Yes those were the best days of my life ! sitting there in the Safari jeep …waiting … holding my camera …. looking out at the plains and savannah of The Mara …. until something is spotted ! with the best group and the best Ranger ever ! Charity from &Beyond.com 😀
اييييه صج هذي كانت احلى ايام حياااتي !!! قعده في هالجيب و النطره و قضبه هالكاميرا … حزتها نبي قوه الملاحظه و الهدوووء للاستمتاع بشي اسمه البحث عن الحيواناات في مساحات المساي مارا .. لما عيونه تلقط شي يمشي او منخش من بعيييد … متعه ما راح يعرفها الا الي جربها
I never thought that I will be falling in love with a place that much ! We travel the world to see new things and go back home with new experiences. But The best thing that could ever happen to us (The travelers) is when we end up in exploring more of ourselves ! Africa has awaken something in me ! I never thought that going on a daily safari game drive would make me the happiest ! I started observing the details of the wildlife .. learning more of the secrets of that environment .. No matter how much you read about the beautiful wildlife of Africa , you will never understand how magical it is until you’re there ….
بصراحه كلش ما توقعت اني بحب مكان جذي ! على الاماكن الي سافرت لها و المغامرات الي عشتها ما حسييت اني متعلقه فيهم كثر هالافريقيا !!! كلنا نسافر و نشوف اماكن يديده و نعيش تجارب فيها بس احلى شي ممكن انه المسافر يكتسبه خلال رحلاته حول العالم اهو انه يكتشف شي في روحه … شي ما كان يدري عنه من قبل مو لانه مو موجود فيه بس لانه الانسان فيه اشياء مخشووشه ما يدري عنها من اطبااع و ميول الا لما يكون بالبيئه المناسبه و المكان المناسب حزتها يتعرف على جوانب يديده في نفسه … افريقيا فتحت عيني على عالم و جانب يديد ما كنت ادري عنه و على كثر ما قريت عن افريقيا و متعه السفاري … تجربتها شي ما اقدر اوصفه و ما اعتقد احد قدر يوصفه من قبل …عمري ما توقعت انه في يوم من الايام بكتشف هوايه يديده عندي و حب الطلعه في رحله سفاري للبحث عن الحيوانات و تصويرها .. تعلمت من هالرحله ألاحظ التفاصيل بالطبيعه و سلوكيات الحيوانات .. تعلمت عن جمال و اسرار البيئه الطبيعيه للحيوانات في افريقيا .. تعلمت اصبر و انطر الحيوانات اتحرك او تمشي او تهجم .. تعلمت انه ماكو احلى من انه الانسان يمتع عيونه في الطبيعه مثل ما اهي من غير لا يتدخل فيها … سبحان من خلق و صور .. سبحان الله
When was that ? It was when I first experienced a real Safari drive in the Masai Mara while staying at Kichwa Tembo Tented camp for 3 night as part of our East Africa Trip in October, 2014 . Our camp has the perfect location ! It’s located in a remote north western part of The Masai Mara ! The land of breathtaking vistas and amazing wildlife! But why did I includThe Masai Mara as a Safari destination in our East Africa Trip ?
متى كان كل هذا ؟ كل هذا تعلمته و تعرفت عليه لاول مره باول رحله سفاري صجيه لي خلال اقامتي في اول موقع برحلتنا ” مخيم كيجوا تيمبو ” في المساي مارا في كينيا .. هالمخيم موقعه ممتااااز في محميه مساي مارا الطبيعيه .. بس ليش حطيت محميه المساي مارا من ضمن جدول رحلتنا السفاري في كينيا و تنزانيا ؟
Well there is alot to see, learn and experience in the Masai Mara . The first thing I did when I was planning our trip is knowing more about The Masai Mara 🙂
في المساي مارا بتشوفون وااايد حيوانات .. عشان جذي اغلب الخبراء في عالم السفاري ينصحوون المسافرين خصوصا الي بجربون السفاري لاول مره انه لازم يمرون على محميه المساي مارا في كينيا لانها معرووووفه بكثره الحيوانات و تعددها .. و الحين بتشوفون معاي بالصور بس اول شي بقول لكم اشويه عن طبيعه المساي مارا
The Maasai Mara National Reserve (also known as Masai Mara and by the locals as The Mara) is a large game reserve in Narok County, Kenya, contiguous with the Serengeti National Park in Mara Region, Tanzania. It is named in honor of the Maasai people (the ancestral inhabitants of the area) . It is globally famous for its exceptional population of lions, leopards and cheetahs, and the annual migration of zebra, Thomson’s gazelle, and wildebeest to and from the Serengeti every year from July to October, known as the Great Migration,Which I was lucky to witness some of the wildebeest migration but not in the Mara it was in Serengeti ( I will post about it soon )
محميه المساي مارا الطبيعيه في كينيا .. سموها بالمارا او المساي مارا على القبايل الي تسكنها قديما و هم لي اليوم الي اهم قبايل الماساي .. و تمتد مساحتها الى داخل حدود تانزانيا و اهناك يصير اسمها سرنقيتي و يفصل بينهم نهر المارا … ليش الناس تيي للمساي مارا اكثر شي رغم انه كينيا فيها محميات طبيعيه وايده بس هذي اكثر وحده مشهوووره ؟ لانها معرووووفه بتعدد و كثره الحيوانات مثل ما ذكرت قبل و هم اهي الارض الي تتم فيها الهجره الطبيعيه و السنويه لبعض الحيوانات .. و الي تعتبر من اخر الاماكن بالعالم الي ممكن نشوف فيها ظاهره هجره طبيعيه للحيوانات من غير تدخل الانسان … و الحمدلله قدرت اشوف هجره لمجموعه من الحيوانات خلال رحلتي لكن من جهه سرنغيتي في تنزانيا ( راح احط لكم تقرير الهجره قريبا )
Staying in The Masai Mara for 3 nights …. and enjoying a Safari Game drives twice a day .. what did we see ? Let me take you on a photo tour !!! before we start remember ..
