We never know what we’vegot until it’s gone …and we never know how precious moments we live until they’re over …..!! This is how it is there .. . How does it feel to stay at a camp in the middle of nowhere ? how does it feel to sleep in that tent with animals around ? Well we never know until we are there … right there to experience a new style of stay and trip. Simple yet very pleasurable when you go on such a vacation in a land of beauty ..you just can’t get enough of the marvelous wildlife ! I don’t know how to say it but definitely it was the best stay experience in my life !!! I have traveled around the world, stayed at many hotels, lodges and resorts but nothing will ever compete with this flawless luxurious camp !! So guys I can promise you that reviewing my stay experience will make many of you plan their own Safari trip soon 🙂 So are you guys ready to see where I stayed for two nights during my East Africa Safari trip, let me show you around my camp
غالبا الانسان ما يعرف شالي عنده الا بعد ما يروح منه …. و هم الواحد ما يدري اشكثريعيش لحظات اتينن و تمر عليه من غير لا يحس فيها … الا لمه تخلص و تروح ذاك الوقت يدري اشكثر قيمتها … ولهت على القومه من النوم في ذاك المكان … اي بوسط الزرع و الاحراش مجااابله هالمنظر وواقفه داخل خيمتي و انا لابسه بيجامتي .. اشوف هالمساحات الكبيييره الي تملكها و تديرها الحيوانات في بيئتها الطبيعيه … و افكر و اقول يا ترى شنو بنشوووف اليوم ؟ اسد ؟ فياله ؟ نمر ؟
جذي طبيعه الحياه و اليوم اهناك ..دا بسيط بس متعه خياليه انه الواحد يقضي اجازه بخيمه حاطينها اداخل اشهر المحميات الطبيعيه حول العالم ” سرنقيتي” ما ادري اشلون بلاقي الكلمات المناسبه الي توصف لكم اشكثر هالتجربه كانت اتينن بس باختصار احلى تجريه اقامه جربتها بحياااتي كلها .. رغم انها الابسط و رغم انه لفيت العالم و سكنت منتجات و فنادق معروفه …. اقامتي بخيمه لحد الحين اهي احلى تجربه … اوعدكم انه مع نهايه هالتقرير اغلبكم وده يجرب و يحجز في مخيم و يروح برحله سفاري 🙂 المهم هااا جاهزيييين ؟ ببدي بتفاصيل المخيم الي سكناه ليلتين خلال رحلتنا السفاري الى افريقيا …
3 nights stay in Kichwa Tembo tented Camp in Masai Mara- Kenya press here to read my review
2 nights stay at Serengeti under canvas …details coming up below
More stays around Africa .. coming up soon 😉
خطه رحله السفاري في افريقيا في اكتوبر 2014
اقامه 3 ليالي في مخيم كجوا تيمبر في المساي مارا في كينيا … كتبت تقارير عن هالاقامه و الي وده يقراها يضغط على الرابط
بعدها اقامه ليلتين في هالمخيم الي بتكلم عنه اليوم في هالتقرير
وين بعدها رحنا ؟ هم في اماكن وايد سكناها و مفاجآت اكثر يايه بالتقارير الياي
We arrived to Serengeti after spending a couple of hours flying from Masai Mara, Kenya … read more about that trip press here
وصلنا منطقه سرنقتي في تنزانيا بعد رحله طيران و رحله بالسياره لساعات بديناها من المساي مارا في كينيا … اشلون كانت الرحله ؟ اضغط الرابط للتقرير
Upon our arrival to Serengeti Airstrip, we were welcomed by our guide and ranger “Humphrey ” then we went to the camp. First let me tell you some information about our camp in Serengeti, it is a luxurious semi-permanent tented camp that moves around the Serengeti bringing guests within range of the massive herds of the Great Migration.
