It was cold that day, that I could’nt feel my hands,The place was a short walk away from our hotel, and we were lucky that it was one of the places that were opened on Christmas Day . When I was planning my trip to Iceland, I came across some recommendations in Trip Advisor, which were basically about a Lobster Soup ! oh yeah that’s me I love those little details, so I kept searching about it and many travelers recommened it and some have wrote that it is indeed one of the things that you don’t want to miss in Reykjavik !
يومها كان مووووووت برد الي حتى ايدي ما احس فيها … بس المكان الي كنه بنروحله مو بعيد يمكن جذي 10 دقايق مشي من فندقنا في ميدنه ريكيافيك في ايسلاند .. من حسن حظنا انه كان مفتوح لساعات معينه بيوم الكريسماس ! الي عاده يسكرون فيه اغلب المحلات و المطاعم … و انا اخطط لرحلتي لايسلندا في شهر ديسمبر 2013.. واايد قريت في موقع تريب ادفايسر آراء ناس تمدح شوربه لوبستر وطبعا هالتفاصيل واايد تهمني و تشد انتباهي عاده و انا ابحث و ازهب لستتي بالأشياء الي ابي اسويها بالوجهه الي بسافر لها .. استمريت بالبحث عن راي الناس في هالشوربه لين توصلت انه بعضهم قايلين و كاتبين انها صج من الاشياء الي لازم ما اطوفها في مدينه ريكيافيك
So what I did I asked our hotel receptionist for direction to Saegrefinn, The Sea Baron, where many travelers had their most delicious lobster soup ! Directions where given and we took the walk to have that soup for Lunch 🙂
و يوم الكريسماس مريت الرسبشنست في اوتيلنا و قلن لها انه نبي نروح هالمطعم و نتغدا شوربه و جيكت عليه و طلع انه فاتج لساعات معينه مثل ما ذكرت من قبل … و طلعنا من الاوتيل مشي لانه مكانه بكون تحت بالمدينه اخر الشارع عالبحر .. كنت متحمسه اني بذوق شوربه لوبستر لذيذه .. صدقوني مع البرد فكره الشوربه بغض النظر شوربه شنو .. فكره خياليه و تشوق و حدها ناجحه لوول . خووش مشي مشينا بالبرد لوول و تحتنا الارض المثلجه
The Sea Baron restaurant is located down by Reykjavik’s old harbour, it was a lovely walk but it was freezing 😛
مطعم ” سي بارون ” الي عنده الشوربه المشهوووره مكانه بالميناء او المرفا القديم بمدينه ريكيافيك .. خوش تمشي بس البرد لعوزنا .. الهوا كان قوي كل ما قربنا للمرفأ يزييييد
Almost there …….. اشوي و نوصل .. شوفه خريطه المرفأ تبشر بالخير
And there it was Saegreifinn (The Sea Baron) .It’s a tiny restaurant,a casual one in a tiny green painted fisherman’s hut.
و هذا اهو المطعم على شكل كوخ او بيت الصيادين و لونه ازرق على اخضر .. لون تيفاني .. له بابين باب خلفي و امامي .. بس ترا مو مطعم كشخه ! كلش ستايله شعبي و بحري و من داخل نتفه .. يالله اراويكم الصوره
First you have to order at the counter then sit at a table .Don’t worry the casheir and the waitresses speak excellent english 🙂
اول ما تدشون لازم تطلبون من الكاشير الي تبونه تالي تقعدون بالطاوله الي تبونها .. الي عجبني مو بس في هالمطعم الا في ريكيافيك كلها .. الانجليزي عند الشعب واايد قوي الي ما تحتاجون اتعلمون أي شي من لغتهم
They say that the recipe of the famous lobster soup was made by the owner, a retired fisherman
شفتوا الصوره الي فوق ؟ فيها صوره ريال .. يقولون انه هذا صاحب المطعم النتفه و كان اول صياد و اهوه الي سوه وصفه شوربه اللوبستر .. انزين يالله نبي نطلب الشوربه 🙂
Whale around Iceland poster 😀
و هذي لوحه فيها انواع الحيتان الي تكون موجوده في المحيد يم ايسلاند … طبعا ايسلاند تعتبر من افضل و اشهر الدول برحلات مشاهده الحيتان .. بس للاسف الرحلات مو موجوده حزه الاشتا .. الي اهي حزه روحتنا
Certificate of Excellence by Trip Advisor for the year of 2012 and I think they got one too for the year of 2013
و هذا شهاده الامتياز من موقع تريب ادفايسر معلقينها يم الكاشير .. و اعتقد انه هم عطوهم شهاده امتياز بسنه 2013
