajökull Glacier / Volcano view بركان ايافيالايوكول
– Hekla Volcano, It is one of the most active volcanoes in Iceland. we saw it on the road during our tour . بركان هيكلا …. احد انشط البراكين الموجوده في ايسلاندا .. مرينا عليه من بعيد و احنا بالدرب و اشر لنا عليه مرشدنا السياحي بالباص بس ما صورته لانه ما راح يطلع واضح بالكاميرا من داخل الباص
We were picked up from our hotel ” Reykjavík Residence hotel” pick up 8-8:30AM as you can notice it was still dark 😛 Anyways we drove a couple of minutes down the street to their main office to collect our tickets and get on the big bus to start hour tour .
Price per person : 20.990.00 ISK Per Person – Bus Tour
مرونا من اوتيلنا “ ريكيافيك رزيدنس هوتيل ” في ميني بس صغير على حسب موعد البيك اب من 8 الى 8:30 الصبح و مثل ما تشوفون بالصوره الي فوق حزتها صار الصبح بس لمه الحين ظلمه… ماكو اقل من 5 دقايق و بالضبط على نفس شارع اوتيلنا تحت اخر الشارع بالداون تاون كان مكان شركه ” ايسلاند اكسكوجنز ” نزلنا ووقفنا طابور عشان نراويهم الحجز و نستلم الفاتوره الصغيره مثل الي بالصوره لانها تذكره ركوب الباص العود … سعر الشخص للرحله تقريبا 51 دينار .. عموما اذا تبون رحله مرتبه مع شركه زينه الاسعار دايما تبدي من الخمسين دبنار .. و شخصيا اشوفها غاليه خصوصا انها ما راح تكون لي ويم كامل لانه النهار وايد قصير ,.. و في دول ثانيه اقدر اروح بنفس السعر برحله في سياره اصغر و مع عدد اقل ..
After driving to the South Coast, we made a short stop at a gas station before heading to the first waterfall ” Skógafoss Waterfall” , the word foss in Iclandic means waterfall 🙂
بعد ما مشينا و تمينا بالدرب تقريبا ساعه و شي… وقفنا في محطه بانزين لاستراحه سريعه قبل لا نروح لاول شلال بنشوفه بالرحله .. حزتها بدت تشرق الشمس 🙂
Skógafoss…….it’s one of the most beautiful waterfalls in Iceland, it is the one that you’ve seen alot in many photos on the web, but it looks totally different in winter covered all in white 🙂 Indeed it’s one of the biggest waterfalls in Iceland, when we arrived there, I started taking some photos with my Cameras but also tourists have the option to walk up to the 60 meter high to see a thundering waterfall view or even on the side, but I prefered not to becuase the ground was icy and slippery from where I was standing 😛
شلال سكيوجافوس .. من اجمل و اكبر شلالات ايسلاندا .. طبعا ما يندرا كاتبه اسمه عدل و لا لا لوول.. المهم شوفوا اسمه بالفقره الي فوق .. هالشلال من الشلالات الي لازم تشوفونها في ايسلاندا طبعا سبحان الله الحين مغطى بالثلج و الوصول له وايد صعب لانه الارض تزلق .. المشكله انه الارض كانت جليد متجمده سبحان الله .. بس قدرت اقرب و آخذ جم صوره و هم في سلم تقدرون تصعدون فوق و تشوفون منظر الشلال من فوق بس بصراحه فضلت اني ما اصعد لانه زلق و اجراءات الامن عندهم مو شي .. يعني ماكو احد بالموقع بس الرحلات و الباصات .. فقلت اكتفي بالتصوير تحت .. طبعا انا واقفه مسافه اكر من 10 امتار من الشلال و هم يوصلني الماي 🙂
After that we passed by Eyjafjallajökull Glacier/ Volcano, it’s Iceland’s volcano that hit the headlines in April 2010 🙂 when its eruption produced a cloud of steam and volcanic ash that have affected affecting air traffic in much of Europe. I wanted to take photos but we were not allowed to leave the bus 🙁 so the photos above I tokk while looking at the Volcano view from the bus
و احنا بالطريج بعد ما شفنا الشلال مرينا على احد اشهر البراكين في ايسلاند … طبعا ايسلاندا متروسه براكين فيها اكثر من 100 بركان نشط بس هذا غير .. ليش ؟ لانه اسمه كان في عناوين الاخبار سنه 2010 بعد ما ثار عليهم و تسبب ببعض الخساير و هم عفس حركه الطيران كلها في اوروبا من الرماد و الدخان سبحان الله .. و الحين كاهو اشزينه مغطى بالثلج و لا جنه شي صار 🙂
Seljalandsfoss waterfall …one of the tallest waterfalls in Iceland, there are many other tall waterfalls but what makes this one famous is that it has a loop trail that takes in the backside of the waterfall which gives you the chance to go all around the waterfall the photograph it.