اول ما طبينا ووصلنا لمهبط الطيارات الي في سرنقتي و كان الاقرب لمخيمنا .. لقينا المرشد و السايق مالنا ينطرنا و استقبلنا و قدم لنا بعض المشروبات الساخنه و الوجبات الخفيفه و بعدها اتجهنا للمخيم مالنا … اول شي بقول لكم معلومه عن مخيمنا .. مخيمنا يعتبر من افخم و اكشخ المخيمات المتحركه في افريقيا .. يعني شنو متحركه ؟ انا اقول لكم .. في مخيمات سفاري ثابته يعني الخيام ناصبينها في موقع دائم و انا سكنت هالنوع من المخيمات في المكان الي زرناه قبل الي اهوه مخيمنا في المساي مارا .. كان خيام ثابته اما هالمخيم يتغير مكانه خلال اشهر السنه حسب اتجاه هجره الحيوانات بالمحميه نفسها يعني يوم خلال اشهر السنا الي يكون المخيم فعال فيها يتنقل كل شهر او اكثر لمكان ثاني بالمحميه نفسها مره جنوب مره شمال و جذي … و هم معناته انه المخيم مو امسور يعني ما عليه حواجز يعني ممنوع نطلع نمشي بروحنا خصوصا بلبل لانه عادي نلقى اي نوع من الحيوانات مجابلنا لوول بس رغم كل هذا كانت هالتجربه الاحلى في حياتي
Once we arrived at the camp, we filled a small form with basic personal information then enjoyed welcome drinks !
اول ما وصلنا المخيم قدمولنا عصير للترحيب فينا من باب الضيافه و يا زينهم و يا زين ضيافتهم و تالي عطونا فورمه و عبينا بعض البيانات الشخصيه الي يحتاجونها و هم وقعنا انه على مسؤؤليتنا الاقامه لوول
It was the ultimate luxury camp !
هالمخيم كشخه و راقي مقارنه بالمخيمات الثانيه
That was were we sat upon our arrival and welcomed by the camp manager Mr. Barakah , who kindly gave us some information about the camp
في هالخيمه الي تشوفونها فوق .. قعدنا اول ما وصلنا و استقبلنا فيه مدير المخيم ” بركه ” .. بركه قدم لنا معلومات عن طبيعه المخيم و عددالي يشتغلون فيه و بعض التحذيرات لانه مثل ما ذكرت احنا بوسط الطبيعه … شفتوا هالخيمه يعني جنها الرسبشن او الاستقبال 🙂
Now that was the way to my tent, which is located close to the main or reception tent well not that close but closer than the others 🙂
اما الحين خلونا نروح نشوف خيمتي و هذا الممر الي يودينا لها .. خيمتي ما كانت قريبه بس الاقرب للخيمه الرئيسيه او خيمه الرسبشن
Almost there 😀 You just don’t know how much I miss this place and I would do whatever it takes to get back there soon !
و اشويه و نوصل خيمتي ! صورت هالصوره و انا واقفه يم خيمه بنات عمي .. تقريبا كل خيمه عن خيمه تبعد مسافه 10 امتار … الله ياهي كانت ايام عجيييبه ! و مستعده اسوي الي اقدر عليه عشان ارد لهل مكان
Ok so that was were I spent two beautiful nights ! yes it was scary to sleep alone in that tent !! but it was a amazing adventure too ! and I’d rather remember how beautiful the experience was than remembering the scary sounds of animal at night
اوكي و في هالخيمه قضيت ليلتين …. تبون الصج الوضع بليل يخرع و تجربه يديده بس بنفس الوقت كانت خوووش مغامره و شخصيا افضل اني اتذكر اشكثر كانت هالتجربه حلوه و غريبه اكثر من ما اتذكر صوت الحيوانات بليل
My tent
خيمتي 
الله على هالقعده ! كنا نقعد نشرب شاي و نشوف الغرووب 
Outdoor sink …
و هذي المغسله الخارجيه غير الي موجوده بحمام الخيمه تشوفون رش الحشرات ؟ الفليت ؟ واحد للدار وواحد للجسم او المبلابس … بصراحه الحشرات بالمخيم ما كانت وايده مقارنه بالمخيم الي سكنته بقبل بالمساي مارا في كينيا … كل يوم المغرب الخادم الخاص بالخيمه يرشها و يجهزها لنا 
my bed in my room I mean in my tent 😛 each tent has a private butler service