This is one of the entrances, located in the main dining are
و هذا احد مداخل المطعم صوب الغرفه الرئيسيه الي فيها الكاشيير و اخذ الطلبات
If you love Herbal Teas, then you have to try The Icelandic Herbal Tea
شنو هذا ؟ هالشي للي بروحون ايسلاندا و يحبون سوالف الاعشاب و شاي الاعشاب … احلى شاي اعشاب ذقته ما يحتاج احطله سكر !! انا وايد احب هالسوالف .. اول مره جربته كان بالاوتيل كانوا يحطونه لنا كل يوم و بعدها رحت السوق و شريت منه .. تلاقونه بكل مكان و هم في هالمطعم حاطين لهم رف يبيعون بعض الاشياء و الاعشاب الشعبيه المعروفه عندهم
How to order ? all you have to do is look at the fridge and make a choice of that you want to have 🙂 you willsee many fresh seafood
اشلون نطلب ؟ في ثلاجه حاطينها على جنب فيها اشكال و انواع من الماولات البحريه الطازجه و كاتبين اسم كل شي .. بس اختاروا الي تبونه و روحوا للكاشير طلبوه
من الاشياء الغريبه على كانت لحم الحوت … عاد انا احب الحيتان واايد و صج ودي انه ايسلاند توقف عن صيد الحيتان .. المهم قلنا دام يايين للشوربه خل نطلب شي ثاني بعد… بس شنو طلبنا ؟ الحين تشوفون بالصور اليبايه
بس طلبنا و دفعنا جان نروح للغرفه الثانيه .. بينهم باب .. القاعه الثانيه اكبر و ما كان فيها احد
There are two tiny dining areas, one is where the cashier and the kitchen located, and it was crowded so we came to this area that you can see in the photo above
و هذي الغرفه او غرفه الطعام الي قعدنا فيها .. المطعم عباره عن غرفتين بس كلهم لهم باب خارجي .. ةحده الي فيها الكاشيير و الثلاجه الي فيها الاكل الي تطلبونه و هم جم طاوله .. بس الي بالصوره فيها طاولات اكثر
وااايد بسيطين و ماكو كلافه .. المطعم حده شعبي .. جذي حسييت اني في مشهد من هالافلام الي نشوفها
و هذي طاولتنا الي صوب الدريشه و يمنا الدفايه مشررين عليها افوطهم مالت تمشش الاماعين لووول
and this is the famous soup ! the lobster soup !
و هذا اول شي وصلنا الطاوله … شوربتهم المشهوره .. شوربه اللوبستر .. يمي يمي
تخيلوا بره برد موووووووووووت و هواا بااااااارد و قوي الي لمه دشينا من الباب … الباب انصفق ورانا … و بعدها تييكم هالشوربه الحاااره و حاطين لنا خبز للتغمس !!! ما اعتقد اكو شي احلى و انطع من جذي مع البرد !!
we also ordered grilled shrimps which was good
و هم طلبنا ربيان مشوي بس كان حلو .. مو وااو .. يعني لو مره ثانيه بروح .. بروح للشوربه بس و ترا تكفي انها تكون غدا
الشوربه خيااااليه … شي شي يمكن لانه برد لوول كنه انتنطع و احنا نشربها !! اذا قلتولي ايهي احلى هالشوربه و لا توم يم التايلنديه بقوول .. اكيد ذيج .. بس انا فيني ميزه احب هالاشياء البسيطه لانه طعمها الحلو بصير ذكريات من رحلتي للوجهه و صج هالشوربه دايما بتذكرني برحلتي الى ايسلاندا
Saegrefinn (Sea Baron)
354-553-1500
Geirsgata 9, 101 Reykjavik
The restaurant is located in the Northwest of Reykjavik by the harbor.
When we were done with our lunch, we took a walk exploring the Harbour
و لمه خلصنا غدانا بالمطعم و دفينا من الشوربه العجيبه .. قلنا خل نطلع و نتمشى بالمرفأ نشوف شعندهم
Whale watching ticket office that operate in the summer season
و لقينا بالمرفأ او الهاربور سطره مكاتب للشركات الي تنظم رحلات مشاهده الحيتان .. بس كانت كلها مسكره لانه مو موسمها .. موسم هالنوع من الرحلات بس بالصيف و لفتره معينه
Also one of the great thing to do or not to miss when you visit Iceland in the summer is go on a Puffin tour ! they are the cuttest birds in the world !
و من الانشطه الحلوه الي لازم ما اتطوفونها و كنت ميته ابيها و حاولت احصلي احد يحوس فيني الجزيره عشان هالطيور … رحله مشاهده طيور البفن ! طبعا هالشي مستحيل بالاشتا بس اذا رحتوا ايسلاند بالصيف في رحلات لهم .. عشان اتشوفونهم عن طريق رحلات بحريه .. سالت حزه روحتي و كنت مستعده ادفع الي يبونه بس يوصلوني لمكان فيه حتى لو طير واحد ! بس ماكو … الي بروح بالصيف هالنشاط ما يتطوف !