شلال سليالاند فوس …. من اشهر و اطول الشلالات في ايسلاندا ,… طبعا تتعدد الشلالات الطويله عندهم بس هذا مميز لانه فيه ممر من وراه تقدرون تمشوون و تصورونه من عده اتجاهات بس طبعا محد يبي يروح و يمشي في هالممر مع الارض المتجمده بالاشتا .. يبيله جو صيفي حلو .. بس لازم تشوفون شكله بالصيف .. شوفوا الصور الي موجوده بالنت .. صج تفرق عن صورتي واايد
تلاحظووون الهلال .. اينن سبحان الله هالمنظر الظهر .. هذا حد نور الشمس
Welcome to the frozen world that I fell in love with !!!! let me tell you more about what I think was the best part of the south coast tour, it’s the Glacier Hike with Arctic Adventures ! and it’s only for those who look for new adventures 😉 There are many hikes to this famous Glacier, but ours was the easy hike on the ancient ice of Sólheimajökull glacier… So how did it go ?
في هالمكان الي تشوفونه بالصوره الي فوق .. كان احلى شي بالرحله بصراحه .. اوكي منظر الشلالات اينن و اكبر شلالات شفتها بحياتي بس هالنشاط الي سويناه عمري ما سويته من قبل .. و ما يصلح للكل .. انصح فيه بس الي يبون مغامره و نشاط يديد لانه برررررررررد موووووت و تمينا ساعتين داخل الجبال تقريبا … المهم النشاط اهو ” قليجر هايكنق ” نقدر نقول انه مشي على الجبال او المياه النهريه المتجمده ,… يعني نمشي على جليد مو سنو الي اهوه الثلج العادي … هالمكان عمره مئات السنين طبعا مو طول السنه بتلاقونه متجمد بس اتم فيه نسبه من الجليد حتى بالصيف … المهم خلوني اراويكم اشلون كانت التجربه العجيييييبه
Getting ready for The Glacier Hike ! The experienced glacier guides taught us how to use basic ice equipment, crampons and ice axe required for our trip into the amazing glacier .