فراشي في غرفتي … اقصد في خيمتي الكشخه :).. كل خيمه لها خادم خاص ” بتلر “
تهبل الخيمه من داخل … صج السكن فيها كان مغامره 
I miss my tent
يا حلو هالقنفه … كنت افرش عليها قشي ووايرات الاجهزه .. لول 4 كامرات
Side window
الدرايش الجانبيه للخيمه … الصبح يبطلهم الخادم و من تصير حزه المغرب تردون الخيمه تلقونهم مسكرين
ensuite flush w.c – connected to my tent
الحلو انه تكرمون الحمام من ورا الخيمه يعني ما تحتاجون تطلعون بره .. كل خيمه معاها حمامها
Another sink inside the tents toilet area , can you see the bottles of water in the lower shelf ? we were advised by the camp manager to use them when brushing our teeth, the water from the sink can be used only for external use
و هذي المغسله الثانيه داخل الخيمه … الشي الي لازم تعرفونه انه احد التعليمات الي قال لنا عنها مدير المخيم انه لازم نغسل في بطول الماي المسكره .. يعني ما يصير نستخدم الماي الي يترسونه في للمغسله .. لييش ؟ مو لانه مو نظيف بس لانه اييبونا من القرى مالتهم و احنا معدتنا حساسه و هالشي طبيعي مو بس بدول افريقيا هم قي دول نزورها و ما نتحمل او نمرض لي كلينا من سلطاتهم و جذي .. المهم السبوح عادي في مايهم اي استخدام خارجي عادي اما التمضمض حزه تفرش الاسنان لازم من ماي البطول
bucket shower in your ensuite tent . The bucket was topped up everyday with hot water by the butler after each Safari drive we take .what’s better than returining to the camp and taking a hot water shower before dinner under the stars.
و هذا الشور و هم مع الخيمه …. كل يوم بعد ما نرد من رحلات السفاري نلقى الخادم تارسه ماي حار و جاهز للشور .. شنو احلى من جذي .. شور بعد يوم و احنا نلاحق الحيوانات و بعدها نتجهز للعشا تحت السما و النجووم ,
What can you find in your tent ? a Walkie Talkies so you can talk to your butler if you need anything … a flash light you might need at night because I remember electricity went off a couple of times …. and an emergency blow horn 🙂
شنو بعد بتلقون في خيمتي ؟ هالاشياء الي بالصوره و الي ستخدمها في حاله الطوارئ بس الحمدالله ما احتجت الصافره بس اللاسلكي كنت اكلم فيه الخادم اذا ابي شي .. و هم الليت كنت استخدمه بليل لي رحت الحمام تكرمون لانه احيانا تطفي الكهربا 
The simplicity of camping, with no mains electricity and running water. That’s my bathroom !
رغم انه المخيم يعتبر كشخه الا انه الاضاءه محدوده في جم سراي و ثريا بنص الخيمه .. ماكو مكان تشحنون فيه اجهزتكم ! بقول لكم بعدين اشلون تشحنون الاغراض 
Now let me show you where we had our breakfast everyday
و في هالمكان كنه كل يوم ناكل ريقونا قبل لا ننطلق برحله السفاري … كل مجموعه او خيمه يجهزون لهم طاوله وحده 
That’s our camp chef 🙂 وهذا طباخ مخيمنا جاهز بسويلنا بيض على حسب الطلب 
Our breakfast table
كل يوم هذا شكل طاولتنا .. غير البيض الي يسويه الطباخ هالصينيه و بالي فيها كل يوم تنحط لنا .. طبعا كل شي حاطينا لنا حسب طلبنا و توجيهاتنا عند الحجز لما قلنالهم شنو الاكل الي نفضله 
Every night I used to give our butler” John ” all the my devices so that he could take care and charge them for the next day ! and the next day he hands them over to me ! By the way The camp has Wifi service but sometimes it’s not available even mobile networks ! but honestly it wasn’t a problem ! I am so surprised if the amazing fun we had while we stayed there away from using our mobiles !