There’s more to see, than can ever be seen
اقامتي في محميه المساي مارا لمده 3 ليالي … و الاستمتاع يوميه برحلتين سفاري وحده الصبح ووحده بع الغدا او على حسب خطتكم و اتفاقكم مع الرينجر او القايد الي بسوق جيب السفاري …المهم شنوو الي شفته في المساي مارا خلال اقامتي فيها ؟ باخذكم الحين في جوله اتييين براويكم صور الحيوانات بس غير عن الي تشوفونهم .. ليش ؟ لانهم في بيئتهم الطبيعيه و احنا الي نقعد نفتر ندورهم 🙂 بس قبل لا نبدي ابييكم تحطووون هالعباره اليايه في بالكم و الي اغلبنا عارفها و سامعها من قبل في احد اغاني فيلم لاين كنق
There’s more to see, than can ever be seen
الي ناوي يروح برحله سفاري في كينيا او تنزانيا قريبا … خل يتذكر هالعباره لانها انقالت و انكتبت في اغنيه عن المكان الصح ! المهم يالله نبدي جوله الصور
Masai Mara Wildlife… so what can you see there ?
Wildebeest, zebra, kongoni, topi, elephant, hippo, buffalo, giraffe, lion, cheetah, leopard, black rhino, crocodiles, hyena, jackal and many many kind of birds ! The Masai Mara is calling all bird watchers 😀
شنو الحيوانات الي ممكن تشوفونها في المساي مار؟
الوايلد بيست – الحمار الوحشي – الضباع – الغزلان – الفياله – الزراف – الاسود – الشيتا – الليبرد – البفالو الي اهو الجاموس – الجاكل شي جنه ذيب – فرس النهر – وحيد القرن – التماسيح وتشكيله كبيره من الطيووور بجميع الاحجام ! شي خيالي .. خوش مكان لمحبي الطيوور
Wildebeest
Birds at The Masai Mara
الطيور في المساي مارا … يشوقووون
صور ثانيه لطيور المساي مارا
Rhinos of The Mara in Kenya. We stayed far away actually we had to stick to a certain distance from the spotted rhinos ! Why ? because there are not so many rhinos left in the world! which is a sad news that I learned from our ranger ! Rangers from the government track those rhinos and guard them against poachers
وحيد القرن ! الحيوان المهدد بالانقراض ! معلومه يديده توني تعلمتها في كينيا .. لمه شفناهم من بعيد طلبت من الرينجر مالتنا اتقرب فينا عشان اصورهم عدل بس قالت انها تقدر اتقرب لمسافه معينه و للاسف هذا اقوى زوم في عدستي .. الحكومه مانعه الاقتراب منهم لانها تحاول تحافظ على العدد القليل المتبقي مو بس عندهم فيكينيا .. الراينو او وحيد القرن مهدد بالانقراض في افريقيا و السبب هالي يذبحونهم عشان هالقرن بعضهم عبالهم انه فيه ماده تعالج عن الامراض و بعضهم لانهم امرضه و ما عندهم سالفه ! صج عورني قلبي لمه حسيت انه خلاص يمكن قريبا الراينو ينقرض و بالمستقبل بس نشوف صورته بالكتب و شكله بالافلام الوثائقيه .. عشان جذي الحكومات حاطه رينجرز يدورون بالمحميه و يشوفون تحركات الراينوز 
الام وولدها … اللبؤه
You just can’t have enough ! I could stay there all day taking photos of that Lioness
روووعه … التقاط اللقطات المختلفه للبؤه ! كان عادي عندي اقعد يوم كامل بس اصورها
الهيبو .. او فرس النهر ! تدرون انه حيوات خطر ؟ و جدا سريع اذا يبي يهجم رغم حجمه الكبيير .. تذكرونه في فيلم ماداغشقر ؟
الطبييعه خياليه و على الرغم من انه ندوور كل يوم بنفس المساحه .. سبحان الله نشوف مناظر مختلفه و اصور لقطات جدا مختلفه
هذا الي يسموونه Jackal
ذييب او ثعلب شي جذي بس ذيله ما كانوا يبون اصورهم لوول ما قدرت اصورهم صوره عدله
يا زيين الزرااف عالم ثااني و كله هاديين و يرعون في هالطبيعه و دايما يكونون مجاميع … هل الاسود يهجمون على الزراف ؟ اي احيانا بس الزراف الصغار و غالبا ما يقدرون عليهم لانه الام تدافع عن البيبي و تشوت بريلها ! سبحان الله ا
احد الطيور الجميييله اسمه
Crowned Crane
احد عوايل المساي مارا لوول
النتفه كان ودي ابوقه و اخذه هديه حق ولد اختي ! مو يشوق ! و الله ودي ما اراويكم الصور بس .. ودي اراويكم كل الي شفته بعيوني من الحياه الطبيعيه للحيوانات و اشلون تمشي من الفير لي المغرب .. لو تشوفون الي شفته بتكرهون شي اسمه حديقه حيوان
جان نصييد الشيتاا ,…وضعها ما كان اوكي كانت عطشانه و ثقيله يا حامل يا مكثره بالاكل
اتينن !