وهذا الاستعداد للمشي على الجليد .. اول شي لازم تكونون لابسين جوتي الهايكنق المعروف و ينباع في عده اماكن بس انا أجرت لي منهم الجوتي و بلغتهم هالشي قبل بالايميل و هم ترا الملابس اذا تبون ملابس ضد الماي تقدرون تاجرونهم بمبلغ بسيط و اييبونهم لكم بالموقع … شنو الي بالصوره ؟ يركبون شي له قاعده و ارضيته حديد على جواتينا اسمونه ” كرامبونز ” هالشي يساعد على المشي على الجليد و مستوياته المختلفه .. المهم المرشد يركب طبجه وحده و يراوي كل شخص طريقه التركيب و الطبجه الثانيه كل شخص يركبها بروحه … بعدها عطونا شرح بسيط لطريقه المشي فيها و هم عطونا عصاه او فأس للثلج للمساعده على النزول او الركوب على الجليد
وااايد مهم انه تسمعوون الارشادات … كثر ما الرحله بتكون حلوه بس هم في خطر لانه مكان من الطبيعه و عادي في حفر او انزلاقات و كل شي ممكن يصير
Our Glacier guides from Arctic Adventures giving instructions before statrting the hike
قبل لا ننطلق بالهايكنق المرشدين الخاصين للمشي على الجليد .. عطونا بعض الارشادات و هم نبوهانا على بعض الاخطاء و ما انسى حجوه واحد لمه حرصنا على الالتزام بالقوانين لانه اذا احد طاح او صارله حادث يبيلهم ساعتين على ما اتم عمليه الانقاذ و قال انه محد يبي يتم في هالبرد طايح بحفره و لا زالق و منحكر تحت الارض لمده ساعتين .. فسمعوا الكلام احسن 🙂
fresh air…. beuatiful scenes … I totally loved the experience ! and yes I wish I could go back again !
الله ياهو هوا نظييييف و صاافي سبحان الله مع النسم حسينا فيه انا و صديقتي .. مناظر ممكن للحظه تشوفونها تخوف بس اينن الهدوووء الي فيها .. سبحان الخالق العظيم
Luaren from France our Glacier Guide explaining more details about that Glacier
و هذا مرشدنا المتخصص بالقليجر هايكنق .. لورين من فرنسا لكن عايش بايسلاند
The real feeling of Travel to explore …that’s what I felt while I was out there 😀
وانا بذاك المكان صج حسييت بشعووور متعه السفر لاكتشاف اماكن يديييده .. و لو شنو حطيت لكم صور ماكو على التجربه الشخصيه و شوفه ذاك المكان بالعين غيييير
My best friend noor taking a photo of me 😛 in the glacier tunnel !
صوريني و اصورج لوول .. هذي صديقتي و رفيقتي بسفره ايسلاند .. داخل النفق الجليدي
This is me …. The Amatraveller 🙂 for the glacier hike as you can see, I took my Canon G12 and my Go Pro Camera … instead of carrying my Canon 700D
هذي انا مع البرد ما بقى شي ما لبسته لوول .. المهم شنو الكامرات الي خذيتها وياي ؟ اول شي كاميرا ثقيله ما راح ينفع لويه المشي و الرحله بالقليجر مدتها تقريبا ساعتيين … فخذيت معاي كامرتي جي 12 و علقتها على رقبتي مثل ما تشوفون بالصوره و هم القو برو بالاضافه للايفون .. و هم حذرونا انه نحط بالنا على اغراضنا لانه ان طاحوا مو كل شي يقدرون يوصلون له 
Many groups on the glacier that day because it was a good weather to take a hike
بيوم روحتنا كان في واايد مجموعاات لانه الجو يومها كان واايد حلو و صافي
برد ؟ ايي موووووت شي خيااالي … وناسه ؟ أي الوناسه كانت اكثر من البرد … واايد تعلمت مفاهيم يديده من هالتجربه البسيطه .. الحمدالله
عند هالكهف حدد لنا القايد مكان نوقف فيه عشان نصور .. وايد اماكن اثناء الرحله القايد يتجدمنا و يتاكد من سلامه الارض و انه ماكو شي يتحرك من الجليد تالي ينادينا نتبعه
After that we went back to the same gas station and had our lunch break .. we had our food with us, but at the gas station they have some burgers and hotdogs
بعج ما خلصنا رحلتنا في القليجر .. ردينا ركبنا باصاتنا و رحنا مره ثانيه لمحطه البانزين الي مريناها باول رحلتنا .. بس هالمره عشان استراحه الغدا .. و كانت تقريبا الساعه 3 العصر و ما بقى شي على الغروب .. بس نص ساعه و تظلم الدنيا … هذي توستتي مسويتها بالاوتيل 🙂
This is the only thing that got me upset, we reached the black sand beach after sunset 🙁 and our tour guide used a flash light to show us around at the beach ! I have sent an email to eskimos.is with my feedback regarding the whole tour, but mentioned this point, I think if they moved the lunch break to the end of the tour, that way we could have the chance to see the black beach before sunset.
