I was thinking while looking through that window : we’re going to start a new girls adventure … new experiences awaits us …. for a trip we’ve been planning for so long … and we are almost there and the adventure will begin ! It was great flying with Qatar Airways for 5 hous 15 mnutes from Doha to Nairobi, the capital of Kenya. The flight was comfortable and we spent it chatting and looking at our trip’s itinerary wondering how things will go …
اذكر يوم كنت مجابله هالمنظر الروعه و احنا بدربنا بالطياره لوجهه يديده .. حزتها واايد افكار مرت في بالي… كنت اقول بعد ساعات راح نبدي مغامره يديده لسفره بنات في مكان يديد و بيئه مختلفه و ناطرتنا غير التجارب الي مخططين لها .. تجارب مفاجئه و اهي الي تحلي السفره و الرحله اكثر …. راح نبدي رحله صار لنا فتره و شهور نخطط لها عدل .. والحين كانا قربنا و بنبدي هالمغامره اليديده…. الحمدالله كانت رحله موفقه و مريحه مع طيران القطريه من الكويت بعدها الدوحه الى نيروبي – عاصمه كينيا .. تقريبا الدرب 5 ساعات و 15 دقيقه من الدوحه الى نيروبي
We arrived at Jomo Kenyatta International Airport, Nairobi at 5:15 PM
وصلنا نيروبي الساعه 5 و شي و كان يومها الجو ممطر عندهم 
Once we stepped out of the plane and while waiting for the bus to take us to the passport control , I stood there and took a lot of photos with Kenya Airways plane 😀
اول ما طبت الطياره نزلنا منها ووقفنا ننطر الباص ايي عشان يودينا مبنى الوصول .. عاد و احنا واقفين قعدنا انصور جم صوره .. احلى شي ذكريات بدايه رحله و شعورنا حزتها و احنا ما ندري شالي ناطرنا
a ride in the bus 🙂
و هذا الباص الصغير شحليله على قدهم و يؤدي الغرض
Let’s get our passorts stamped then begin the adventure 😀
وقف الباص و قالولنا ندخل من هالمدخل .. انا الرسموات شوقتني اشلون باجي الرحله .. المطار واايد عااادي و قدييم و ما فيه مكيف و جنه بس سير او سيرين جناط داخل .. ختمنا جوازاتنا و خذينا جناطنا سهالات الحمدلله
Later, we were met by our host agency team member for a transfer from the airport to where we will be spending the night
بعدها و اول ما طلعنا من المطار .. لقينا احد موظفين شركه السفاري الي احنا حاجزين معاها ناطرنا عشان يودينا الفندق الي بنقضي ليله فيه و بعدها الصبح بننطلق لمطار داخلي و اول طياره الى اول وجهه سفاري في كينيا .. يا زين هالشركه و ياحلو ترتيبهم .. شي يبرد القلب بعدكم ما شفتوا شي .. صج ينطبق عليهم مثل حط فلوسك بالشمس و اقعد بالظلال
Arrival Hall at Jomo Kayatta
و هذا مبنى الواصلين في مطار جومو كياتا في نيروبي – كينيا
.. ما مداني اصوره من داخل فوقفت صورته بعد ما طلعنا
One impotant thing about Nairobi ! Their traffic is out of control ! You can get stuck in there for hours ! And that what happened to us on our way to the Hotel that evening ..so remember if you need to us the restrooms either do on the plane before landing or at the airport but never wait until you reach the hotel …Their traffic is a serious problem really.
شي واايد مهم و لازم تعرفونه… زحمتهم شي خياااالي و مو طبيعيي … لانه انحكرنا بالزحمه لاكثر من ساعتين و دربنا لي اوتيلنا حده ساعه الا ثلث ! من كثر ما الطريج يوقف اغلب الناس يسكرون الساياره و اهمه ينطرون بالزحمه ! ليش قلت هالملاحظه ؟ لانه ادري في ناس يسافرون مع ناس كبار بالسن او يعانون من بعض الامراض الي يحتاجون فيها الحمامات بوقت متقارب .. بالنسبه لنا استخدمنا حمام الطياره قبل لا ننزل لانه ما نبي نستخدم مال المطار .. صج حكره ووهقه في هالزحمه فقلت انبهكم .. لانه الزحمه اهي الحياه الطبيعيه عندهم في نيروبي
We arrived at Southern Sun Mayfair Nairobi, fo a 1 night stay, as planned and booked by our amatraveller.com team, So that we fly to our first destination the next day in the morning .The hotel is cozy and has a very welcoming environment :DI just can’t forget the beautiful smiles of all their staff upon our arrival !
و بعد الزحمه الحمدلله وصلنا الاوتيل الي بنقعد فيه ليله و اسمه ساوثرن ميفير نيروبي .. ليش ليله ؟ لانه كنا اليوم الي بعدها بننطلق باول رحله طيران لاول موقع سفاري في كينيا .. المهم هالاوتيل حجزنا فيه علشان نريح ليلة .. الاوتيل يشوق وصغير و ملمووم و ستايله قديم بس اجوائه ترحيبيه ابتداءا من ابتسامات الحلوه الي شفناها على ويوه الي يشتغلون من اول واااحد استقبلنا عند الباب لي الرسبشن لي الي شال جناطنا .. يا حلو روحهم و نفسهم الحلوه 
checking in and filling the personal our personal information … the receptinist handed over some stuff for us ..The stuff were two Safari’s cross bags – Travel Voucher and the most interesting thing ever is our personal travel journal !