Hello There 🙂
معلومه تعلمتها انه الاسود كساله و كله مسدحين !
جان نلقا لاين كينق !!! هذا الاسد الوحيد الي شفته بالرحله كلها .. كبير بالسن بس الحمدلله انه شفنا واحد عالاقل
الاسد لقيناه مع لبؤات بمساحه تمتد الى كيلو .. منتشرين فيها و كل واحد قاعد مكان .. و كلهم يعتبرون من مجموعه وحده .. لاحظوا شنو لقينا يم الاسد ” بفالو ” الي اهوه جاموس .. المتوقع انه صايدينا بس شباعه و مخلينا وجبه غدا لليوم الثاني لول
صوره تجمع العايله كلها
ملاحظاتي عن المساي مارا
شخصيا اشوفها مناسبه لرحله سفاري عائليه و خصوصا مخيمنا لانه في برنامج للاطفال .. و هم اشوفها مناسبه للرحلات مع كبار السن .. ليش ؟ لانه مقارنه باماكن السفاري الي رحت لها بعد ها …. تعتبر المساي مارا احسن وحده من ناحيه الطرقات .. صح انه احيانا انغرز اشوي و نطب في برك ماي صغيره بس اغلب ارضها مستويه بس نمشي على ياااده …. الجيب مال السفاري مكشووف مثل ماهو موضح بالصوره اما بالنسبه اذا خطر اول لا .. ما اعتقد خطر لانه قوانينهم معروفه مثل لازم مسافه قرب معينه من الحيوانات المفترسه و هم اذا قربنا لازم نتكلم بصوت واطي و هم ما نتحرك وايد او بشكل مفاجئ عشان ما نلفت انتباه الحيوانات المفترسه … و انتوا في المساي مارا او حتى حق بعدين في تنزانيا او افريقيا طلبوا من الرينجر الي يسوق فيكم جيب السفاري انه تشوفون شي اسمه
The Big Five
Big five game animals are : the African lion, African elephant, Cape buffalo, African leopard, and White/Black rhinoceros
و هو عباره عن 5 حيوانات يعتبرون اصعب 5 حيوانات ممكن اصطيادها في افريقيا … طبعا احنا كل شي شفناه الا الليبرد حسااافه ما كان لنا حظ بشوفته .. و هم تمنينا نشوف جدامنا عمليه صيد لحيوان مفترس بس للاسف ما صارت .. وايد ناس فاهمين انه بطلعات السفاري الواحد يقدر يشوف كل شي يبي يشوفه .. هالشي مو صحيح .. وايد اشياء تعلمتها و في اشياء لازم تنطروونها عشان تصير و يمكن ما تصير بعد … عادي اسد يترصد لفريسته بالساعات
و معلومه ثانيه .. الصيد في كينيا ممنوووع .. و اشونه ممنوع يسعدني هالشي 🙂 
Not just a sunset …. It’s The Mara Sunset !
مو اي غروووب ….. لحظات الغروب في المساي مارا شي خياااالي .. حتى الحيوانات تصرفاتهم و سلوكياتهم تتغير حزتها … سبحان الخالق العظيم
Thank you to Charity , our ranger from &Beyond Safaris ! We are glad that our first game drives experience was with you !!!
شكر خاااص الي الرينجر مالتنا برحلاتنا السفاري اليوميه ” جيرتي ” حدهاا عجيييبه و اتينن و تسوي الي تقدر عليه عشان نشوف كل الحيوانات الي بخاطرنا و اصور اللقطات الي بخاطري … نشوووفج على خير قرييبا 🙂
Our Safari trip was planned and organized in coordination with andbeyond.com
رحلتنا السفاري كانت بالتعاون مع شركه ان بيوند …. و جميع التكاليف دفعناها قبل الرحله