كل يوم بليل كنت اعطي الخادم بطاريات الكامرات و الاجهزه الي ابيه يشحنهم بالمولد الرئيسي .. لانه صج داخل خيامنا في كهربا بس لليتات او الاضاءه .. ز كان كل يوم على الريوق يردلي اغراضي مشحونين و من ضمنهم ايفوني … و على فكره المخيم فيه واي فاي بس الارسال ضعيف و احيانا يختفي و ما يلقط حتى التلفونات بعد .. و كان عندنا علم في هالشي قبل لا نوصل فبلغنا اهلنا انه يمكن نقطع عنهم جم يووم … اتصدقون باختصار احلى الايام كانت من غير انترنت و لا اتصالات ! كلش ما توقعت انه بنستمتع جذي
I took those photos during our dinner under the stars ! I just wish I could show you how beautiful it was
صورت هالصور لعشانا بالليلتين الي سكنا فيها المخيم .. عشا لذيذ يبدي بشوربه و بعدها طبف رئيسي و بعدها الحلو .. قعده اتهبل بس قبلها انرش عمرنا في بخاخ يوخر الحشرات و بعدها نتعشى تحت السما و النجووم .. ليتني بس اقدر اراويكم اشكثر الوضع كان خياااااال
afternoon tea
شاي العصر … ايام اتينن قعده و ضحك و سوااالف 
One afternoon there was a lovely surprise, our ranger Humphrey took us on a short walk around our camp, awhile later we found ourselves there … standing on one of the big rocks of Serengeti
و بثاني يوم لنا بالمخيم … كانت هالمفاجاه الحلوه .. يانا الرينجر و القايد مالنا لي خيامنا و قال لنا باخذكم في جوله مشي حوالين المخيم ! اشلون نمشي جذي و ممكن في حيوانات ! التعليمات تقول انه نمشي كابور ورا بعض عشان اسهل للنحشه اذا شفنا حيوان مفترس و طول ما احنا نمشي سوالف معاه و لي وصلنا للمكان الي بالصوره فوق .. و لا مجهزين لنا هالمفاجاه الحلوه .. ركبنا فوق الصخره العوده و نطرنا الغروووب
Campfire to keep the animals away 😛 I guess
و شبولنا نار عشان الحيوانات ما يقربون لا سمح الله .. ترا صج احنا كنا بوسط الطبيعه و الغابه 
Soft drinks before the sunset
و تحت الصخره حاطين لنا طاوله فيها مشروبات و بعض السناكس 
The view from top of the rock
المنظر من فوق الصخره 
That’s Humphrey ! Our ranger and guide during our stay there ! We miss you Humphrey ! and thank you for taking great photos dear friend !
و احب اعرفكم على القايد و الرينجر مالنا .. همفري .. ما قصر معانا بالمعلومات و الاجابه عن اسئلتنا و هم بالتصوير .. الله يعافيه يشوف حوستي مع كامراتي قام خذا مني كامرتي و صور فيها
I just miss waking up to this view !! Each morning, standing there in my tent wearing my pajamas looking at the plains of beautiful Seregeti and wondering what are we going to see and observe in today’s Safari Game Drive
ولهت عللى هالمنظر و شوفته كل يوم اول ما اقعد من النوم ! اوقف داخل خيمتي في بيجامتي و مبتسمه من الوناسه و بنفس الوقت افكر يا ترا شنو بنشوف اليوم في سرنقيتي ؟ جم اسد ؟ جم زرافه ؟ بنشوووف الهجره ؟ و لا ما راح يحالفنا الحظ ؟ اقوول لكم بعدين عن قصه الهجره 🙂
Now that you all saw where I stayed in Serengeti, how about we go on the first game drive in Serengeti ?? that’s what’s coming up next ! be ready for the beautiful wildlife in Serengeti
و الحين بعد ما راويتكم مخيمنا العجيييب …. اشرايكم نبدي برحلات السفاري في اراضي سرنقتي ؟؟؟ و هم بقول لكم عنها جم معلومه حلوه و ليش نقيناها كأحد محطات رحلتنا السفاري في افريقيا و طبعا براويكم الصور الي صورتها لحيوانات سرنقتي ….التفاصيل يايتكم بالتقرير الياي
Our Safari trip was planned and organized by the amatraveller.com team.
amatraveller.com رحلتنا السفاري كانت بتخطيط وتنظيم فريق ….
و جميع التكاليف دفعناها قبل الرحله
