I have learned that a luxury stay is a must in most of the trips that I take.. It’s great to end a lovely trip to a destination in a luxury Hotel wherever you are, Just to make sure that you get spoiled before going back home to reality 
Well one of the last luxurious stays that I enjoyed was at The Yeatman Porto. I have already posted about this hotel but there is more that I want to show you in the upcoming photo tour … are you ready ? Let’s go
تعلمت من السفر انه دايما احجز لاقامه فخمه باوتيل راقي بنهايه الرحله او الجوله بين مدن عديده بالسفره ……..شعور حلو انه الواحد ينهي اجازته بالسكن بمكان راقي و يدلع عمره قبل الرده للديره و الواقع … المهم احد اكشخ الاماكن الي سكنتها بسفرتي الاخيره كانت في فندق ذا ييتمان في مدينه بورتو بالبرتغال .. سبق اني كتبت تقريرين عن اقامتي في هالاوتيل الروعه وااحد فيه عرض لغرفتي و الثاني فيه صور ريوقنا بالفندق … بس بصراحه عندي صور زياده ودي تشوفونها .. صور عن مرافق الفندق الثانيه .. عشان جذي باخذكم بجوله صور مره ثانيه بفندق ذا ييتمان
الاوتيل عنده حمام سباحي داخلي و حمام سباحه خارجي … بس الخارجي كلش ما قربنا صوبه حزه روحتنا لانه كان بشهر سبتمبر و بادي الجو يبرد عندهم .. و الداخلي انشاءلله اراويكم اياه مع تقرير السبا تالي
و هذا شكل بلكونات الغرف .. لاحظوا الحاجز الي بين البلكونات يعطي خصوصيه لكل غرفه و كلهم يطلون على نهر الدورو ..خوش منظر
شكل الحمام سباحه الخارجي
الحلو بالاوتيل انه مستغلين بعض الممارات الموجوده بالسرداب للعرض .. بس عرض شنو ؟ شوفوا معاي بالصور اليايه
Stopper Production Cycle
بما انه اوتيل ذا ييتمان من ارقى الاوتيلات و فيه سبا و مخزن للخمور للاسف ..اذا نزلتوا السرداب بتشوفون لوحات تشرح عمليه صناعه الفلين الطبيعي و الي من اشهر الصناعات و المنتجات عندهم بالبرتغال … شنو استخداماته ؟ الغطا الي يسكرون فيه البطول مالت الخمور و هم يسوون منه جناط و جناط صغار و مداليات و هم ارضيه الجواتي الداخليه .. شوفوا الصور اليايه
الفلينه العوده الي بالصوره الي على اليسار تقدرون تكتبون عليها ذكرى لوول عاد الي بيسكن الاوتيل خل يشوف شنو كتبنا عليها انا و قروبي
و هذا احد الاستخدامات الي ذكرتها و من ضمنها بعض جواتي ماركه برادا
نادي او حضانه لليهال بسرداب الاوتيل
سرداب الاوتيل كل شي فيه لوول
شقصه الديج ؟ و ليش واايد تشوفونه في البرتغال و يستخدم كرمز يرمز لهم ؟ و ينباع كتذكار ؟ قصه حلوه بس ماني قايلتلكم عنها ابييك انتوا لي رحتوا تسالون عن قصه الديج …. هالقصه صارت بين اسبانيا و البرتغال و بعدها صار الديج احد الرموز الي ترمز للبرتغال
معرض لاعمال فنيه
كلنا نركب اصنصيرات ! بس عمركم ركبتوا اصنصير على منطاد ؟ يشوق صح ! صعدت و رديت نزلت و تالي صعدت لوول ما خليت شي بخاطري
ترا ما خلصنا من جولتنا في اوتيل ذا ييتمان … انشالله البوست الياي بكون عن تجربتي لسبا الفندق