و احنا نسوي جيك ان عند الرسيبشن طلعت لنا الموظفه بعض الاغراض الي معطينها اياهم شركه السفاري مالتنا … و عطتنا اياهم .. كانوا جنطتين سفاري كروس و داخلهم بطاقات لحجوزات الرحله و الشي الاحلى جورنال او تفاصيل رحلتنا كاااااامله !!! في مجلد خاص لنا !!! و انا اقراها جنها قصه !! كل شي كاتبينا اسامي المطارات الداخليه و اسامي الحيوانات الي بنشوفها في كل مكان بالاضافه الى معلومات بسيطه عن كل مكان بنسكنه و طبيعته
The rooms are small but clean , well that what you need for a 1 night stay 🙂
الغرف نظيفه و صغيره .. بس اتوقع هذا المهم حق قعده بفندق لمده ليله .. يوفي الغرض
We had small flying visitors 😛 As they are usually expected when staying ayt a hotel that has lovely flourishing gardens with beautiful plants 🙂 Anyways, on that night we went to bed after winning a small battle with some kind of flies called ant flies LOL and thank good no one got bitten LOL
و هذا شكل الحمام .. حده ستايله قديم بس نظييف .. اما الصوره الثانيه فيها حشرات بالحمام لوول هذا بعد المعركه الي صارت لنا ذيج الليله .. بما انه طبيعه اوتيلنا ممرات مفتوحه بالهوا الطلق للغرف و دار مدارنا هالحدايق ماله الاوتيل .. فماشاء الله زارونا بليل نوع من انواع النمل الي يطير لوول .. حسب ما قال لنا الموظف الي ناديناه و ساعدنا بالمعركه معاهم … بس الحمدالله ما قرصوا احد فينا .. احب اعترف انه احنا يمعناهم عند باب الغرفه وخليناهم يطلعون لنا بكميات لوول لانه حضرتنا تعشينا و خلصنا و طلعنا صواني الاكل بالممر و نسينا انه الممر كله مبطل على الحدايق 🙂 لووول بدعنا ليلتها
And the morning was bright ! After along night of rain .. we got up early to get ready for our pick up to take us to the airport then we’re off to our first safari destination.
الهوا كان بارد اول ما اصبحنا بعد ليله من المطر ماشاءالله ما وقف … اذكر بعد ما صورت هالصوره رديت الدار لبشت جاكيتي و طلعت …قعدنا مبجر يومها نستعد عشان السايق مال شركه السفاري يمرنا
but before checking out of the hotel, we went down for breakfast
بس قبل الجيك اوت .. نزلنا تحت عند حمام السباحه عشان الريووق
It was a lovely morning in Nairobi, I remember how excited I was ! I was so happy that finally I’m sitting there and taking photos then sending some for my family saying good morning from Nairobi, Kenya 🙂
كان خووش ريوق و كانت خوش قعده بس ما كنا حزتها ندري بالمغامره و الوناسيه الي ناطرتنا و رغم هذا كنا طايرين من الفرحه .. السفره من ملامحها الاولى و طبيعه الناس و المكان اتبشر انه بنجرب و بنعيش شي مختلف عن كل مره … جنه كنا داشين بمشاهد من فيلم لوول من اللحظه الي دزيت لاهلي مسج اقول لهم صباح الخير من نيروبي .. كينيا 🙂
Breakfast at Southern Mayfair Nairobi
ريوقنا في الاوتيل
One of the beautiful trees at Southern Mayfair Nairobi Hotel !
احد الاشجار الغريبه و الحلوه في حدايق اوتيلنا مال نيروبي ! وايد عجبتني
And we were ready to go ! but that wasn’t our ride 😛 Usually you will find different Safari jeeps waiting for their guests either to take them on a road trip to their first safari destination or to the airport to catch a flight to their safari destination and that’s what we did .. Now let’s go for our ride …..
و بعد ما تريقنا كنا جاهزين للانطلااااق …. بسهالجيب ما كان جيبنا مع انه كنا مشتطين عبالنا لنا لوول .. اول ما طلعنا من بوابه الاوتيل الي مخصصينها لسيارات السفاري لقينا هالجيبات واقفه تنطر زباينها .. الي لازم تعرفونه انه مو كل الاجانب يروحون مناطق السفاري في كينيا او تزانيا بالطيارات الصغيره في واايد يروحون بالسياره خصوصا المصورين الي يقعدون لاشهر عشان اغراضهم الثقيله معاهم … المهم لقينا سايقنا الخاص التابع لشركتنا مالت السفاري و توكلنا على الله و ركبنا وياه عشان نروح لاول مطار داخلي و ننطلق منه لاول وجهه سفاري في كينيا الي اهي المساي مارا و منو الي ما سمع عنها من قبل !
و تفاصيل اكثر عن رحلتنا الى اول مكان سفاري يايتكم بالتقرير الياي … تزهبوا 🙂
Our Safari trip was planned and organized by the amatraveller.com team.
amatraveller.com رحلتنا السفاري كانت بتخطيط وتنظيم فريق ….
و جميع التكاليف دفعناها قبل الرحله
to be continued 😉