لمه وصلنا هالمكان كنت حدي معصبه بس ما ادري على منو لوول … المرشد السياحي الي ويانا بالباص واايد محترم و ما سكت فقير بس يقول لنا معلومات و هم السايق بعد .. بس كنت معصبه على الشركه في طريقه ترتيب الرحله … ما يصير قبل لا تغيب الشمس يودونا استراحه للغدا و تالي ودونا ساحل الرمل الاسود بعد ما غابت الشمس !!! هالساحل المعروووف انه فيييه قطع ثلجيه اتييننن ! شالفايده ! و منزلنا من الباص و ننزل دري في هالظلمه الخرمس و قاضب ليت يراوينا الثلج !!! واايد تنرفزت بصراحه شوفه هالمكان اهم من استراحه الغدا !! سالفه انه ساعات النهار القليله في شهر ديسمبر بالاخص عندهم شي معروف و مو يديد . مفروض يعيدون ترتيب الجدول او انه يشيلون هالمكان من الجدول ! و ما يقولون انه بنروحله ! عالاقل كان ممكن اروح له برحله ثانيه … عالعموم انا دزيت لهم ايميل برايي و قالوا انه بدزونه للشركه المسؤؤله .. بس بصراحه انصح الكل بعدها لا تروحون في باص روحوا رحلات بجيبات اسرع بوايد.. بالله هذي صور اتصور بالظلمه .. كنت ابي امتع عيني بالمنظر 🙁
My Go Pro…My mini hero in all the tours I took in Iceland… trust me you need one
كامرتي القو برو .. هذي ثاني سفره استخدم القو برو … بس صج كانت نجمه و بطله الرحله .. وااايد وااايد فادتني هالنتفه خصوصا بالظروف الصعبه في اماكن تصير تزلق واايد فيالله اعابل بعمري و ما اقدر اشيل كامرتي الثقيله كانون 700 جي … انصحكم بالقو برو و الي وده يشوف تصويرها يسويلي فلو على انستغرام @amatraveller
Some tips from Amatraveller 😉 بعض النصايح مني لكم بخصوص الرحلات في ايسلاند
– Always have in mind that the weather changes suddenly in Iceland, so even if you already started the tour it might stop at any time . be flexible 🙂
دايما حطوا في بالكم جوهم فجاه يقلب عادي اتكنسل الرحله قبل لا تطلعون بساعه او حتى اثناء الرحله يقولون لكم خلاص ما نقدر انكمل بسبب الاحوال الجويه .. لانه بشهر ديسمبر بالاخص الجو يتغيير وايد فجاه
– My Advice book all your tour in Iceland by jeeps or mini bus . don’t go in big bus tours I guess, I think being with a small group will save you some time to see all sites
نصيحه مني بعد تجربتي لرحله في باص كبيير … حجزوا رحلات بجيبات او في ميني بس الي يكون العدد قليل احسن بوايد اتوقع يمدي تشوفون كل شي .. انا رحلات بالباصات الكبيره دايما تبرد جبدي .. عالعموم تعلمت صج اغلى اذا كانت بجيبات خاصه بس عالاقل يمديني اشوف كل شي دام انه واصله الديره
– Wear layers and waterproof clothes لبسوا ملابس طبقات خصوصا للي بمارسون انشطه مثل الهايك الي سويته .. عموما الملابس الفوقيه لازم تكون ضد الماي
– I recommend booking tours with Arctic Adventures
انصح بحجز رحلاتكم مع هالشركه ” آركتك ادفنجرز ” واايد اعجبتني جربتها في نشاط القليجر هايك و هم بعد في رحله ثانيه معاهم بكتب عنها تقرير خاص
